Те молам, повели со објаснување од историски аспект за оваа последна епизода.
Елективна монархија е одлична идеја, во историски контекст, револуционерна за едно апсолутистичко кралство. Не е дека остава простор за да се роди којзнае каква демократија, се уште е рано за тоа, меѓутоа идејата дека еден човек е пратен од Господ да владее станува бесмислена кога луѓето, како група на интелектуалци, сами за себе си одлучуваат кој да ги води.
Е сеа, зашто е битно уствари ова што се деси. Small council добива многу полиберална функција и повеќе ингеренции во поглед на управување со кралството. На почетокот (Нед, Варис, Бејлиш, Ренли, Станис, Баристан) беа советници без никакви законодавни функции, они се едноставно советници на кралот. Сега на крајот е евидентно дека новата багра има многу повеќе ингеренции, и small council почнува да наликува на група на министри кои всушност ќе одлучуваат за некои работи во кралството. Управата на кралот како decision maker е ограничена. Нормално, министериве нема да имаат краен збор, исто како што немаат ни денес во најсовремените републики (сепак ги следат политиките на премиерот/претседателот).
Битно е дека општеството се либерализира и се остварува социјален прогрес. Идејата за демократија беше сосема доволно спомната, и исмевањето на истата беше перфектно прикажана, бидејќи реално истата таква не била прифатена веднаш. Треба време да помине за таа идеја да се вроди во умот на луѓето. А како ќе се роди? Кога постепено за „министерски“ функции ќе се назначуваат луѓе базирани на труд и интелект, а не на наследно право од имот. И за ова ќе треба време, ама тоа што Тирион навести коа Брен рече дека фалат членови, односно дека ќе му донесат "suitable prospects", значи дека ќе бараат асални, паметни луѓе кои ќе носат одлуки во кралството. На тој начин, се повеќе луѓе ќе бидат опфатени и изложени на државни функции, што ќе придонесе за развој на образование и едукација, што само по себе ќе донесе економски напредок, а од тоа ќе следи целосен социјален напредок. Процес кој го бележиме од почетокот на човековата историја, се до денес.
Целата епизода (на забрзан начин, за жал) претстави една прекрасна етапа на транзиција од конзервативно општество во полиберално, за временските услови во кои живеат. Од нив не можеме да очекуваме да „измислат“ демократија од нигде, не можеме да очекуваме да прескокнат социолошки процеси, меѓутоа забележавме сериозен чекор кон освестување. И самата Арја сака да направи некаков буквален прогрес, наместо да цупка у место и да си го гледа дворот дома, затоа отиде да истражува.
Ова за мене е многу побитно од зомбиња, змаеви, дали имало 10 или 300 Дотраки, „ти имаш кур ја неам“ досетки и слично. Верувам дека Мартин истото ќе го претстави и преку книгите, само на многу подетален и логичен начин. Цела поента е да забележиме прогрес, а не закоравеност, и тоа го видовме. Ова е буквално све што барав да видам од серијата, прогрес на општеството.
И го добив