Огромна грешка ќе биде ако го продаде Лукаку, бидејќи другиве напаѓачи нити се докажани нити пак се центарфори. Евентуално ако ги научи да даваат голови па тогаш да правиме муабет. Вака ми личи на уште една не многу голеста сезона, што е рамно на катастрофа и очобол за клуб од овој ранг.
За одбраната немам коментар, хаос е мал збор, а средината не постои.
Пријателскиве не ми се репер дека нештата ќе се подобрат, баш напротив, потребни се константност и квалитет, а овие играчи тоа го немаат.
Лукаку со главата е веќе во Интер. Не верувам дека има повреда во моментов и нашите се во интензивни преговори со цел да ќариме повеќе. Оле во пресовите воопшто не е сигурен за иднината на Лукаку. Според мене не е незаменлив играч. Во моментов би бил во втор план и мислам дека идеална шанса да ги вратиме во најмала рака вложените пари за него. Јунајтед има поголеми дупки кои мора да се пополнат. Стопер, играч за врска и десно крило. Задоволен сум со покривање на 2/3.
За делот дека останатите напаѓачи не се докажни. Не играле стрикно 9ки цела сезона Рашфорд и Марсиал, а и често се ротираа досега. А за да имаат таква голгетерска сезона мора да добијат шанса. Ќе те потсетам на сезоната 2006/07. Рој Кин претходната сезона го раскина договорот сред сезона и очајно ни фалеше играч за врска до Сколси. САФ го продаде најдобриот докажан голгетер во тој период (Руд Ван Нистелрој) и не доведе никого за негова замена (Хенрик Ларсон таа сезона 3 месеци го имавме на позајмица). Единствено засилување ни беше играчот кој ни требаше да ја пополни дупката во средината и тоа беше Мајкл Керик. Претходната сезона во Јануари ги доведовме Видич и Евра. И двајцата изгубени во втората полусезона. Е сега САФ во таа сезона ја направи клучната точка во давањето доверба на Руни и Роналдо кои како млади таа сезона ја превзедоа одговорноста и целосно ја оправдаа зошто и двајцата поседуваа талнет кој мораше да го докажат на терен кога товарот ќе биде на нивни плеќи. Исто така одлилчно ги припреми Видич и Евра во предсезоната и ја добија довербата за следната сезона. Да бидеме објективни дека и Роналдо и Руни не беа скроз константни до тој период. Со овие 4 играчи преломна точка зошто се во светлата страна од нашата историја е тоа што е баш тој момент кога САФ товарот им го префрлил на нивни плеќи верувајќи во нивните квалитети.
РВН бил повеќе незаменлив играч во тој период од тоа што е сега Лукаку. Дали Рашфорд и Марсиал поседуваат квалитет? Да. Дали заслужуваат шанса да бидат носители на форот? Да. Не викам дека ќе ја оправдаат и дека ќе се повтори историјата да бидеме шампиони, но преломна точка дали тие ќе бидат носителите во нападот наредните години можеби е сега во оваа сезона под Оле. Плус ги имаме и Гринвуд и Алексис кои би биле 3 и 4 опција во форот. Не се исти околностите во поглед на конкурентите можеби, но во тој период имаше страшен Челзи кој беше 2 сезони по ред шампион, Арсенал финалист во ЛШ и во игра за титула, Ливерпул истата сезона беше повторно финалист во ЛШ.
Не сакам да се навраќам на времето во САФ, но како фанови мора да учиме од редици машки одлуки кои ги направил ризикувајќи лоша сезона со цел да им даде шанса за играчи кои сметал дека поседуваат квалитет да направат голем пресврт во нивните кариери. Таква шанса добиле и други играчи и не ја оправдале. Тој ризик таа сезона се исплати со шампионска титула таа сезона и 1/2 финале во ЛШ. Таа сезона постави одлична основа за наредниот трофејски период. Следнта сезона мозаикот го дополна со пополнување на дупките од таа сезона и дојдовме до титиула во ЛШ.
Оваа сезона не очекувам резултатско чудо, но со топ 4 сум презадоволен. Доколку Оле си го реализира планот чекор по чекор како што намислил овој процес на враќање по старите патеки би траел 2-3 сезони со 4-5 трансфер периоди кои ќе значат пополнување на дупките со квалитет.
Наш приоритет се како што кажав стопер, играч за врска и десно крило. Се надевам дека стопер и играч за врска ќе доведеме до почетокот на сезоната, а за десното крило ќе се обидуваме да покриваме со Гринвуд, Џејмс и Лингард, а наредно лето би тргнале ол ин по Санчо.
Едит: Мислам дека денес ќе го видиме Џејмс на десно крило.