Здраво, Ве молам може ли некој да ми каже дали постои некоја опасност бидејќи сакам да купам "топка" со неколку рипчиња, а дома имам веќе две мачки?
Нема опасност. И јас додека чував караси во кугла имав ептен-хиперактивен мачор дома и само ги набљудуваше, ама никогаш не се обиде да ги проголта.
--- надополнето: 1 февруари 2014 во 15:48 ---
Дечки дај кажете некој квалитетен канистер за аквариум од 200л. планирам да го направам вака некако
http://www.youtube.com/watch?v=Bqam04Z5rd0 па ем интересира и кај мозам да најдам од оваа земјава/ песоков за растенија.. и исто така кај можам да ги најдам растенијава .. и ако има некој поискусен со CO2 да ми кази каков систем да направам
За канистер не можам да ти помогнам, прашај на mkreef форумот, сигурно има некој кој продава. Јас никогаш сум немал канистер.
Песокот е аквариумска подлога од вулкански камења измешани со минерали што овозможуваат побрз раст на растенијата. Го има во сите добро снабдени аква шопови, ама скапичок е. Не се сеќавам точно, ама мислам дека во Амазон беше најевтин - околу 1000 денари за кесичка од 5 кг.
Можеш да си ставиш некаква речна песок што сам ќе си ја собереш од некоја незагадена планинска рекичка. Само прво убаво измиј ја со многу млазови на топла и ладна вода наизменично. Ако можеш, дури и пожелно е да ја свариш во вода, или пак да ја третираш со хиперманган, за да ги уништиш бакериите и другите штетни микроорганизми кои би можеле да ти го уништат задоволството одпосле. Има некои кои ставаат хумус за цвеќиња под подлогата од песок, ама мене ме советуваа да не ставам, зошто излегувале одпосле некакви црви и други штетни организми кои буквално го преплавувале аквариумот. Инаку, ако се одлучиш за хумус за цвеќиња под песокот, мораш многу да внимаваш:
1. Хумусот мораш прво да го испечеш во рерна за да ги уништиш штетните микроорганизми.
2. Мораш да го обогатиш со минерали. Најчесто ја прават следнава постапка за обогатување:
-миење на хумусот со вода
-сушење на сонце
-миење со вода
-сушење на сонце...
и така колку повеќе ја повторуваш постапката, толку хумусот бил пообогатен со минерали. Само не заборавај пред да го ставиш во аквариум да го испечеш во рерна.
3. Над слојот со хумус, пред да го ставиш песокот врз него, се става мрежа (како онаа за комарци која ја ставаат во врати и прозорци), со цел да не се измеша земјата со водата и да стане цела вода каллива.
Јас сепак би ти препорачал да не ставаш хумус под подлогата од песок. Кај мене растенијата растат ко луди, а немам хумус одоздола. Јас од растенија имам Валиснерија (кај нас ја викаат житарка), Хигрофила коримбоса (кај нас позната како Лимонка) - и од нив би можел да ти продадам, ако сакаш. Во аква шоповите можеш да купиш од нив по 100 денари коренче, јас ќе ти ги дадам за 50. Имам уште Микросорум птеропус (Јава ферн), Криптокорона криспатула (Амазонка) и уште една Криптокорона вилиси. Имам и Ротала и Сагитарија - ама ништо од ова не ми е за продавање, немам доволно коренчиња.
Инаку, тревата во аквариумот во видеото е Елеохарис мини (Eleocharis sp. 'mini') малечката напред и Хемиантус (Hemianthus micranthemoides) - високата позади. Тие две се многу тешки за чување. Ти треба добар супстрат, добро осветлување, систем за додавање CO2 во водата... И тешко дека можеш да ги најдеш кај нас - скапи се, и обично ги нема во аквашоповите.
Доста полесна, а слична на Елеохарис тревата е Сагитарија (лат.Sagittaria Subulata), можеш да ја купиш по аквашоповите. Таа е лесна за чување, не ти треба којзнае каква подлога, ни CO2 систем. Доволно е само солидно осветлување и чести промени на водата.
Ако ти треба уште нешто, било што, прашај.