Интернетот вика баш вака
Меѓутоа, во пракса и реалност, ова е како кога читаш спецификации за карактеристики на некој телефон, кои во реалност се толку занемарливи, што како корисник нема баш да ги почувствуваш. Освен за некоја лична сатисфакција како демек ете, возам со помал притисок, имам бољи грип... Толку се незначителни и занемарливи разликите, што не вреди човек да се замара со ова. Освен ако имаш вишок слободно време, ентузијазам и желба за чачкање
Да, во пракса нуди заштита од дупнување, ама не е дека не може да се дупне и не станува непробојна. Само поретко ќе се соочуваш со дупнати гуми. Ама кога ќе треба да ја смениш, ќе ти биде покомплицирано.
Кој има вишок време и ќеиф, нека проба
Воопшто не би се согласил дека разликите се занемарливи при возење пониски притисоци (особено кај MTB). И јас почнав со возење на 2.7 бар позади, 2.5 напред при првата година со MTB, за во третата година возење да стигнам до 1.8 позади, 1.6 напред. Небо-земја разлика. Бидејќи возев со внатрешни гуми, тука беше лимитот, а би идел и уште надоле со притисокот да возев тубелес.
Очигледни и лесно воочливи придобивки при качување:
- пролизгување на задно тркало при педлање на растресита подлога исчезна;
- балон ефектот кај што качувам нерамен терен и задното тркало ми отскокнува од земја исчезна (бонус е дааалеку поудобната вожња);
- бидејќи предното тркало има уште помала маса над него при качување, понизок притисок многу помага во бирање правец, т.е. ти го возиш точакот кај што сакаш, не те носи точакот кај што му е најлесно да се истркала.
При спуст:
- повторно, далеку поудобна вожња;
- корења и ситни нерамнини се осеќаат помалку, и помалку може да те исфрлат од линијата која си ја замислил;
- зголемен осет кон подлогата (да, звучи нелогично мека гума да дава повеќе осет ама кој вози со ниски притисоци, знае дека помалку ги чувствуваш оние мини-прелази од мека во тврда подлога и обратно бидејќи при низок притисок целиот крампон лежи на подлога додека при висок, помал дел е во контакт со подлогата).
Замисли, јас овие работи ги осетив возејќи низок притисок со внатрешни гуми (лесен сум, затоа немав штипнувања). На моменти ми требаше и понизок притисок и тука тубелес ќе ми дојдеше ко кец на десетка. Одговорно тврдам дека има осетна разлика и во 0.5 бар понизок притисок, а не па во 1.5 бар и јаче, колку што дозволува симнување надоле тубелес системот.
P.S.
@Rocker05 иди во Бајкстоп, 250 денари беше малата флашичка Bontrager млеко. Јас ќе купам пак, ќе пробувам два-три фудбали да залепам со тоа