Денешнава етапа, полна со многу лизгања по асфалт, за жал го натера и последниот суперстар спринтер да ја заврши трката. Марсел Кител, по пад во првите 50-60 километри, се повреди доста сериозно, изгуби многу време, и покрај тоа возеше и се трудеше, но сепак не успеа да ја заврши етапата и влезе во тимската кола (се откажа од трката).
Етапата беше извонредно интересна, од главните конкуренти кои возеа во група, тројца од четворица пробуваа да нападнат, четвртиот беше Фрум и мирно само си држеше тркало и возеше по темпото кое во крајниот дел од етапата го поставуваше Микел Ланда. Тоа што ми остана во сеќавање од денешнава етапа е изразот на лицето на Ланда, влече 4ца од најдобрите брдаши позади него со најладната и најодморената фаца на светот...
На рамниот дел пред крајот малку се измачи, но сепак се приближи на само 30тина секунди до 4тото место.
Верувам дека следната година со новиот тим ќе биде доста успешна за него.
Утрешната етапа не смее да се пропушти, ама поради обврски тешко дека ќе ја изгледам...
Се надевам на мирно море за Фрум и Скај.