Во Скопје, по 9ти пат на Балканов (втор пат кај нас) ќе се организира регионален собир на навивачи на Ливерпул. Како Macedonian Reds се вклучивме во оваа хуманитарна акција. Настанот ќе се одржи на 27ми октомври во Бекјард (позади ЈБТ) во Скопје. На самиот настан ќе има кутија за донации, ќе има и лотарија со наш мерчендајз а за учествово во истата ќе треба да се купи талонче кое чини 50 денари. Исто така ќе има и ограничен број магнети и налепници од нашиот фан клуб кои ќе можат да се купат по цена која не е претходно одредена, него по принцип „кој колку сака и мисли дека треба“. Сите собрани пари, до денар, ќе бидат дадени за Јана. Ќе се потрудам кутија за Јана да биде оставена повеќе денови во локалот, така да, доколку некој е на поминување и сака, слободно нека остави, колку може се разбира.