Какво будење имав сабајле
Ѕвони телефонот нешто, додека да погледнам исклучи. Гледам непознат број, ај си велам да се јавам којзнае за што ме бараат.
-Ало
-Ало господине, Ве барав пред малку.
...
Така почна муабетот, жената (девојката?!) не се претстави, рече од некоја си икс издавачка куќа била, имале промоција нешто на книги не знам како. Јас сонлив едвај ја слушам, ама од култура не сакам да прекинувам луѓе или да исклучувам. Ме прашува дали сум заинтересиран да слушнам нешто повеќе, ајде велам да чујам што има сигурно нема да е долго.
Кога си фати жената, те првата книга енциклопедија од 7 до 77, те втората нешто за здравје, те третата дали за рецепти што како се правело, абе кога се нави во раскажувањето мислиш автомат пуштија
Јас си слушам, отидов до купатило очи да си измијам таа си зборува, па начини на плаќање кои биле, нешто за достава, дури ми кажа дека во Скопје имале сопствена достава, човекот се викал Ставре
И сега ми вели која од трите книги најмногу ми фатила око, јас викам ајде првата нека биде. На 6 рати се плаќала првата, дали по 800 или не знам како, па ќе ми дале уплатници за пет месеци, при доставата можело да се плати 600 денари или ништо не морало. Се океј тоа, јас кога се сетив на салдото на сметката
и реков ај ќе размислам, ќе разгледам пак препрашав за која издавачка куќа станува збор (младински совет или како кажа точно, пак сум заборавил) и ајде пријатно, ми нагласи го имаш бројот јави се кога сакаш, до крајот на месецот трае промоцијата, да не сум пропуштил.
Нејсе, знам дека луѓето ова го прават за пари, такво е времето едноставно, мора на било кој начин да продадеш за да живееш и заработуваш. Ама независно од тоа, некако ептен со ентузијазам ми раскажуваше жената, секоја чест за тоа, позитива на денот. Иако ме разбуди од сон, ретко вака некој да се погоди на телефон, а да не ме изнервира до даска уште од старт