Едноставно ја пратам цела еуфорија околу успехот на Левица но цела ситуација премногу ја гледате со розеви очила, знам дека сите со нетрпение чекаа да се појави опција која ќе пркоси на двете големи , но треба ситуацијата да ја гледате реално и да ги видите сите слабости со кои се соочува Левица кои сега речиси и да не ги забележувате, ама ги има и тоа доста.
Прво слаби луѓе односно носители на партијата, десната и левата рака на лидерот кои треба да бидат ударните тупаници на партијата кои ќе го заменуваат и ќе носат барем приближен број на гласови на конто на партијата, со што ќе стекнат авторитет и на терен и во партијата со што лидерот ќе може да се сконцетрира на поголеми работи.
Е тука Левица има стравичен проблем, десната рака на лидерот а тој како што самиот знае да каже главниот човек на партијата е човек што не го гласат поради неговото име и презиме, сами го напишавте тоа на форумот, име и презиме кое чинеше еден пратеник плус каде што беше носител, човек чиј квалитети се во сенка на неговото име и презиме, човек кој по според некој математики може да ја чини партијата 6 илјади гласови, не е мал број тоа, иако влијаат многу фактори сепак и тој е дел од проблемот за разликата во тие гласови од совет на Скопје го општини.
Левата рака и човекот кој ја организира партијата теренски, е личност која имаше најслаб резултат како носител на изборна листа и носителка на една од ретките листи за совет која не успеа да избори мандат, е како личност која не успеала да направи резултат ќе ги организира останатите да постигнуват резултати , како таа ќе му соли памет на некој што има партиски успеси во својата средина, како ќе го насочи да биде попродуктивен за самата партија ?
Димитар Апасиев, колку и сега да е главен фактор на партијата и движечка локомотива на нејзините успеси и сите да се воодушевувате на неговите ораторски вештини, за да се покаже дека не е човек партија Левица мора да понуди некој друг, за една партија да биде успешна треба да има бар уште неколку квалитетни поединци кои ќе бидат со приближни негови квалитети а Апасиев тоа органиски не може да го свари, како егоист, некој да може да биде барем блиску до него во партијата.
Тоа го видовме милион пати од самиот старт на партијата, прво таа почна како движење во кое сите беа еднакви, тој со своите настапи успеа да се наметне како главно лице на партијата, неформален лидер, прво расчисти со фракцијата Единство но тогаш имаше поддршка од речиси цело видно членство, потоа одма почна конфликт со единствениот кој беше претпознатлив во партијата како него надвор од тие кругови и придонесе да го исклучат од партијата, па кога тргна во правец спротивен на идеологијата кога му се спротиставија речиси сите важни основачи им направи пуч и ја приватизира партијата со два-тројца негови од Ленка, значи чим има некој приближно јак на него одма се отстранува, а треба барем да има такви 5-6 ликови за партијата да упспева.
Партијата го доби својот углед исклучиво поради нејзината борба на протестите, поради репресијата која ја трпеа нејзините членови но и доста од оние кои иако не беа дел од партијата имаа исти или слични политички убедувања, беа апсени, тепани, додека тој беше интелектуала, ако тој пушти во вода такви луѓе кои го направија угледот на партијата, борци кои го изодија најтрнливиот пат, што останало за другите, овие сега со кој се перчат вербален деликт јак штик пцуеле, биди маж и иди против ЕБР, полиција, режим да те видам, сите знаеме да пцуеме.
Такви луѓе тој пуштил низ вода кои ја создале и се жртвувале за партијата, што ли останува да им прави на другите кои може да се појават како квалитетни кадри кои ќе решат за барем едно прашање да не размислуват како него, останува да видиме.
Невиност, еднаш и таа ќе ја изгубат, сега е многу лесно не биле дел од власт, не биле фактор за носење одлуки, идеално е може да плукат колку им душа сака, но како растат веќе ќе бидат клучен фактор за носење одлуки без разлика дали ќе бидат позиција или опозоција што значи ќе жбрцнат, е тука ќе се види кои се и што се како партија, до сега јават на бранот на незадоволството од тие кои ги носат одлуките, како ќе го сносат товарот тие да бидат тие што одлучуваат е доста важен фактор за нивното развивање.
Економска/надворешна политика, гледам сите кои давате поддршка и сте главни во нивна одбрана сте претежно Германија и Европа, не видов некој од Северна Кореја, Кина или Куба да пишува, што јасно кажува колку е нивната економска и надворешна политика се погрешни, со признавање на непостоечки држави, идеолошки непотребни каприци ќе ги носи надолу, сега ниту се сметат за фактор ниту таков се, па затоа се спокојни, кога ќе станат фактор службите на доста држави нема туку така мирно да спијат и ќе почнат да им вадат валкан веш при секој нивен погрешен чекор, не бидете наивни дека НАТО земји ќе дозволат некој да работи против нив, колку и мала да била државата и нејзиното влијание.
Немат идеолошка инспекција ниту едукативен систем за членството, разни личности им влегоа у партија, од крајнинационалисти кои некој од нив се палат и на Хитлер (што се вика) до луѓе кои вчера беа дел од антикомунистички движења кои тврдеа дека националсоцијализмот=комунизмот сега се "левичари", има и други примери но поентата е таа, ниту знаат што се им се мота ниту ги едуцират луѓето во нивните левичарски вредности, кои се антинационалистички.
Се гордеат со фактот дека се најбрзорастечко левичарско движење, честитки, но кога ќе соопштат на народот дека во тоа движење каде што тие припаѓаат сите партии се залагаат зе легализација на хомосексуални бракови, дел се дури и да посвојуват деца и се присутни на парадите на гордоста, дали Левица ќе го следи принципот на своите сестрински партии и ќе го промовира тоа или ќе биде првата партија која ќе оди спротивно на тој нивен принцип.
На крај тоа што го реков порано слабите организации на ниво на градови, некој тука сподели дека растот во Скопје не е соодветно пратен од растот во внатрешноста кој е доста помал, за да има раст во внатрешноста мора да имат јаки локални организации, Македонија не е само Скопје и не може борбата да се води исклучиво во Скопје.
Погледнете ги резултатите во повеќето совети, многу беа поблиску да го изгубат советникот откоклу со гласовите да се борат за втор советник во доста општини.
Доволно е ова, има уште да се пишува ама мислам дека како десничар и ова што го посветив е премногу, а и кој ќе чита уште подолг текст од овој, како и да е треба тие што с(т)е за Левица да размислувате малку повеќе и да гледате малце со друг поглед, не само низ призмата на розевите очила.