М
Мартин`
Гостин
Целта ќе биде заштита на етничкиот, јазичниот, културниот и верскиот идентитет на малцинствата во Албанија
Албанската влада формира посебен сектор за малцинства, кој ќе ги финансира печатењето на единствениот весник на македонски јазик што излегува во Албанија „Преспа“, македонскиот фолклорен фестивал во Мала Преспа и печатењето книги на автори-Македонци што живеат во оваа држава. Ваквиот сектор е формиран во рамките на албанското министерство за туризам, култура, млади и спорт како дел од обврските што ги презеде Албанија како услов за зачленување во ЕУ.
Претставници на овој сектор, предводени од Бардул Лондо, советник во Министерството, во општината Пустец имале средба со делегација на Македонците во Албанија, предводени од градоначалникот на општината Едмонд Темелко. На средбата претставниците на новоформираниот сектор ги претставиле приоритетите во нивната работа. Планирано е овој сектор финансиски да поддржи специфични проекти чија цел е промоција на културниот идентитет на малцинствата во земјата.
Темелко, откако информирал за положбата на Македонците во Албанија, побарал од секторот да води грижа за сите Македонци, бидејќи, како што напоменал тие не живеат само во општината Пустец, туку и во Гора, Голо Брдо, Девол, како и во поголемите албански градови. Целта на секторот ќе биде заштита на етничкиот, јазичниот, културниот и верскиот идентитет на малцинствата во Албанија. Според Темелко, ваквиот сектор е значаен затоа што дава надеж за Македонците во Албанија.
- Ние сме лојални граѓани, плаќаме даноци и првпат ќе можеме да се јавиме како корисници на средства од буџетот што го полниме за да можеме да ги заштитиме нашиот национален и културен идентитет - вели Темелко за „Нова Македонија“.
Албанската влада формира посебен сектор за малцинства, кој ќе ги финансира печатењето на единствениот весник на македонски јазик што излегува во Албанија „Преспа“, македонскиот фолклорен фестивал во Мала Преспа и печатењето книги на автори-Македонци што живеат во оваа држава. Ваквиот сектор е формиран во рамките на албанското министерство за туризам, култура, млади и спорт како дел од обврските што ги презеде Албанија како услов за зачленување во ЕУ.
Претставници на овој сектор, предводени од Бардул Лондо, советник во Министерството, во општината Пустец имале средба со делегација на Македонците во Албанија, предводени од градоначалникот на општината Едмонд Темелко. На средбата претставниците на новоформираниот сектор ги претставиле приоритетите во нивната работа. Планирано е овој сектор финансиски да поддржи специфични проекти чија цел е промоција на културниот идентитет на малцинствата во земјата.
Темелко, откако информирал за положбата на Македонците во Албанија, побарал од секторот да води грижа за сите Македонци, бидејќи, како што напоменал тие не живеат само во општината Пустец, туку и во Гора, Голо Брдо, Девол, како и во поголемите албански градови. Целта на секторот ќе биде заштита на етничкиот, јазичниот, културниот и верскиот идентитет на малцинствата во Албанија. Според Темелко, ваквиот сектор е значаен затоа што дава надеж за Македонците во Албанија.
- Ние сме лојални граѓани, плаќаме даноци и првпат ќе можеме да се јавиме како корисници на средства од буџетот што го полниме за да можеме да ги заштитиме нашиот национален и културен идентитет - вели Темелко за „Нова Македонија“.
