Кајг,
Се поголем е бројот на луѓе кои се жртви на психичко малтретирање и понижување на работа...или МОБИНГ.
Се јавува во сите сфери на општеството, помеѓу надредени и подредени, но најчесто меѓу соработници од ист ранг. Почнува со обичен судир на интереси, кој резултира со нарушување на меѓучовечките односи, а потоа и насочување на целата таа агресија на една личност (мобер) кон друга личност (жртва). Ваквиот психотерор, вклучува сплет на понижувања, закани, сплетки од страна на моберот и нарушување на професионалното и човековото достоинство на жртвата. И одеднаш истата таа жртва почнува да се чувствува помалку вредна, без поткрепа и право на глас на своето работно место. Потоа следува период во кој жртвата е "вреќа за удари" или "дежурен виновник" за сите неуспеси и грешки на колективот. Жртвата очајнички се бори за опстанок и за жал, на крај по повеќегодишно тероризирање тоа завршува со хронични болести, напуштање на работно место или она најтешкото, обид за самоубиство.
И зошто сега јас го пишувам ова овде и сега ... затоа што сум свесна и сум сведок дека бројот на жртви од оваа причина во последните три месеци е речиси 10 пати поголем од порано!!!
И сакам да кажам, ако молчите и го криете тоа ништо нема да направите. Дури и да сака да ви помогне човек, просто не му давате ниту прилика, ниту простор, ниту време, ниту шанса да се обиде да ви пристапи и помогне. Бидете храбри, зборувајте гласно, покажете заби!