Natural-girl
Morphine
- Член од
- 16 октомври 2007
- Мислења
- 3.462
- Поени од реакции
- 5.246
Што е блефаритис?
Стручно име за воспаление на очните капаци, поточно рабовите на очните капаци. Чест очен проблем, 1 од 10 души со очен проблем го имаат ова. Проблем што може да прогредира во други состојби и долго време да не знаете што всушност е основата на проблемот. Обично хронична состојба, се повтара одвреме-навреме, досадна состојба. Жлездите на очните капаци продуцираат премногу масло, се блокираат поради тоа и не можат да ги обавуваат своите регуларни функции. Освен што се жлездите блокирани и нивната функција спречена, ова масло само ќе предизвика намножување на бактерии што обично се присутни на очните капаци.
Како се препознава?
Отечени капаци, поцрвенети капаци, чешање, печење, првутести наслаги околу коренот на трепките, пигментација на коренот на трепките, чувство на страно тело во окото, паѓање на трепки,намалена визија, суво око. Секако, не мора да ги имате сите симптоми. Најдобро ќе знаете кога ќе отидете на очен преглед каде со светлина и одблиску ќе биде забележано што се случува на коренот на трепките.
Типови
Кој и тип да го имате, третманот е сличен. Може да имате и повеќе видови истовремено.
- Себореичен блефаритис кој е поврзан со присуство на првут на косата (тука ќе ви препорачаат и анти-првут шампон) и може да е дел од кожна болест – себореја (себероичен дерматитис), која исто може да ги афектира градите, грбот и зад ушите. Ако се смета дека е секундарен ефект на Розацеа на кожата, третман со орален Доксициклин може да биде препорачан.
- Алергиски и паразитарен. Може да е било кој алерген, може да е и од зголемен имунолошки одговор кон некои паразити кои се секогаш присутни во делот на трепките. Во третман ќе се вклучат антихистамини кои би требало да доведат до брзо олеснување ако се работи за алергија. Ваков проблем може да се јави при ослабен имунолошки систем и кај сопственици на кучиња, мачки...
- Стафилококен блефаритис предизвикан од бактеријата. Ако е ова случајот, ќе ви бидат препишани топични антибиотици, како Хлорамфеникол маст, Фусидична киселина у случај да е Хлорамфеникол контраиндициран, а е во вид на капки. Хлорамфеникол маст се нанесува пред спиење бидејќи ја заматува визијата.
Компликации и поврзани состојби
Проблемот со оваа состојба, а и многу други очни проблеми е што едни проблеми водат кон други и често некои состојби заедно се среќаваат. На пример, конјуктивитисот е честа компликација, а тоа народски кажано е розево око, црвена конјуктива и сл. Исто така кај 50% од случаевите со блефаритис има и суво око, така што се даваат и “вештачки солзи” – капки што би требало да ја овозможат влажноста на сувото око. Кај сувото око проблемот е што хемикалиите потребни за солзите да го опфаќаат целото око не се лачат бидејќи има проблем со жлездите.
ТРЕТМАН
Тука нема нешто што целосно ќе го реши проблемот, никакво магично апче. Така што, останува справување со симптомите и превенирање комликации.
Прво и основно во третманот е очната хигиена. Третманот се изведува во неколку чекори, а треба да го изведувате некои 2,3 пати на почеток, а кога ќе се смират симптомите, ќе си продолжите со еднаш на ден.
- се зема памук или сл., се влажни со топла вода и се држи на затворените капаци 5-10 минути. Притоа внимавајте водата да не биде претопла. Кога ќе се олади, земете топла пак. Топлината би требало да ги одблокира жлездите од восочните масла.
- со овој памук можете да ги промасажирате очните капаци, внимателно, да отстраните што може да се отстрани.
- потоа земате раствор. Најчесто препорачуван е раствор 1:10, бебешки шампон Бекутан : вода, и во тој раствор го внесувате cotton bud-от (од оние стапчиња за чистење уши), потоа нанесувате на очниот капак, го поминувате неколку пати очниот капак. За другото око, со друго стапче.
Ако е преголемо воспалението, може ќе ви препорачаат и окуларен кортикостероид-капки, иако проблемот со истите е што го зголемуваат очниот притисок. Други лекарства како вештачки солзи, Хлорамфеникол, антихистамини, Доксициклин, орални антибиотици и др. ќе ви препорачаат во зависност од тоа што имате пропратно и колкави ви се симптомите. Може да ви бидат препорачани и Омега-3 масни киселини, што се смета за скоро откритие.
Ваши искуства – дали се сомневате дека имате или имате ваков проблем, кои ви се симптомите, што ви помогна во третманот и сл :
Стручно име за воспаление на очните капаци, поточно рабовите на очните капаци. Чест очен проблем, 1 од 10 души со очен проблем го имаат ова. Проблем што може да прогредира во други состојби и долго време да не знаете што всушност е основата на проблемот. Обично хронична состојба, се повтара одвреме-навреме, досадна состојба. Жлездите на очните капаци продуцираат премногу масло, се блокираат поради тоа и не можат да ги обавуваат своите регуларни функции. Освен што се жлездите блокирани и нивната функција спречена, ова масло само ќе предизвика намножување на бактерии што обично се присутни на очните капаци.
Како се препознава?
Отечени капаци, поцрвенети капаци, чешање, печење, првутести наслаги околу коренот на трепките, пигментација на коренот на трепките, чувство на страно тело во окото, паѓање на трепки,намалена визија, суво око. Секако, не мора да ги имате сите симптоми. Најдобро ќе знаете кога ќе отидете на очен преглед каде со светлина и одблиску ќе биде забележано што се случува на коренот на трепките.
Типови
Кој и тип да го имате, третманот е сличен. Може да имате и повеќе видови истовремено.
- Себореичен блефаритис кој е поврзан со присуство на првут на косата (тука ќе ви препорачаат и анти-првут шампон) и може да е дел од кожна болест – себореја (себероичен дерматитис), која исто може да ги афектира градите, грбот и зад ушите. Ако се смета дека е секундарен ефект на Розацеа на кожата, третман со орален Доксициклин може да биде препорачан.
- Алергиски и паразитарен. Може да е било кој алерген, може да е и од зголемен имунолошки одговор кон некои паразити кои се секогаш присутни во делот на трепките. Во третман ќе се вклучат антихистамини кои би требало да доведат до брзо олеснување ако се работи за алергија. Ваков проблем може да се јави при ослабен имунолошки систем и кај сопственици на кучиња, мачки...
- Стафилококен блефаритис предизвикан од бактеријата. Ако е ова случајот, ќе ви бидат препишани топични антибиотици, како Хлорамфеникол маст, Фусидична киселина у случај да е Хлорамфеникол контраиндициран, а е во вид на капки. Хлорамфеникол маст се нанесува пред спиење бидејќи ја заматува визијата.
Компликации и поврзани состојби
Проблемот со оваа состојба, а и многу други очни проблеми е што едни проблеми водат кон други и често некои состојби заедно се среќаваат. На пример, конјуктивитисот е честа компликација, а тоа народски кажано е розево око, црвена конјуктива и сл. Исто така кај 50% од случаевите со блефаритис има и суво око, така што се даваат и “вештачки солзи” – капки што би требало да ја овозможат влажноста на сувото око. Кај сувото око проблемот е што хемикалиите потребни за солзите да го опфаќаат целото око не се лачат бидејќи има проблем со жлездите.
ТРЕТМАН
Тука нема нешто што целосно ќе го реши проблемот, никакво магично апче. Така што, останува справување со симптомите и превенирање комликации.
Прво и основно во третманот е очната хигиена. Третманот се изведува во неколку чекори, а треба да го изведувате некои 2,3 пати на почеток, а кога ќе се смират симптомите, ќе си продолжите со еднаш на ден.
- се зема памук или сл., се влажни со топла вода и се држи на затворените капаци 5-10 минути. Притоа внимавајте водата да не биде претопла. Кога ќе се олади, земете топла пак. Топлината би требало да ги одблокира жлездите од восочните масла.
- со овој памук можете да ги промасажирате очните капаци, внимателно, да отстраните што може да се отстрани.
- потоа земате раствор. Најчесто препорачуван е раствор 1:10, бебешки шампон Бекутан : вода, и во тој раствор го внесувате cotton bud-от (од оние стапчиња за чистење уши), потоа нанесувате на очниот капак, го поминувате неколку пати очниот капак. За другото око, со друго стапче.
Ако е преголемо воспалението, може ќе ви препорачаат и окуларен кортикостероид-капки, иако проблемот со истите е што го зголемуваат очниот притисок. Други лекарства како вештачки солзи, Хлорамфеникол, антихистамини, Доксициклин, орални антибиотици и др. ќе ви препорачаат во зависност од тоа што имате пропратно и колкави ви се симптомите. Може да ви бидат препорачани и Омега-3 масни киселини, што се смета за скоро откритие.
Ваши искуства – дали се сомневате дека имате или имате ваков проблем, кои ви се симптомите, што ви помогна во третманот и сл :
