Работев на еден проект каде што имавме ангажирано да ни помага за носење на опремата едно типче од 22 години што за разлика од нас кои колку толку сме се родиле во нормален свет, овој работеше на аргатница и утовар на дрва за да преживее. Кога ќе седневме да јадеме маваше по еден сомун леб со месен нарезак или некоја рандом салама/виршли, а имаше тело подобро од 90% на тие што ги сретнувам во теретаните. Огромна подлактица, вени преку цели раце, солидна маса на рацете горе, рамената како топка (како кошаркарите во НБА посликовито), стомачните сите 6 комада. На опклада направи 26 згиба на гранка од дрво и тоа правилни. Детево да има кој да го финансира и да го научи како да вежба, со мала доза на стероиди јас гарантирам дека за една година ќе гази на сцена.
Во времето кога се натпреварувале овие од сликите и во наши краишта живееле мажи, затоа што 99% од времето биле физички активни, најчесто работеле физичка тешка работа. Тешка индустрија, земјоделие, сточарство, рудници, градежништво и се се работело најчесто рачно, механизацијата и машинериите не биле ни 1% во однос на тоа што се сега.
Прадедо ми и дедо ми коселе со рачна коса по месец и пол секојдневно, па после жнеење на ржот рачно со срп, па вршење со коњите, па собирање на пченка со срп, афион, сончоглед буквално се рачно. Ѕидање рачно, за малтер немало ни мешалици, собирале камен за градење и тн. А сега нарачуваш багер да ти ги ископа за визбите, миксер со готов бетон, друг да ти собере песок, друг да ти ги избичи гредите и да ти ја донесе пред врата, или ако си во стан одиш да си го купиш и да се вселиш неколку денови, а во тоа време душа им излегувало додека да изградат куќа.
Поентата ми е дека телото се прилагодува на потребите, сега нашите потреби се како јас и ти џаболебарење и куцање на тастатура, да дигниме чинија, да отидеме во теретана да се проврткаме по 40 минути, јадење и сите писари и модерни професии пред компјутер, секаде со кола или некое превозно средство. За разлика од ова во тоа време мажот морало да биди силен, ако си мекуш како поголемиот дел од сегашните не можеле ни да се оженат, ако не отидеш во војска нема женење, ако не си вреден исто. Силни луѓе има и сега, али се поретко, начинот на живот доведе до ситуација тестостеронот кај секоја следна генерација да биде се помал, нема физичка активност, процесирана храна и тн.