Вежби во домашни услови

[Acid]

Студено? Нема каде да вежбате? Потрешно!
Еве неколку домашни вежби кои ќе ви помогнат да ја одржите вашата форма за време на зимскиот период, за кои не е потребна дополнителна опрема, ниту пак голем простор. Слободно надополнете ме со вашите предлози.

Вежба 1
Застанете на левата нога и кренете ја десната рака пред вас. Спуштете го торзото и подигнете ја десната нога така што ќе биде паралелна со подот. Потоа спуштете ја и направете го истото и со другата нога.

Вежба 2
Застанете со раширени нозе. Земете крпа во рацете и кренете ја над главата. Правете клекни-стани.

Вежба 3
Застанете во позиција за правење склекови, но наместо на дланките тежината да ви паѓа на лактовите. Формирајте права линија, па едната рака исправете ја и застанете на дланката. Направете го истото и со другата рака, па вратете се во почетната позиција.

Вежба 4
Ставете ги рацете на колковите, рамениците нека ви бидат наназад и исправете се. Подигнете ја левата нога и направете голем чекор движејќи ги колковите наназад. Потоа сменете ја ногата.

Вежба 5
Застанете потпрени на ѕид со вашиот грб, а нозете нека бидат свиткани пред вас. Спуштајте се со колената додека не формирате прав агол. Подигнете ја вашата десна нога, така што ќе биде паралелна со подот. Стојте така 1 до 2 секунди, потоа сменете ја страната.

Потрудете се предлозите да бидат со фино објаснување, пропратено со визуелно објаснување (фотографија) од вежбата.

 

[Con Artist]

Еве ВЕЖБИ за во домашни услови, со своја тежина:

 

[Црноризец Храбар]

Еве нешто и од мене за во домашни услови. Врв за здравјето. https://www.youtube.com/watch?v=1_jSnv1gjyk

 

[Sungerot Bob]

Вежба 1



Легнете на подот и подигнете ги нозете под агол од 90 степени. Испружете ги рацете над главата и започнете да се подигате и со рацете да ги допрете нозете. Не го кревајте премногу горниот дел од телото.
Оваа вежба едновремено ќе ви помогне да ги зацврстите горните и средните стомачни мускули. Исто така, оваа вежба е добро загревање за нозете. Направете 1 серија со 10 повторувања.

Вежба 2



Клекнете на подот и потпрете се на рацете. Рацете поставете ги на распон на рамената (можете да застанете и потпрени на лактите). Внимавајте грбот да ви биде исправен. Започнете да ја подигате едната нога нагоре. Не ја исправувајте, треба да биде свиткана во коленото. Прстите на нозете насочете ги нагоре. Горниот дел на ногата треба да биде паралелен на подот. Откако ќе ја достигнете оваа положба, полека вратете се во првобитната.
Оваа вежба ќе ви помогне да ги зацврстите мускулите на задникот и бедрата. Направете по 1 серија за двете нозе со по 10 повторувања. Доколку сте во добра форма, не плашете се да направите 2 серии по 15 повторувања.

Вежба 3

Застанете исправени (нозете треба да ви бидат поставени во ширина на рамената) и земете во секоја рака мал тег. На почетокот рацете треба да ви бидат спуштени долу, така што дланките ќе бидат свртени една кон друга. Започнете да ги подигате рацете настрана, без да ги свиткувате. Подигнете ги околу 20 сантиметри и задржете во таа положба 10 секунди. Потоа подигнете ги уште 20cm и повторно задржете. Правете го тоа додека вашите раце не бидат на висина на рамената (како на сликата). Полека спуштете ги рацете и повторете ја вежбата 5 пати.

 

[wiksa]

Зависи колку имате слободно врема ама ако имате бар 1 саат дневно тогаш препорачувам 2 вежби.
Без никакви дополнителни реквизити само со вашата тежина барајте ја на youtube или по торентиве Insanity.
Доколку имате барем само тегови од разлицни тежини дома тогаш можете и p90 или p90m за почетници, а доколку сте значително поспремни тогаш можете да се обидете и со p90x или p90x2

 

[The Procrastinator]

 

[Sungerot Bob]

Вежба 4



Легнете на подот и ставете ги рацете зад ушите, на горниот дел на вратот. Започнете да го подигате горниот дел на телото и левото лакто насочувајте го кон десната нога. Горниот дел од вашето тело треба да биде свртен на десната страна. Потоа вратете се во првобитната положба на подот и направете ја истата вежба, но на спротивната страна, т.е. десното лакто насочете го кон левата нога и свртете го горниот дел од телото на левата страна. Во текот на исполнувањето на вежбата не треба да ги движите нозете.
Оваа вежба е наменета за сите стомачни мускули, а особено е корисна за зацврстување на страничните мускули. За почеток правете 1 серија со 16 наизменични повторувања (8 на левата и 8 на десната страна).

Вежба 5



Легнете настрана и со десната рака потпрете ја главата. Левата рака ставете ја пред вас. Нозете во секој момент од практикувањето на вежбата треба да се исправени. Подигнете ја левата нога во воздух, под агол од 60-70 степени од подот. Потоа бавно спуштете ја. За подобар ефект можете да ја задржите ногата подолго во воздух.
Оваа вежба ќе ви помогне да ги зацврстите и внатрешните и надворешните мускули на бедрата. Најдобро е да не правите брзи движења. За почеток правете по 10 повторувања за секоја нога. Кога ќе се чувствувате поспремни, правете по 2 серии од 15 повторувања.

 

[ЏинЏер]

Овие ми се супер за по дома. Доволно ме препотуваат, а одземаат само по пола саат дневно.
Според програмата, се вежба 10 дена првото видео, па 10 второто, па 10 третото.

 

[Sungerot Bob]

Вежба 6



Легнете на подот, свиткајте ги и подигнете ги колената. Рацете испружете ги на подот покрај телото. Започнете да го подигате задникот нагоре, а потоа спуштете го. Стапалата на нозете за почеток можете да ги чувате целосно залепени со подот. Истата вежба може да се практикува и кога се потпирате само на прстите (како што е покажано на сликата).
Оваа вежба ќе ви помогне за зацврстување на задникот и мускулите на бедрата. Правете 2 серии по 10 повторувања. Доколку сте во добра физичка форма, можете да практикувате 20-25 повторувања.

Вежба 7

Вежбите за стомачните мускули се задолжителни. Започнете со класичната вежба за стомачни: легнете на подот, свиткајте ги и подигнете ги колената, ставете ги рацете зад ушите и подигајте го горниот дел од телото. За да ги вежбате горните мускули, не треба целосно да го одлепувате грбот од подот.
Оваа вежба е добра за зацврстување на горните стомачни мускули. Ако досега не сте биле физички активни, најдобро е да започнете со 2 серии по 10 повторувања. Доколку вежбате редовно, зголемете го бројот на повторувања на 15-20.

 

[tHEFRO]

Еве нешто снимено од мене

 

[tHEFRO]

Нешто за почетници

 

[Фокси]

Tаман до јуни Она је бомба, боооомба...

 

[wiksa]

Прегледај го приврзокот 120192 Tаман до јуни Она је бомба, боооомба...

Абе програмава примамлива изгледа за девојките ама без пред и потоа незнам која би се нафатила да ја испроба

 

[Фокси]

Абе програмава примамлива изгледа за девојките ама без пред и потоа незнам која би се нафатила да ја испроба

Јас сум таа што ќе се нафати да ја испроба! Ќе се сликам после 30 дена па ќе видиме шо реклама сум

 

[-x-]

Јас сум таа што ќе се нафати да ја испроба! Ќе се сликам после 30 дена па ќе видиме шо реклама сум

Стај тука после да оцениме напредок :p