Ај сега да пишам и за тоа околу укинувањето на преводите.
Самата АВМУ прво вика дека не смее, после вика дека смее, освен македонски и рамковен, да се има и други преводи (српски, хрватски, бугарски, арапски итн итн).
Сега што е проблемот,
Иначе еве го целото видео од 24Вести:
http://24vesti.mk/gragjanite-ostanaa-bez-izbor-za-prevod-na-stranskite-televizii
Па дури и да стои дека мора да се има само мкд и рамковен, сметам дека треба да се изврши корекција, која ќе дозволи во дигиталните пакети да се има превод и на други јазици, додека пак во аналогните само на мкд. или рамковен, како што се практикуваше до пред неколку дена (барем како што знам јас).
Велат дека мора да има превод на македонски
или на рамковнистички јазик, наместо да велат дека мора да има превод и на македонски
и на рамковнистички јазик. Значи може да има превод на рамковнистички јазик и тоа е во ред, а ТВ каналот може слободно да се емитува без превод на македонски јазик, доколку веќе има превод на рамковнистички јазик.
Буквално ја форсираат употребата на втор јазик на превод кој не е службен на целата територија на Република Македонија и сосема апсурдно е форсирање на втор јазик на превод во општини каде што има само македонско население, или мешано население меѓу кое нема ниту 1 (ЕДЕН) Албанец, и истовремено дискриминирање на единствениот службен јазик на целата територија на Република Македонија.
Во нормална држава, вакво форсирање на втор јазик на превод, кој не е службен јазик на целата територија на државата, би паднало на Уставен Суд, но за жал, Република Македонија не е нормална држава, а Уставниот Суд во Република Македонија од поодамна постои само формално, со цел редовно да се прогласува за ненадлежен за секакви уставно-правни спорови или со цел да пресуди во корист на идиотизмите кои ги воведува актуелната влада на Република Македонија.
За волја на вистината, National Geographic и FOX Life ги има со македонски превод, а тоа што некои - односно не сите - кабелски и дигитални оператори не вовеле превод на македонски јазик, тоа е нивни пропуст.
Додека јас користев MaxTV од Ти-Хоум, имаше македонски превод на National Geographic, но само на поновите епизоди од содржините кои се емитуваа, но немаше на постарите епизоди. Кога нема македонски превод на постарите епизоди, најкомотно го менувам преводот од македонски на српски.
Ситуацијата беше иста и на FOX Life и на FOX Crime кој се емитуваше тогаш, но сепак имаше македонски превод на повеќето содржини, а за тие кои немаше македонски превод, веднаш го менував преводот од македонски на српски.
Вака АААВМУ се прави како да го форсира македонскиот превод кај кабелските и дигиталните оператори, но во пракса дозволува избор помеѓу македонски и рамковнистички превод, што не е легално и не е праведно, со оглед на фактот дека мнозинството корисници на услугите на кабелските и дигиталните оператори се Македонци и доколку нема македонски превод, попрво би прифатиле српски или хрватски превод, наместо некој сосема трет неразбирлив превод на јазик кој не припаѓа на групата на словенски јазици.
Ова е чиста дискриминација и како што веќе спомнав, кога Република Македонија би била нормална и функционална држава со нормален и функционален Уставен Суд, ваквата дискриминација би паднала на Уставен Суд досега, но за жал, не живееме во таков филм, туку живееме во една тотално посурова и поужасна реалност.
