Чистење/Одржување на машина за перење

[WiniaMKD]

Здраво! Сите знаеме дека постојат специјално наменети средства за чистење и одржување на машина за перење, односно отстранување на бигор, дезинфекција и сл. (но колку се ефикасни??)
Сум слушнал дека постојат многу подобри односно ефикасни "домашни рецепти" за таа цел. Како на пример сода бикарбона, лимонтус, оцет и сл. Дали имате искуство околу овие рецепти и што практикувате? Секако дадете Ваша препорака и рецепт за најефикасно отстранување на бигор и дезинфицирање на машината за перење.

 

[TrendS]

Постојат два ефективни методи. Како сервисер на машини за алишта и садови можам да потврдам за успешноста.

- Метод 1
Потребен ви е лимонтус
за машина до 5 кг =350 грама
за машина од 7 кг =450 грама
и 8 кг = 500 грама
Целосната количина на лимонтус се истура во бубањот и машината се пушта (секако без алишта) на температура од 90/95 степени (без предперење) да го заврши целиот циклус. Пред да го сторите тоа исчистете го филтерот а истото повторете го и по завршувањето. Резултатите се воочливи.

- Метор 2
Сода бикарбона и алкохолен оцет
За било која килажа на машина потребно ви е 250 грама сода бикарбона и 1 литар алкохолен оцет. Истурете ја содата и оцетот во бубањот и пуштете ја машината на температура 90/95 степени (без предперење) да го заврши целосниот циклус. Секако пред да го сторите истото исчистете го филтерот пред и по завршувањето на чистењето.

Успешно се докажани овие методи во целосно чистење на заостанат прашак, бигор, сите останати бактерии и габички како и се останато што се наоѓа во системот. Вршите комплетна дезинфекција и ослободување од наталожениот бигор на греачите. Верувајте машината ќе биде како нова. Немојте да купувате маркетиншки трикови како што се Калгонит и сл кои се +- базирани на овие супстанци.

Немојте да заборавите пред овие постапки темелно го исчистите садот каде што се внесува прашок/омекнувач (доколку е потребно употребете стара четка за заби и раствор од сода и оцет) бидејки тоа е гнездо за габички и бактерии. Дихтунг гумата за врата убаво исчистете ја со алкохолен оцет.
Доколку машината излачува миризба или не ги пере убаво алиштата тоа е знак дека е крајно време да се погрижите за хигиената на вашата машина за алишта. Превентивно односно кажано одржувачки потребно е два пати годишно да се повтори овој циклус за да имате чиста машина. Не е лошо и при секое перење на повисока температура да додавате малку сода бикарбона како што би се заштитило наталожувањето бигор на греачите и останатите споеви во механиката. По перење на алишта избришете ја дихтунг гумата на врата со сува крпа, а вратата оставајте ја отворена за да има циркулација на воздух и постојано да биде проветрена.
Да напоменам -овие методи не пречат и не причинуваат никаква штета на механиката и се останато на машина за перење на алишта