Штом излегоа слики од состанок помеѓу Брус Бак и тој на Јуве на денот на финалето, знаев дека ќе се случи ова. Не можеше ни два дена ко што треба да се израдуваме на трофејот без некакви други приказни. Челзи
Го разбирам Сари. Зошто би останал во клуб кој очигледно не ти ја цени работата, во клуб во кој навивачите пола сезона ти свиркаат и не ти покажуваат никаков респект. Хаотичен клуб кој нема да може да ти донесе играчи по твоја желба. Сигурно е свесен дека наредната сезона скоро сигурно ќе биде полоша од оваа, и свесен е дека целата ситуација ќе биде заборавена и на крај он ќе биде единствен кривец. Од друга страна, те сака најголемиот клуб во Италија. Ти нуди стабилност, поддршка. Имаш скоро загарантирана лигашка титула наредна сезона, можеш да конкурираш за ЛШ, и ќе тренираш еден од најдобрите фудбалери во историјата на фудбалот.
За Челзи ако едно знам, тоа е дека никој не може да ги натера да се откажат од тренер или играч. Доколку Челзи не сака да те даде, нема да те даде. А од Сари очигледно среќни се да се ослободат, дури се збори дека може и без оштета да го пуштат. Повторно никаква логика. Лани цело лето го поминаа натегајќи се за Сари, конечно го донесоа, го поддржаа и со по некој играч и после само една сезона во која патем си исполни се што се очекуваше од него, спремни се да се откажат и пак да почнуваат од почеток.
И сега најверојатно ќе дојде Лампард. Играч кој најмногу сум го сакал, тренер кој би бил совршената фаца за Челзи. Ама не сега. Баш затоа што го сакам, мислам дека е лошо време сега да дојде. Затоа што не сакам да не успее во Челзи. А моментално нема никакви услови за стабилна работа и успех. А од друга страна па и само некој како Лампард гледам како прифатлива опција во моментов. Бар ќе дава шанси на младите, конечно ќе го искористиме целиот потенцијал на академијата. Затоа што ако дојде некој како Алегри, Мурињо.............................................................................
Штета. Сари го гледав како идеалниот кандидат кој ќе започне нова ера во Челзи. Со напаѓачки, интересен фудбал. Па потоа ќе му оставеше веќе спремен тим на некој како Лампард.
Клубов прави да не знаеш како да се осеќаш и што да сакаш. Колку и да не сакам да дојде Лампард сега, затоа што не е добар момент, верувам ако дојде ќе бидам највозбуден што сум бил до сега за нов тренер.
Но, да почекаме. Не би ме чудело за некој ден да треба да пишувам скроз различен пост.