Е па тоа е тоа што се турка кон присила. Ете си се вакцинирал, си створил доволно антитела, која е причината да одиш на трета бустер доза, ако ти веќе имаш доволен број на антитела. Вакцинацијата беше најавена како нешто “што ќе створи антитела“, ако веќе ги имаш доволно, зошто?
Зошто се турка по секоја цена, за наше добро или за нечиј џеб
Исто и со прележаните.
Се врши класична дискриминација, преку кршење на правото на слободно движење, само затоа што некој не поседува некој си документ (сертификат), му се ограничува слободата. И некој треба да одговара за носењето на нелогични, крајно глупави, фашистички мерки
За сертификатите општо се имам изјаснето уште одамна, не ми се допаѓа таа работа. Не треба да постојат едноставно. Еве јас често патувам, кој вели дека не можам да го пренесам вирусот како вакциниран. Факт дека можам.
Друга ЛУДА работа е што ние сме единствени на планета мајка земја каде што сертификатот на прележани важи само 45 дена. Типично лудило.
Како што сме единствени и во една друга работа во однос на овие сертификати, на излез од држава да ми бараат да приложувам вакцинален сертификат. Повторно единствени на планета мајка земја.
Нема логика некој што прележал и што сеуште има антитела да прима вакцина. Кога ќе ги изгуби стекнатите антитела, тогаш. Но луѓето примаат баш поради овие гнасни сертификати.
Исто како на пример лично јас. Вакциниран прва доза март, втора доза јуни. Имам IgG 196 u/mL (реф. 0.8), која логика е да примам трета доза? Нема логика, едноставно сеуште немам потреба.
Ги пратам антителата од време на време, чисто од љубопитност да знам на што сум.
Бидејќи секој организам не е ист, можеби кај мене ќе се задржи доволен број на антитела и по 9 месеци од втора доза. Кој знае, ќе видиме.
Кога ќе паднат, тогаш ќе примам трета доза. До тогаш не.
Затоа убаво, тоест правилно би било кога би можело под фонд (научна фантастика), секој кај кој изминале 3/6 месеци од втора доза (во зависност од вакцината), да има можност за проверка на антитела па да се одреди дали има или нема потреба да прими трета доза.
Исто и прележаните, да имаат можност да се проверат по извесно време, да знаат дали сеуште имаат заштита или треба да примат вакцина. Што инаку многу, многу ретко има реинфекции кај прележани. Така докажува статистиката.
Е сега кога веќе ја нема таа опција, бесплатно да се проверат антитела, секој што планира да прима трета доза, убаво би било да направи една лабараторија пред да оди да ја прими. Тоест, да се види дали има или сеуште нама потреба од трета доза.