Примарна функција на сексот е размножувањето, но човековиот вид го надминал тој степен од еволутивниот развој. Другите животински видови имаат сезони на парење каде сексуалниот нагон е изразен, и период вон таа сезона, каде овој нагон скоро и да го нема. Кај човекот тоа не е случај, сексуалниот нагон е сѐприсутен, па сексот служи и како средство за поврзување, хормонален баланс а неретко и како средство за социјална доминација/субмисивност.
Кога две возрасни, деловно способни лица стапуваат во сексуален однос без заштита од било кој вид, тие доброволно го прифаќаат “ризикот“ од забременување. Следствено, нема никакво оправдување да се абортира новиот живот кој настанал како резултат.
Абортус оправдувам само и само ако
-бременоста е резултат на кривично дело;
-бременоста може сериозно да наштети на физичкото здравје на идната мајка;
-плодот е со тешки вродени генетски/физички аномалии.
Фетусот од моментот на зачнување е биолошка единка со уникатен генетски код: половина од мајката - половина од таткото. Тој повеќе не е јајце клетка и не е дел од телото на мајката, туку го користи тоа тело за да го оформи сопственото, онака како што наложила природата.
Тоа што на некој му текнало да се секса без кондом/спирала/пилула и заради тоа сака да убие нов живот во сопствената утроба, има далекусежни психички последици по мајката. Ова од примери што ги знам. Феминизмот, од благородна идеја во своите зачетоци, денес во поголемиот дел е монструозен култ за касапење бебиња и феминизација на машкиот пол. „Мое тело - моја одлука“ - да, така вика и бебето. Слободата да се практикува безбеден секс никој на никого не ја негира.
