- Член од
- 7 октомври 2008
- Мислења
- 6.055
- Поени од реакции
- 6.443
Ако вика оџата, ќе вика и попот
Битолчани велат не се против верата, но бараат црковните служби да се вршат во објектите и да не се пренесуваат преку звучници, со што им го нарушуваат сонот рано наутро. На ова одговара преспанско-пелагонискиот владика г. Петар, кој вели дека во Битола дури се слуша оџата на разглас, ќе се слуша и попот
Од црквата "Св.Богородица" во Битола преку звучници се пренесуваат службите, а од Исак џамија преку разглас молитвата на оџата. Граѓаните се жалат на бучава. "Во Битола дури се слуша оџата, ќе се слуша и литургијата", вака преспанско-пелагонискиот владика г. Петар одговори на реакциите на група граѓани до "Вест" дека богослужбите од црквата "Св. Богородица" се емитуваат преку звучници и жителите од околните објекти ги оставаат без сон. Во писмото што битолчани го доставија до нашата редакција пишува дека два месеца, секој ден напладне, преку звучници се емитува црковната служба, како и во недела наутро.
"Црквата е во близина на строгиот центар на градот, и започна да ја емитува целата служба преку огромни звучници. Веќе два месеца немаме никаков мир. Како не можат да разберат дека има луѓе што работат навечер, во смени, дека држењето служба преку разглас им го скусува правото на сон. Зошто мора од 7-8 часот докај 10-11 во недела и за празници сите ние да бидеме будни без сон. Никој не е против верата туку бараме да ја вршат службата во црква, а не да ја пуштаат преку звучници", пишува во реакцијата на група битолчани.
Владиката Петар, во телефонски разговор ни потврди дека надвор од црквата се слуша неделната литургија и напладне тропарот на свети Нектариј. На критиките одговори дека кога ќе се запре пеењето од џамиите тогаш ќе престане и преносот на службите надвор од црквите.
"Десетина години го слушаме оџата како пее од минарето, и тоа никому не му пречи, а сега им пречи тоа што на македонски јазик се слушаат нашите служби надвор од црквата. Дури не се преземат мерки пеењето на оџата да не се пренесува преку разглас, дотогаш богослужбите ќе се слушаат и од други цркви", изјави владиката.
Сличен е примерот во другиот дел на Битола, пак, каде што е сместена реставрираната Исак џамија. Тамошните жители се жалат дека преку звучници неколкупати дневно, со голема гласност се пренесува пеењето на оџата од минарето.
Од Македонското здружение на млади правници велат дека бучава предизвикана од верски објект не е предвидена во Законот за заштита од бучава. Согласно законот, бучавата предизвикана од други самостојни звучни извори треба да биде во рамки на гранични вредности. Од Здружението посочуваат дека надлежен орган за контрола е Министерството за животна средина и просторно планирање.
(Ж.З.)
http://www.vest.mk/default.asp?ItemID=FA0EF0072F10D84AA105E5D734F139AF
Битолчани велат не се против верата, но бараат црковните служби да се вршат во објектите и да не се пренесуваат преку звучници, со што им го нарушуваат сонот рано наутро. На ова одговара преспанско-пелагонискиот владика г. Петар, кој вели дека во Битола дури се слуша оџата на разглас, ќе се слуша и попот
"Црквата е во близина на строгиот центар на градот, и започна да ја емитува целата служба преку огромни звучници. Веќе два месеца немаме никаков мир. Како не можат да разберат дека има луѓе што работат навечер, во смени, дека држењето служба преку разглас им го скусува правото на сон. Зошто мора од 7-8 часот докај 10-11 во недела и за празници сите ние да бидеме будни без сон. Никој не е против верата туку бараме да ја вршат службата во црква, а не да ја пуштаат преку звучници", пишува во реакцијата на група битолчани.
Владиката Петар, во телефонски разговор ни потврди дека надвор од црквата се слуша неделната литургија и напладне тропарот на свети Нектариј. На критиките одговори дека кога ќе се запре пеењето од џамиите тогаш ќе престане и преносот на службите надвор од црквите.
"Десетина години го слушаме оџата како пее од минарето, и тоа никому не му пречи, а сега им пречи тоа што на македонски јазик се слушаат нашите служби надвор од црквата. Дури не се преземат мерки пеењето на оџата да не се пренесува преку разглас, дотогаш богослужбите ќе се слушаат и од други цркви", изјави владиката.
Сличен е примерот во другиот дел на Битола, пак, каде што е сместена реставрираната Исак џамија. Тамошните жители се жалат дека преку звучници неколкупати дневно, со голема гласност се пренесува пеењето на оџата од минарето.
Од Македонското здружение на млади правници велат дека бучава предизвикана од верски објект не е предвидена во Законот за заштита од бучава. Согласно законот, бучавата предизвикана од други самостојни звучни извори треба да биде во рамки на гранични вредности. Од Здружението посочуваат дека надлежен орган за контрола е Министерството за животна средина и просторно планирање.
(Ж.З.)
http://www.vest.mk/default.asp?ItemID=FA0EF0072F10D84AA105E5D734F139AF
Само претходно не знам каде нихилистите би требало да се регистрираат за да биде тоа званично. Замисли ситуација нихилисти званично пријавуаат разглас.
