Бела ноќ - 3.10.2015

Tonchie

BATTERY +
Член од
15 јуни 2005
Мислења
12.875
Поени од реакции
5.900


Почитувани,

пред нас е 11-то издание на манифестацијата БЕЛА НОЌ.
На 03.октомври, изберете ги вашите фаворити и повелете на некој од понудените настани.
Влезот за сите настани е бесплатен!

ГЛАВЕН НАСТАН! :
THE STROJ (Словенија) - Плоштад ПЕЛА

МУЗЕЈ НА МАКЕДОНИЈА:
20:30 -ОФИЦИЈАЛНО ОТВОРАЊЕ
НА БЕЛА НОЌ 2015:

● Изложба: „Црвен петел - црна кокошка: култови на плодност, обреди, обичаи и верувања“.
Изложбата претставува дел од култовите на плодност што се практикувале на територијата на Македонија од предисторијата до денес. Предисториските женски фигурини, античките садови и ламби ја претставуваат археолошката манифестација на овие култови. Култните места, коишто и денес се посетуваат за жените да го добијат посакуваниот пород, се прикажани преку текстови и фотографии.

● Настап на групата Џоломари од селото Бегниште - василичарски обред со маски.
Обичаите со маски, кои го обележуваат крајот на зимата и возобновувањето на природата, се полни со симболички ритуални дејствија, кои треба да обезбедат плодност на луѓето, стоката и посевите. Овие архаични обичаи се презентираат и со настапот и документарниот филм на групата со маски „Џоломари“ од село Бегниште, Кавадаречко.

● Настап на диџеј
Шурбе & Ѓорѓи Јаневски (Канал 103)

Младински културен центар

ГАЛЕРИЈА МКЦ - 21:00

● ПРОТЕСТ - СЕКСПЛОЗИЈА
+ олтар на вагини

Изложба на Горјан Ѓорѓиев

Две изложби наместо ретроспектива
Во Галерија МКЦ и „Храм со кодирана порака„

МКЦ хол, плато - 21:30

● Антони Мазневски - Времено 52’ / Temporary 52’
-дело во процес, уметнички чин што подразбира и дозволува повеќе начини на интерпретација, реализација и презентирање: перформанс (улично-галериски), фотодокументација, видеодокументација.
Идеопластички.....флека , брош, статус, симбол...жив морфем. Мобилна структура во постојана трансформација. Погледнато социолошки, едно поимање и естетика на појавувањето и исчезнувањето. Погледнато на атомско ниво, светот се појавува како едно сложено ткиво на настани во кои врскита од најразличен вид меѓусебно се надополнуваат, преклопуваат и комбинираат и со тоа ја одредуваат текстурата на целината.

МКЦ ПЛАТО - почеток 21:30

● Fusnota, Палиндром, Millko, Тело-Наука
Совршена, Tajcido , DJ Jona

20:00
Горно фоаје на кино Фросина
-Мултимедијален перформанс:
East meets West
-визуелна арт-егзибиција, која претставува обид за поврзување на луѓето и културите од двете хемисфери, обид за размена на идеи, промоција на големи културни размени меѓу Истокот и Западот.
куратор:Kerwin Williamson
уметници: Kerwin Williamson, Abede Lovelace, Leni von Geleva, Лилика
Стрезоска, Јана Јакимовска, Василије
Смилевски
Писатели/поети: Никола Џилвиџиев,
Дубравка Смилевска
Музичари: Абе Ана Човече, Александар
Никодиновски

дансинг сала
● Сашо Поповски
– РЕАЛНОСТА НА ВИРТУЕЛНОТО/REALITY OF THE VIRTUAL
-мултимедијална изложба - светлечки кутии (light box). Проект што започнува со визуелна обзервација на развојот на матичните кутии на компјутерите.

● Дарко Заревски – изложба на две слики “Look, no hands” - (35х54; 85х44)
- Сирова комбинација од веќе постоечки мотиви со секојдневни елементи и форми на веќе еднаш употребени материјали. Патетично сек'нд хенд колажирање изведено со неколку тонови спреј и стенсил (шаблон).Интервенции врз смислата, барајки го само нејзиниот апсурд .

● Кристина Зимбакова - Потоморена револуција/Concealed Revolution
- Комбинирана техника на лично користен душек (акрил, јаглен, свила, лишаи Pseudoevernia sp. и Xanthoria parietina, потпрено на два примерока од габа Fomes fomentarius)


Плоштад Пела 20:30

● Модна ревија – модно студио Црнокрак

●Protagonist - The Protagonist се основани во ноември 2010 година од Р. С. Раш и Кузман. Нивниот деби албум „No Exit Museum“ (излезе во мај 2015 година за „Пасворд продукција“) е базиран на текстуално богати, интертекстуално содржајни и инспиративни концепти, од научна фантастика, драмски дела па сè до човечки и природни околности

●The Stroj (Slo) - „The Stroj“ е составен од осум перкусионисти кои користат неконвенционални „инструменти“ при создавањето на музиката, како метални буриња, искористени метални делови од машини и низа други делови, најчесто пронајдени по отпадите за стари автомобили.

УЛИЦА МАКЕДОНИЈА:

● Венета Иљовска – инсталација,
книжевно катче

МАЈКА ТЕРЕЗА, ПЛАТО:
20:30

● РЕБИС – Кореографија на улица/Street dance
-кореографии и деца од сите возрасти (од 4- 20 год.). Со овој тип на настап публиката се запознава со уличните уметности и танци.

21:00
● Ивана Атанасова – „Ќе има (ли) војна“
- театарски перформанс
-„Ќе има (ли) војна“ е кратка театарска фантазија којашто посочува прст кон толпата и нејзината масовно
хистерична моќ, а истовремено го
преиспитува индивидуалецот. Ги гледаме неговите борби и падови, камшиците на сметка на индивидуалноста, лузните од кажаното, гневот свртен кон себеси и борбата да се надмине сето тоа, барајќи го најсоодветниот одговор со кој тој, уметникот, располага - креацијата.

21:45
●Поетско читање - учествуваат: Ѓоко
Здравески, Андреј Ал-Асади, Давор Стојановски, Биљана Стојановска,
Владимир Лукаш, Гаврило
Миловановиќ, Даниел Карески, Марта Маркоска, Николина Андова Шопова, Снежана Стојчевска


НАЦИОНАЛНА ГАЛЕРИЈА
21:00

● Изложба на Јасмина Новковска
насловена:
„Во кој свет живееме„


КУЛТУРНО ИНФОРМАТИВЕН ЦЕНТАР

● „Четири пози„

Автори:
Никола Мартиновски
Васил Василев
Мирослав Масин
Никола Ангековски


Дом на културата КОЧО РАЦИН
21:00

●Дороти Пачкова – проекција на документарен филм (30 мин.)
- Преку повеќе медиуми ги актуелизира темите од секојдневниот живот на единката поврзани со родовото прашање – родовиот идентитет, нарушениот перформатив на тема посветена на самохраните мајки-односно еднородителски семејства кои се соочени со бројни предизвици во секојдневната борба за базичниот егзистенс.

●Александар Лахтов – проекција на
краткометражен филм (9 мин.)
- Приказна за двајца биснисмени длабоко вмешани во валканите игри полни со измами, клевети и заблуди. Биснисмените, некогаш најдобри пријатели, вплеткани во мрежата на криминалот, одлучуваат да го земат законот во свои раце.


ШКОЛКА, ГРАДСКИ ПАРК
20:00

● ПАНК-РОК ФЕСТИВАЛ
Флукс , Тотално Опуштање, Културно Уметнички Работници, Hosenfefer, Psycho-Sonic Boris, Swatovski


АРМ:
● ЗДРУЖЕНИЕ НА КОПАНИЧАРИ
Изложба на копаничарски дела од автори од Македонија.
Делата ќе бидат со различна тематика како на пример: флора, фауна и други
мотиви.


КУРШУМЛИ АН
21:00

● Ана Димчевска – „Зигот“ – изложба
– акварел и темпера
-Изложбата „Зигот“ го зачнува перепетуалното прашање за човековото постоење преку создавањето, љубовта и социјалните бариери. Предизвиците пред изборот се длабоко интегрирани во делата, надополнети со чистиот естетски израз, отсликан низ етичкиот код
на суштествувањето.


Градска библиотека
„Браќа Миладиновци“- Скопје
21:00

● Музичко-поетска програма: Промоција на Библиографија на монографски публикации „Скопски писатели“ од Сузана Данаилова



ГАЛЕРИЈА ГРАЛ
Специјална поставка
Отворена цела вечер

КИНО МИЛЕНИУМ

● 24-часовен филмски маратон
-со почеток од 12:00 (3.10.) до 12:00 (4.10.)


ДКЦ во МКЦ
17:00 – 22:00

● Во временскиот интервал од 17 до 22 часот ДКЦ ќе биде отворен за активности како на пр. цртање, танцување, глумење (импровизации), едукативни игри, а со
децата ќе работат едукатори, кои се
непосредно одговорни за работилниците што се одржуваат во центарот.
Влезот во тој термин ќе биде бесплатен.




● Попладневно матине
во Зоолошка градина - бесплатен
влез од 17:00 до 19:00 часот



● Бесплатен транспорт со линиите 8 и 15А на ЈСП Скопје од 17:00 до 19:00 часот



● Бесплатен транспорт со автобусите на ЈСП Скопје од 19:00, на сите линии кон центарот на Скопје

FB event
 

Gandradelic

Banderash
Член од
31 март 2014
Мислења
1.295
Поени од реакции
777
Бела ноќ е закон!
Омилено ми е на школка.
Треба да стават некои ДЈ - и и да рока до сабајле. :)
 

LordDragonII

Dr.Strangelove
Член од
15 август 2008
Мислења
10.977
Поени од реакции
5.723
Музеј на Македонија ис факинг бед есс! \m/
 
Член од
22 јуни 2010
Мислења
3.608
Поени од реакции
5.443
Како да стигнам да ги слушам Телонаука Совршена во МКЦ и Тотално Опуштање и КУР во парк? :(
 
Член од
10 октомври 2011
Мислења
5.544
Поени од реакции
8.861
Повелете и филмската програма во Кино Милениум за БЕЛА НОЌ 2015.
НАпоменуваме дека билети ќе ви требаат САМО за филмовите „Ничие Дете“ и „Зимски Сон“!
Еден посетител може да подигне најмногу 2 билети.
Билети можете да подигнете на Билетара на КИНО МИЛЕНИУМ во сабота (03.10) од 10:00.

12:00 – Легендата за Сарила / The Legend of Sarila
14:00 – Што сме му згрешиле на Бога? / Serial (Bad) Weddings
16:00 – Филомена / Philomena
18:00 – Опасен повик / Locke
20:00 – Ничие дете / Nicije dete
22:30 – Зимски сон / Winter Sleep
02.00 – Далеку од луѓето / Far from Men
04.30 – Крвни врски / Blood Ties
07.00 – И понатаму Алис / Still Alice
09.30 – Змејско гнездо: Зората на воинот / Dragon Nest: Warriors’ Dawn

Секоја година сè по чкљ програма. Ланската програма имаше понови филмови од овие. (n)
 

Бавча

идол на младите
Член од
25 декември 2007
Мислења
11.287
Поени од реакции
10.016
Пред МКЦ ја отвораме вечерта, Fusnota. Некои метали, готици, кизнеј шо свириме и ние. :D
Браво машко! Ве знам, само напред! Иако ќе свирите со неразбраните во сабота (воедно и пола мои колеги од 103ка) ќе гледам да поминам да ве испоштувам. Ако не, се гледаме на Куку Леле! :DD
 

Kajgana Shop

На врв Bottom