Ехе, ама ТК и Телеком имаат оптика поставено и нудат и за приватни корисници. Овие од Вип ископаа ставија ама нема да приклучуваат приватни корисници на оптика. Зошто навистина не ми е јасно и башка аплоуд брзините им се тапа во однос на Телеком, Телекабел и Неотел. Само ме интересира што ќе прават Вип, бидејќи сите овие други идат под земја (оптика) само Вип тераат со тоа FTTC, па после обичен надземјен кабел. Таман кога видов дека копаат до мојата зграда се израдував и си реков дека ќе поврзуваат на новата мрежа и сите оптика ќе имаат кога го прашав работникот ми кажа се копа и се става, но нема приватни корисници да се приклучуваат
Ако Македонски Телеком и Телекабел продолжат да инвестираат во сопствените оптички телекомуникациски мрежи и ако до крајот на 2020 година ги покријат сите урбани подрачја низ Македонија, со тек на време и Вип ќе мора да инвестира во сопствената оптичка телекомуникациска мрежа.
Сепак мора да се земе во предвид фактот дека Телекабел преку својата оптичка телекомуникациска мрежа нуди само оптички Интернет, но не и Интернет телевизија, односно IPTV, бидејќи телевизиските услуги и понатаму ги нудат исклучиво преку коаксијален кабел.
Ако Телекабел масовно инвестира во проширување на својата оптичка телекомуникациска мрежа низ сите урбани подрачја низ Македонија до крајот на 2020 година, тогаш со тек на време ќе можат да почнат да нудат и IPTV, а коаксијалниот кабел ќе им остане како резерва, особено за руралните подрачја.
Но ова значи инвестирање во IPTV платформа и во IPTV рисивери за идните корисници на идните IPTV услуги на Телекабел, а тоа не се баш малку пари.
Со сегашната кабелска телевизија преку коаксијален кабел, Телекабел има одлична аналогна ТВ понуда, која е достапна на било каков телевизор, а дигиталната ТВ понуда доаѓа бесплатно и без потреба од кабелски рисивер или кабелски CA модул за корисниците со LCD или плазма телевизор со сопствен DVB-C декодер - освен ако сакаат да ги гледаат каналите од дополнителниот BOX пакет или каналите со содржини за возрасната публика, за кои се плаќа дополнително, а во таков случај ќе им треба кабелски рисивер или кабелски CA модул.
Исто така на корисниците со обичен телевизор им треба кабелски рисивер за да можат да ја гледаат дигиталната кабелска телевизија на Телекабел.
Доколку Вип премине од коаксијален кабел на FTTH, тогаш и тие ќе треба да преминат од кабелска DVB-C телевизија кон IPTV платформа, бидејќи бесмислено ќе биде да влечкаш коаксијален кабел за кабелска телевизија и оптички кабел за оптички Интернет.
За волја на вистината, не е баш бесмислено, бидејќи така коаксијалниот кабел би бил резервиран само за кабелска телевизија, а оптичкиот кабел би бил резервиран само за оптички Интернет, прашањето треба да гласи колку е исплатливо наспроти тоа колку е бесмислено.
Da da ova sega bas go gledam vo pravo si
Kaj mene Dracevo nema optika od telekom nz ovie neotel preku sto odat
Мислам дека и тие на Телеком се шлепаат ама земи го ова со резерва. Најдобро е да си се јавиш во контакт центарот, ќе ти кажат дали постои можност или не.
Неотел речиси секаде каде што ги нуди своите услуги, ги нуди преку оптичката и/или бакарната телекомуникациска мрежа на Македонски Телеком.
Така да, ако улицата/зградата е поврзана со оптичката телекомуникациска мрежа на Македонски Телеком, тогаш може да се користи оптички Интернет од Неотел, а со тоа и телевизија и фиксна телефонија од Неотел.
Инаку, за контакт центарот на Неотел имам само негативни критики, секогаш велат дека треба прво да потпишеш договор за пакетот кој ќе го користиш, па потоа ќе проверуваат дали има техничка можност за да ги користиш нивните услуги на адресата на која сакаш да ги користиш.
Вообичаено ваква е праксата и во Македонски Телеком, но тие барем едно време имаа мапа и список со улици и булевари на кои е` достапна нивната оптичка телекомуникациска мрежа, исто како што и Вип нудат опција на нивниот официјален веб сајт да се провери дали има техничка можност на конкретната улица/конкретниот булевар, па затоа многу несериозно и идиотски од страна на Неотел е да ти бара да потпишеш договор со кој се обврзуваш да користиш услуга за која и самиот телекомуникациски оператор не знае дали ќе може да ти ја овозможи.