А што да му одговорам на 4-5 луѓе наеднаш што не ги читаат постовите и што одговараат на инспирација?...тамам работа ако се замарам јас да му одговарам на секој посебно,сепак е форум,ако не се сложваат со моето мислење нека го игнорираат или нека не го читаат....мене ме нервира кога ќе напишиш нешто против нивниот клуб или играчи веднаш како пчели ти се фрлаат,а прочитајги во нивниот фан клуб сите од лајно подолу ги прават..како фановите на Јунајтед,кај нив нивните играчи ги прават неписмени и неталентирани а кога се расправаат со другите веднаш магично стануваат играчишта.
Од моето скромно искуство со кајгана форум, имам заклучено дека во секој фан клуб има луѓе кои што ќе се обидат да дискредитираат нечие мислење, базирано единствено на фактот дека е напишано во негативна смисла за клубот за кој што навиваат. Се е тоа во ред, затоа што сме на јавен форум, каде што секој има мислење, доколку на некој не му се допаѓа, целта е да не го игнорира туку да образложи зошто размислува различно.
Е сеа, ние фановите на Барселона сме познати по тоа што сме едни од најтоксичните на интернет просторот, со нереални очекувања, со плукање по се живо, од тренер, управа, па се до играчки кадар. Се сеќавам дека во сезоната 2013-14 сакаа Меси да биде продаден поради пад во форма. Сепак, како секаде, има и дечки со кои што се прави муабет.
На страна тоа, прочитав дека имаш пишано за гејмерот Дембеле и за грабежот кој Дортмунд го извршил со неговиот трансфер. Дембеле не е еден од најпаметните играчи во светот, затоа што незнае дека се наоѓа во еден од малкуте клубови во кои што може да остави трага како играч кој освоил многу трофеи. После неговиот последен испад, имаше многу врева и луѓе коишто се блиски до клубот кажуваа дека капитените на Барселона имале сериозен разговор со него у стил или ќе те биде или не. Од тогаш помина некое време (ако не се лажам од натпреварот со Тотенхем) и Дембеле е вториот најдобар играч на Барселона, одма после Меси. Нека продолжи само во тој правец и верувам дека никому нема да му е гајле за сумата која што е платена за него, затоа што да бидеме искрени, мене не ми значи дали трансферот изнесува 50, 150 или 500 милиона, затоа што ниту една од овие суми нема да го доведе клубот во некоја си посебно лоша финансиска состојба.
И дали некој очекуваше дека Дембеле ќе биде новиот Нејмар? Преголеми очекувања се ставаат на грбот на играч кој што има само 21 година. 13 гола има и мислам 4 асистенции, што не е мала бројка, посебно ако се земе во предвид тоа дека не играше бааги натпревари затоа што прво Валверде не сакаше да го игра затоа што не се враќал во одбрана, второ како казна затоа што каснел на тренинзи.
П.С. Нејмар во сред сезона пред 3-4 години, мислам дека беше крајот на март, во период во којшто имавме голем број на натпревари, отиде во Бразил на роденден на сестра му, така да и тој не е некој репер за професионалец. За жал, мислам дека во иднина ќе гледаме се поголем број на такви случаи, затоа што играчите и пред се парите кои ги носат во клубот, ги прават да мислат дека се недопирливи.