Анализа на репрезентации - Светско Првенство 2014

ElNinho

Мадридиста!
Член од
17 јули 2009
Мислења
20.959
Поени од реакции
57.695
Камерун
Cameroon

République du Cameroun



„Ако има држава која ја претставува „Африка во мало“, тоа е дефинитивно Камерун“


- се зборовите на непознати писател кои со генерации одекнуваат во земјата во која има речиси се што во географијата се учи. Плажи, џунгли, пустини, савани, планини. Во Камерун има од се по нешто. По половина век колонијална ера и поделеност меѓу Британија и Франција, Камерун изборува независност во 1972 година. За разлика од мнозината афрички земји, за неа не следи толку бурен период што и овозможува да прерасне во една од најстабилните и најразвиени земји во Африка.

"In a coat of green, or a coat of yellow, a lion still has claws..." ♪
Најпозната е по својата музика, мултилингвизам и по.... фудбалот. Лежејќи на најфудбалскиот дел од Африка, централно-западниот регион околу Атлатнскиот залив, Камерун е плодна фудбалска почва на која изминативе десетици години зачекориле едни од најдобрите афрички играчи. Но, не само индивидуално, туку и на ниво на репрезентација, Камерун е една од најпознатите, најконстантните и најтрофејните афрички земји.



Четири пати го освојуваат Афричкиот Куп на Нации, последен пат во 2002 година, но не успеваат да се квалификуваат за двете последни изданија, нешто што не им се случило од 1980 година. Тие се апсолутни рекордери по бројото на учества на СП кај земјите од Африка и настапот во Бразил ќе биде нивното седмо појавување. Воедно се и првата земја која стигнала најдалеку на СП, до четвртфинале на мундијалот во 1990г. каде губат од Англија во продолжението. Тоа е и нивниот единствен мундијал на кои ги минуваат групите. Освен на овие два турнири, Камерун освои злато и на олимпискиот турнир во Сиднеј 2000 година.

Патот до Бразил:
Камерун го имаше едно од најлесните патешествија до овогодинешнотот СП. Откако завршија први во квалификационата група со Либија, Конго и Того, во баражот се сретнаа со репрезентацијата на Тунис која ја победија со вкупен резултат 4-1. Сите голови паднаа на реваншот во Камерун откако на гости беше 0-0.



Ѕвезди:
Како и кај репрезентацијата на Брегот на Слоновата Коска, и кај Камерун ударниот двоец го сочинуваат играч од средниот ред и напаѓач.
Првиот е Алекс Сонг, член на Барселона и еден од најдобрите деструктивци воопшто.
Вториот е Самуел Ето, најдобриот стрелец во историјата на Камерун, доскорашен член на Челзи.
Имиња кои се добропознати на секој љубител на „бубамарата“

Играч за скаутирање:
Дефинитивно тоа место му припаѓа на Жоел Матип, членот на германски Шалке 04 кој на само 22 години има веќе исто толку настапи за својата репрезентација.

Селектор:
Предводник на лавовите на ова СП ќе биде германскиот тренер Volker Finke. На позицијата е назначен минатата година и за него ова е прво искуство како селектор на репрезентација. Дури 16 години од кариерата минува на клупата на германски Фрајбург, пред да замине во „Црвените Дијаманти“ од Јапонија и да се врати во Келн како привремено решение.

Состав:

Goalkeepers: Charles Itandje (Konyaspor), Sammy Ndjock (Fetihespor), Loic Feudjou (Coton Sport)

Defenders: Allan Nyom (Granada), Dany Nounkeu (Besiktas), Cedric Djeugoue (Coton Sport), Aurelien Chedjou (Galatasaray), Nicolas Nkoulou (Marseille), Henri Bedimo (Lyon), Benoit Assou-Ekotto (Tottenham Hotspur)

Midfielders: Eyong Enoh (Antalyaspor), Jean Makoun (Rennes), Joel Matip (Schalke), Stephane Mbia (QPR), Landry Nguemo (Bordeaux), Alex Song (Barcelona), Edgar Salli (Lens)

Forwards: Samuel Eto'o (unattached), Eric Choupo Moting (Mainz), Benjamin Moukandjo (Nancy), Vincent Aboubakar (Lorient), Pierre Webo (Fenerbahce), Fabrice Olinga (Zulte-Waregem).
Финке ја форсира 4-3-3 формацијата, која во зависност од противникот е со еден офанзивен, односно без изразито офанзивен играч во средниот ред.

На голот на Камерун на ова СП би требало да брани Чарлс Итанџе, член на Коњаспор.

Одбраната на Камерун е сочинета од неколку искусни играчи, од кои најпознат е Бену Асу-Екото кој ќе стартува на левата бековска позиција. На спротивната страна би требало да настапува Алан Ниом, десниот бек на Гранада. За двоецот во средината ќе конкурираат Николас Н’Колу, Орелин Шедју и Жоел Матип.

Младиот талент на Шалке може да конкурира и како деструктивец во средниот ред, каде предводник е една од ѕвездите на тимот, Алекс Сонг. Покрај нив, средниот ред би требало да биде сочинет и со некој од Стефан Мбиа, Жан Макун и Ленди Н’Гуемо.

За тројката во нападот сигурен е првиот стрелец на тимот, Самуел Ето. За негови партнери ќе конкурираат Бенџамин Муканџо, Винсент Абубакар и Максим Чуп-Мотинг. Негова директна замена би требал да биде искусниот Пјер Вебо.

Група и натпревари:
Камерун - Мексико 13.06. - 18.00
Камерун - Хрватска 18.06. - 00.00
Камерун - Бразил 23.06. - 21.00


Златко Калински ™ интересни факти:

- Прекарот на Камерунците е es Lions Indomptables што во слободен превод би значело: Нескротливите лавови.
- Не Алекс, туку Ригоберт Сонг е рекордер по бројот на настапи за репрезентацијата (137), пред Џереми и Самуел Ето.
- Роџе Милла, своевремено најдобриот Камерунски напаѓач, се смета за „иноваторот“ на прославите на головите со танцување.
- Cameron Diaz, се пишува со едно o, Cameroon со две.
- Во Камерун постојат преку 200 лингвистички групи на јазици и дијалекти.


Очекувања:
Да се исплатат ветените премии!
Она што беше најзастапено низ медиумите во врска со Камерун не беше поврзано со играчки проблем, туку со финансиски. Имено репрезентативците на Камерун првично одбија да отпатуваат во Бразил, како знак на штрајк за неисплатените премии кои федерацијата им ги ветила за пласманот на ова СП а кои изнесувале околу 100.00 евра. По интервенција на владата и нивната согласност истите премии да се исплатата, Камерунците стигнаа во Бразил по десетчасовно доцнење.

Тука ја имате химната на Камерун, а нивното мото е:
"Paix – Travail – Patrie"
"Peace – Work – Fatherland"



Allion lions verts!
 
Последно уредено:

ManUtdChampions

Lleyton Hewitt
Член од
5 февруари 2009
Мислења
32.374
Поени од реакции
42.565
Португалија

portugal logo.jpg

Селектор: Пауло Бенто
Капитен: Кристијано Роналдо
Најмногу натпревари: Луис Фиго (127)
Најмногу голови: Кристијано Роналдо (49)
ФИФА ранк: 4

Ова ќе биде ептен кратко, да ја испоштуваме и Португалија, оти глупо е да остане само една репрезентација. Ова е 6то СП за Португалија, најголем успех имале 1966 во Англија кога го освоиле третото место. Во 2006та во Геманија беа четврти, а на последното СП во Јужна Африка испаднаа во 1/8 финалето.


Патот до СП:

portugalija pat.jpg
Португалците беа втори во нивната квалификациона група која беше релативно лесна. Единствен сериозен противник беше репрезентацијата на Русија и баш тие завршија на првото место. Второто место значеше дека треба да играат бараж. Тука се сретнаа со тимот на Шведска. Славеа и на двата меча, 1-0 дома со голот на Роналдо и 2-3 на гостувањето, а Роналдо повторно беше во центарот на вниманието постигнувајќи хет-трик.


Тимот на Португалија на СП и можен стартен состав:

Portugal_national_football_team_20120609.jpg
Goalkeepers: Beto (Sevilla), Eduardo (Braga), Rui Patrício (Sporting).

Defenders: Andre Almeida (Benfica), Bruno Alves (Fenerbahce), Fabio Coentrao (Real Madrid), Joao Pereira (Valencia), Neto (Zenit St Petersburg), Pepe (Real Madrid), Ricardo Costa (Valencia).

Midfielders: Joao Moutinho (Monaco), Miguel Veloso (Dynamo Kiev), Raul Meireles (Fenerbahce), Ruben Amorim (Benfica), William Carvalho (Sporting Lisbon), Rafa (Braga).

Forwards: Cristiano Ronaldo (Real Madrid), Eder (Braga), Helder Postiga (Lazio), Hugo Almeida (Besiktas), Nani (Manchester United), Varela (FC Porto), Vieirinha (Wolfsburg).
-Бето-
-Переира-Б.Алвеш-Пепе-Коентрао-
-Карваљо-
-Мутињо-Меирелеш-
-Нани - Алмеида - Роналдо-


Ѕвездата на Португалија:

CristianoRonaldoPortugalvSwedenMs2wb5C1Nukl_zps9c8e4a92.jpg
Кристијано Роналдо дефинитивно ќе биде главниот фудбалер на Португалија на ова СП. Роналдо имаше супер сезона со Реал Мадрид освојувајќи ги Лигата на Шампионите и купот на Шпанија. Постигна 31 гол во Ла Лига и заедно со Луиз Суарез од Ливерул треба да ја поделат златната копачка за сезона 2013/14, а во Лигата на Шампионите беше брилијантен постигнувајќи 17 гола, што е апсолутен рекорд во ова натпреварување. Единствен проблем може да биде повредата што го мачи последните 2 месеци, но јавноста во Португалија се надева дека ќе стисне заби и ќе ја предводи неговата репрезентација до титулата Шампион на Светот.


Очекувања:
Според мене Португалија има интересен тим. Мислам дека треба да ја поминат групната фаза без поголеми проблеми. Потоа треба да вкрстат со репрезентациите од групата Х. Тука се Белгија и Русија, која беше подобра од нив во квалификациите. Но сепак ова е СП и многу работи се поразлични. Најискрено мислам дека има шанса да бидат елиминирани уште во 1/8 финалето, но доколку изиграат добро сметам дека може да пројдат и до 1/2 финале, што и всушност е нивниот најголем успех до сега.


Група и распоред:

portugalija grupa.jpg
 
Последно уредено:

Kajgana Shop

На врв Bottom