Интересно што се води дискусија на темава.
Моментално eфтини криптовалути кои имаат потенцијал да ви донесат солидна заработка на долги патеки се:
IOTA (MIOTA), Ripple (XRP), Nxt (NXT), Stellar (STR).
Долгорочната вредност на криптовалутите единствено зависи од нивната апликација и усвојување од страна на банки, корпорации, влади, мали компании и останати институции. Ако работите со ICO кои имаат големи ветувања но сеуште никакви усвојувања, ризикувате да ја изгубите целата инвестиција.
Цената на криптовалутите расте 100% поради медиумското покритие. Секоја криптовалута која ќе заврши на почетната страна низ светските медиуми цената и расте минимум 30%. Но во многу случаи цената и расте 200%-500%. Како за пример можам да ја наведам IOTA која пред неколку дена скокна од $1 на $5 преку ноќ откако медиумите најавија дека корпорации како Микрософт и Самсунг ќе ја аплицираат технологијата во меѓусебен трансфер на податоци.
Крипто технологиите се развиваат со цел да станат потенцијални решенија за денешните проблеми во дигиталната индустрија. За да добијат финансирање кон понатамошно истражување и развој, крипто технолошките компании креираат крипто валута асоцирана со технологијата и ја продаваат истата на пазарот. Вредноста и опстанокот на крипто валутата зависи од тоа колку обемно ќе биде прифатено технолошкото решение понудено од страна на компанијата.
На пример: Ripple (XRP) е крипто валута креирана како потенцијално технолошко решение за брз, едноставен и сигурен трансфер на пари помеѓу банки и институции со неколку посебни особини различни од биткоин. Ако поголем број светски банки и институции го прифатат ова решение како стандард за трансфер тогаш со гарантирана сигурност цената на Ripple ќе порасне 1000% па и потенцијално многу многу повеќе.
За да знаете во која валута да инвестирате мора да се истражувате подлабоко и да се запознаете со технолошкото решение на компанијата која ја креира, како и проблемите кои ги решава. Ако сметате дека решава важен проблем во денешната економија тогаш имате солидна валута во рацете. Понатаму треба да истражувате какви договори и усвојувања валутата има постигнато досега. Ако има постигнато договори со поголеми компании и корпорации тогаш со сигурност имате потенцијално стабилна валута чива вредност може да порасне многукратно за кратко време.
Ако сакате да направите брзи пари и да добете неколкукратен повраток на инвестиција во рок од неколку дена тогаш мора да направите GOOGLE ALERTS за сите важни валути и секојдневно да ги читате светските медиуми во врска со било кои новости околу валутите кои ѓи следите. Кога ќе ви се падне ден да бидете меѓу првите кои прочитале вест дека одредена валута потпишала договор за соработа на пример со JP Morgan или друга огромна корпорација, тогаш веднаш одете на пазарот на кој тргувате и купете поголема количина од истата валута. Во вакво сценарио, ако валутата е една од поефтините (испод 30 долари) шансите се околу 90% дека ќе ги дуплирате парите или ќе добиете неколкукратно зголемен повраток. Ако валутата е една од поскапите (над 300 долари) цената ќе и порасне околу 30%-50% преку ноќ. Но секако бидејќи крипто економијата е сеуште бурна и непредвидлива можете да очекувате секакви исклучоци и ниту една формула нема да ви даде прецизни предвиденија.
Платформи кои јас ги усвоив и можам да ги препорачам се: Poloniex, Bittrex и Binance.
Бонус:
Пошто сме Македонци и мора некого некад некаде да зајебеме некако еве ви уште една опција за заработка. Но сметајте го ова само како информација која постои и тотално СПРОТИВНО ОД СОВЕТ. Русите имаат развиено приватна групна чат апликација на која се прават здруженија и договори за Pump and Dump стратегија со криптовалути. Секој кој е запознаен со Pump and Dump во врска со Penny Stocks ја знае оваа стратегија.
Одреден тим луѓе се здружува да ја купува и да ја пумпа и промовира вредноста на одредена валута додека нејзината вредност не порансе неколкукратно, потоа групата масивно ја продава и профитира додека нејзината вредност потоа паѓа повторно на почеток или многу често и пониско. На google можете да ги најдете сите информации кои ве интересираат во врска со овие групи.
Ако ве интересира колку е усвоен Биткои во Америка тогаш ќе ви одговорам во моментов се усвојува драматично. Но моменталната вредност е дефинитивно меур кој ќе пукне во било кој момент. Пред некој ден шетам на улица во Сан Диего, Калифорнија и баба од 70 и кусур години чекори позади мене и зборува на телефон како пред некој ден купила 2 биткоини. Нашата компанија веќе скоро цела година ни исплаќа бонуси во Биткоин. Во моментов можам да потврдам дека огромен процент од технолошки информираната младина во California инвестира во криптовалути.