Горда за своето минато, преку една константна борба на следење и осовременување на започнатите вековни стремежи, во рамките на самостојна суверена Република Македонија, Битола го постигнува својот напредок и развиток.
Расположена во пазувите на Баба Планина со врвот Пелистер, на бреговите од реката Драгор, во западниот дел од Пелагонија, Битола е регионален стопански, образовен, научен, културен и политички центар на југозападниот дел од државата во кој се бројни и перспективни можностите за сестран развој. Во неа се наоѓаат седишта на низа различни институции, 4 почесни конзулати, а она што специфично ја обележува е богатиот и традиционален културен живот.
Благодарение на исклучително поволната географска положба како и климатските услови, Битола успеала да изгради современо стопанство, со интенција на натамошна експанзија.
Земјоделското производство, преработката и финализирањето на земјоделските производи и производството на електрична енергија се клучните гранки на стопанството и на нив се темелат глав - ните стопански објекти на градот.
Поинтензивното земјоделско и сточарско производство на општината Битола се должат на плодородната пелагониска почва како и високите можности за наводнување што ги обезбедува Хидромелиоративниот систем "Стрежево".
Земјоделскиот комбинат " Пелагонија " е еден од најголе - мите капацитети од ваков вид во Македонија . Обра - ботливата површина со која располага Комбинатот е околу 24.000 хектари и на неа успешно се одгледуваат пченица, јачмен, маслодавна репка, шеќерна репка, пченка, сончоглед, фуражни и градинарски култури . Земјоделскиот комбинат " Пелагонија " располага и со три говедарски фарми во кои производството од молзните крави ( над 1500) е околу 8 милиони литри млеко, над 300 тони јунешко месо, над 7 илјади гоени свињи, над 7000 глави овци, околу 200 тона конзумни риби, итн.
Хидромелиоративниот систем "Стрежево" обезбедува вода за наводнување на преку 20.000 хектари, на градот и селските населби кои гравитираат кон него, a се насочи и кон производството на печурки, рибарството и производството на електрична енергија, како кон додатни дејности.
Шумските површини во Битолско се на околу 39.000 хектари и од нив се експлоатира дрвната маса за потребите на населението и индустријата. Минералните богатства се големи и обилуваат пред се со лигнит и неметали. Резерви на лигнит има кај селата Суводол, Живојно, Гермијан, Брод и Гнеотино. Тие го овозможија изградувањето и функционирањето на најголе миот рударско - енергетски комбинат во Македонија, кој со трите централи произведува енергија што задоволува околу 75 % од потребите на државата.
Во доменот на металната и металопреработувачката индустрија функционираат повеќе фабрики. Во прехрамбената индустрија функционираат: " Жито Битола ", Фабрика за кекси, вафли и др . Фабрика за шеќер, Фабрика за квасец и шпиритус, Фабрика за пиво, Млекара, АИК " Лозар " и др . Графичката индустрија функционира со печатниците : " Микена ", " Киро Дандаро ", " Фустеларко борец ", и др. Градежништвото го покриваат со своето ефикасно делување ГП "Пелистер" и подружниците на градежните претпријатија "Пелагонија", Транит " и " Бетон ". Освен погоре именуваните функционираат и други фирми . Финансиска поддршка на битолското стопанство обезбедуваат " Стопанска банка " а . д . Битола, " Тетекс - Кредитна банка " - Битола, како и експозитури и фили - јали на други банки.
Во Битола, покрај споменативе, успешно функциони - раат и претпријатија од мал и среден обем, кои се резултат на пројавената приватна иницијатива. Развојните перспективи се должат на поволната географска положба на Битола која е трговска крстосница, во центарот на триаголникот Скопје, Солун, Корча. Блискоста до границата со Република Грција отвора посебно поволни можности за соработка со стопанските субјекти на пограничните грчки градови. Co функционирањето на современ царински терминал со голем капацитет е овозможен брзиот проток на стоки и услуги.
Битола има богат културен живот. Народниот театар, многупати докажано, котира на највисокото место во светот на театарската уметност кај нас и пошироко. Редовно се одржува престижниот Интернационален фестивал на филмската камера " Браќа Манаки ", во чест на првиот снимател на Балканот, битолчанецот Милтон Манаки. Други фестивали што се одржуваат во градот се : Интернационалниот фестивал на класична музика " Интерфест ", Фестивалот на староградски песни " Серенада на Широк сокак ", Фестивалот на народни песни и игри " Илинденски денови ", Битолското културно лето " Хераклејски вечери ", Фестивалот на монодрама, Меѓународното графичко триенале, " Малиот битолски Монмартар " и др. културни манифестации.
И просветата во Битола е со долговековна и почитувана традиција. Битола е општина со најразвиена мрежа на основни и средни училишта. Битола е универзитетски град ; универзитетот "Св . Климент Охридски" е формиран и успешно работи на планот на современата едукација на идни стручни кадри уште од 1979 година. Градската библиотека "Св . Климент Охридски" прерасна во библиотека од универзитетски карактер, а постојат и многу клубови, дружини, културно - уметнички и спортски друштва, ансамбли, фолклорни друштва, интерпретатори во кои членовите од различни генерации го негуваат културно - музичкиот, литературниот и спортскиот живот на Битола придонесувајќи за нејзината афирмација во државата и во светот .
Ротари клубот Битола е формиран во јуни, 1935 година и активно работи дo почетокот на Втората светска војна, вo 1941 година. По 57 годишната пауза, Ротари клубот Битола е повторно примен во членсвото на Ротари Интерна - ционал на 14 април 1998 година.
Во моментите на обновување на Клубот, a тоа се секако многу суптилни и чувствителни моменти на развој и афирмација на Битола и Република Македонија во новата општесгвено - политичка и економска констелација на односи, основоположниците си ја зацртаа како основна целта да и служат на својата заедница што е можно попрофесионално негувајќи ги притоа високите етички принципи на приватниот и јавен живот
Другарувајќи со истомислениците од целиот свет, почитувајќи се, толерирајќи се и меѓусебно разбирајќи се, битолските ротаријанци се залагаат да отворат нови и поперспективни патишта на интеграција на Република Македонија во светот на утрешнината, светот на мирот и благосостојбата меѓу луѓето . Во духот на ваквата идеја, меѓу основоположниците се вклучија и тројца претставници од соседните градови Прилеп и Ресен.
Повторното формирање на Ротари клубот Битола е овозможено благодарение на отворената и несебична поддршка на Ротари клубот од Скопје и на неговиот претседател, господинот Горѓе Гурковиќ, како и на сестраното ангажирање и довербата на ПЕА, господинот Питер Гуг и на неговиот специјален претставник, господинот Димитар Јуруковски. На сите ним Ротари клубот Битола искрено им се зблагодарува .
Вo периодот од повторното обновување па се до денешни денови членовите на Ротари клубот Битола иницираа, спроведоа и успешно реализираа низа проекти од различен карактер со што ја потврдуваат основиата цел на нивното егзистирање - служењето на Заедницата.