И покрај тоа што сметав дека нема потреба од негова промена по крајот од ланската сезона, со оглед на околностите кои настанаа од трансфер летото па се до сега овој потег беше нужен.
Е сега, не ми се допаѓаат неколку работи од страна на управата.
Прво, овој чекор мораше да го превземат барем еден месец порано, ако не и повеќе. Значи според мене се касни со ваква одлука.
Второ, до крајот на сезоната има скоро повеќе од половина и со квалитетен менаџер можеме комотно да ја намалиме разликата и да се вратиме во топ4. Не ја разбирам одлуката да се бара менаџер кој ќе не води до крајот на сезоната, а тек потоа да се носи нов за подолг рок. Каде ќе биде мотивацијата кај играчите да го импресионираат менаџерот за да заработат место ако знаат дека после крајот на сезоната повеќе нема да биде тој, а каде ќе биде мотивацијата и кај самиот менаџер ако знае дека се поголеми се шансите тој да не остане на кормилото по крајот на сезоната без разлика на исходот. Доаѓа зимски преоден рок и имаме еден куп позиции кои треба да се покријат, па се прашувам кои играчи би прифатиле да дојдат ако знаат дека менаџерот ќе остани само до Јуни, а која е и логиката ако се носи некој во Јануари и потоа да не биде во планот на новиот менаџер. Значи тотално неплански се размислува. Да бевме на неколку кола до крајот на сезоната и да немаше никаква полза од вакви чекори ќе разберев и самиот (како што беше кога по Мојс го наследи Гигс), но имаме уште скоро половина сезона до крај, сме во 1/8 финале во ЛШ и имаме какви такви шанси да ја спасиме сезоната, а нашиве уште јавно си го кажуваат својот “генијален“ план. Според мене, баш е идеален периодот да се следи потегот што го направи Ливерпул со Клоп. Кај нив Роџерс порано го кикнаа, но го поставија Клоп да си го увиди тимот до крајот на сезоната, да си ја развие својата филозофија и тек налето да почне да си го чисти отпадокот затоа што добро знае кои играчи нема да му требаат, а кои и какви профили на играчи ќе му бидат потребни. Ние сега ќе носиме налето нов менаџер на кого ќе му требаат припремите да ги запознае играчите и многу краток рок за имплеметнација на филозофија и селекција кои играчи ќе треба да одат аут, а кои да се носат.