Слушнав на некоја од нашиве телевизии дека Македонски граѓанин по законот не можел да поседува банкарска сметка во странство.
Мрднати се овие или што е работава?
Дај некој писмен нека ги објасни овие работи.
НБМ прецизно го регулира отворањето сметки во странство
Согласно Законот за девизното работење, Народната банка има донесено oдлука за начинот и условите под кои резидентите што не се овластени банки можат да отвораат и да имаат сметки во странство, која ја регулира материјата во врска со средствата на македонските граѓани во странство зависно од фазите на земјата во процесот на пристапување кон ЕУ, договорени со Спогодбата за стабилизација и асоцијација на Република Македонија.
Одлуката овозможува резидентите на Република Македонија да отворат сметки во странство, при што прецизно се регулира оваа материја. Според oдлуката, физичките лица можат слободно да отвораат и да имаат сметки кај странски банки доколку привремено престојуваат во странство, за време на нивниот престој во странство или, пак, доколку во странство стекнале право на лична пензија, пензија од починат брачен другар, социјална помош, детски додаток, школарина на дете и премија/штета од осигурување на живот.
Освен овие генерални одредби, oдлуката опфаќа доста широк спектар на случаи (исклучоци) врз основа на кои Народната банка може да издаде одобрение за отворање и имање сметки на македонски резиденти кај странски банки, вклучувајќи ги сметките отворени за наплата на побарувања врз основа на судска одлука донесена од надлежен суд во странство, од продажба на недвижен имот во странство или, пак, од наплата на побарувањата врз основа на дивиденда или продажба на стекнати хартии од вредност во странство.
Народната банка постојано ја следи оваа проблематика и соодветно ја приспособува регулативата зависно од прашањата и укажувањата што ќе произлезат од практиката.
Со почит,
Д-р Богољуб Јанкоски,
шеф на Kабинетот на гувернерот на НБМ
