Jimmy
Организатор
- Член од
- 26 мај 2006
- Мислења
- 927
- Поени од реакции
- 312
МРТ од следната година во HD?
Македонската Радио Телевизија дефинитивно не престанува да изненадува. Веќе некој период таа е излезена од пасивноста во која беше долго време. Ова неколку пати го напоменавме затоа што во изминатиов период тие навистина активно работат во подобрувањето на државната телевизија. Процедурата се одвива полека, но промените се видливи. Најновата вест поврзана со оваа телевизија ја пронајдовме во дневниот весник "Нова Македонија". Ви го пренесуваме целиот текст за да погледнете и самите за што се работи. Покрај тоа што најверојатно оваа телевизија од наредната година ќе се дигитализира, тука дознаваме и дека МРТ планира да набави најсовремена опрема која ќе овозмжи неограничен простор за емитување.
Преземено од "Нова Македонија"
Во рамките на реформите на националниот радиодифузен сервис и на глобалното исклучување на аналогниот сигнал, кај нас предвидено за 2012 година, прифатен е планот за инвестиции, според кој треба да се набави современа опрема што многу наскоро ќе емитува дигитален сигнал во висока резолуција
Македонската радио-телевизија во 2011 година ќе почне да емитува дигитален сигнал, и тоа во ХД т.е. висока резолуција, вели Слободан Чашуле, член на Советот на јавниот радиодифузен сервис.
- Советот го поддржа предлогот на извршните органи на МРТ да купат најсовремена опрема, која истовремено ќе овозможи неограничен простор за емитување - вели Чашуле.
Тој додава дека, за да бидат целосни реформите, ќе треба да се измени и програмската шема, а советот веќе ги задолжил програмските уредници да излезат со нова шема и со нов пристап кон зголемените обврски. Од нив се очекува широк разновиден опсег на квалитетни содржини, кои ќе кореспондираат со новото време. Оваа фаза ќе следува откако ќе бидат завршени претходните чекори, а тоа се финансиското, политичкото и технолошкото осамостојување. За финансиското осамостојување веќе е поднесен предлог-закон, според кој Управата за јавни приходи ќе ја врши наплатата на радиодифузната такса. Потоа следува измена на Законот за радиодифузија, кој, според Чашуле, е пресликан од британскиот и кој ќе и овозможи на МРТ целосна правна независност. Третата фаза е купувањето современа опрема, наместо дотраената, која, пак, е клучниот елемент за дигитализацијата односно за пуштањето ХД-сигнал во етерот.
- Со помош на новата опрема, ќе им се овозможи онолку простор во програмата на сите етнички заедници колку што можат да произведат и да консумираат, ограничени само од буџетот, а не и од времето и од просторот - објаснува Чашуле
НЕВОЗМОЖНА МИСИЈА?
Проектот за дигитализација се спроведува во рамките на глобалното укинување на аналогната телевизија. За Македонија предвидениот рок за гаснење на аналогниот сигнал е крајот на 2012 година.
- За спроведување „свич-оф“ на аналогниот сигнал Македонија добила мултиплекси, дигитална опрема за емитување. Од тие мултиплекси, секој може да емитува по осум канали, а еден е само за Македонската телевизија.
Тие може да пуштат дигитален сигнал и порано, но за тоа треба да биде изградена целосна мрежа на предаватели и приемници, за сигналот да биде достапен на целата територија бесплатно (фрее то аир), а не преку кабелски оператор. За тоа треба многу пари. Приказната за ХД-сигнал во 2011 година во Македонија е само паушална оцена на дилетанти, кои не разбираат ништо од радиодифузија, каква опрема е потребна и колку чини целиот процес. Од каде пари? Нели МРТ е презадолжена? - вели Виктор Грозданов, долгогодишен медиумски работник и познавач на состојбите.
Тој објаснува дека постои огромна разлика од ХД-сигналот што беше пуштен за време на Светското фудбалско првенство пред неколку месеци, бидејќи тоа е готов ХД-сигнал што го емитува некој друг, а МТВ преку ХД-енкодерот на „Ти-хоум“ го емитува само за одредени корисници (во случајов на пакетот „Макс“ на „Ти-хоум“).
Во однос на проширувањето на програмата, односно овозможување продукција неограничена од просторот и од времето, Грозданов објаснува дека за тоа се потребни дополнителни комплементарни програмски сервиси, за кои најпрво е потребна измена на законот за радиодифузија. Ваквите сервиси би функционирале слично на принципот на видеотеките што ги нудат операторите што и сега нудат дигитална телевизија.
- Ако МТВ побара дополнителни програмски сервиси, ќе се јават и А1 и Сител и сите други приватни телевизии. А тука веќе се поставува прашањето дали пазарот има такви потреби - смета Грозданов.
ПЛАНОТ ЗА ИНВЕСТИЦИИ Е ПРИФАТЕН
Петар Каранаков, еден од извршните директори на МРТ, објаснува дека дигитализацијата на МРТ се спроведува со поддршка на Европската Унија и на Владата. Процесот на набавките веќе се подготвува и ќе се одвива преку тендер.
- Планот за инвестиции е прифатен и по 30 години Македонската радио-телевизија конечно ќе има можност да ја обнови старата опрема. Сé уште не знам колку ќе чини сето тоа, бидејќи не знам какви ќе бидат понудите што ќе ги добиеме на тендерот - објаснува тој.
Каранаков додава дека МРТ треба да го набави само својот дел од опремата, додека предавателите се обврска на Советот за радиодифузија.
- Преку истите предаватели својот сигнал ќе го емитуваат и приватните телевизии, кои исто така ќе треба да се дигитализираат. Проблемот, пак, со корисниците што поседуваат аналогни приемници ќе се реши со бокс-сетови, апарати што се приклучуваат на телевизорот за да примат ХД-сигнал - додава Каранаков.
Дополнителна придобивка што ќе произлезе од целиот проект за дигитализација на МРТ е пренесувањето во нов формат и на архивата на националниот радиодифузен сервис. На 19-от кат во зградата на МРТ ќе се отвори дигитална библиотека, која ќе биде отворена за пребарување за новинарите од сите медиуми.
Македонската Радио Телевизија дефинитивно не престанува да изненадува. Веќе некој период таа е излезена од пасивноста во која беше долго време. Ова неколку пати го напоменавме затоа што во изминатиов период тие навистина активно работат во подобрувањето на државната телевизија. Процедурата се одвива полека, но промените се видливи. Најновата вест поврзана со оваа телевизија ја пронајдовме во дневниот весник "Нова Македонија". Ви го пренесуваме целиот текст за да погледнете и самите за што се работи. Покрај тоа што најверојатно оваа телевизија од наредната година ќе се дигитализира, тука дознаваме и дека МРТ планира да набави најсовремена опрема која ќе овозмжи неограничен простор за емитување.
Преземено од "Нова Македонија"
Во рамките на реформите на националниот радиодифузен сервис и на глобалното исклучување на аналогниот сигнал, кај нас предвидено за 2012 година, прифатен е планот за инвестиции, според кој треба да се набави современа опрема што многу наскоро ќе емитува дигитален сигнал во висока резолуција
Македонската радио-телевизија во 2011 година ќе почне да емитува дигитален сигнал, и тоа во ХД т.е. висока резолуција, вели Слободан Чашуле, член на Советот на јавниот радиодифузен сервис.
- Советот го поддржа предлогот на извршните органи на МРТ да купат најсовремена опрема, која истовремено ќе овозможи неограничен простор за емитување - вели Чашуле.
Тој додава дека, за да бидат целосни реформите, ќе треба да се измени и програмската шема, а советот веќе ги задолжил програмските уредници да излезат со нова шема и со нов пристап кон зголемените обврски. Од нив се очекува широк разновиден опсег на квалитетни содржини, кои ќе кореспондираат со новото време. Оваа фаза ќе следува откако ќе бидат завршени претходните чекори, а тоа се финансиското, политичкото и технолошкото осамостојување. За финансиското осамостојување веќе е поднесен предлог-закон, според кој Управата за јавни приходи ќе ја врши наплатата на радиодифузната такса. Потоа следува измена на Законот за радиодифузија, кој, според Чашуле, е пресликан од британскиот и кој ќе и овозможи на МРТ целосна правна независност. Третата фаза е купувањето современа опрема, наместо дотраената, која, пак, е клучниот елемент за дигитализацијата односно за пуштањето ХД-сигнал во етерот.
- Со помош на новата опрема, ќе им се овозможи онолку простор во програмата на сите етнички заедници колку што можат да произведат и да консумираат, ограничени само од буџетот, а не и од времето и од просторот - објаснува Чашуле
НЕВОЗМОЖНА МИСИЈА?
Проектот за дигитализација се спроведува во рамките на глобалното укинување на аналогната телевизија. За Македонија предвидениот рок за гаснење на аналогниот сигнал е крајот на 2012 година.
- За спроведување „свич-оф“ на аналогниот сигнал Македонија добила мултиплекси, дигитална опрема за емитување. Од тие мултиплекси, секој може да емитува по осум канали, а еден е само за Македонската телевизија.
Тие може да пуштат дигитален сигнал и порано, но за тоа треба да биде изградена целосна мрежа на предаватели и приемници, за сигналот да биде достапен на целата територија бесплатно (фрее то аир), а не преку кабелски оператор. За тоа треба многу пари. Приказната за ХД-сигнал во 2011 година во Македонија е само паушална оцена на дилетанти, кои не разбираат ништо од радиодифузија, каква опрема е потребна и колку чини целиот процес. Од каде пари? Нели МРТ е презадолжена? - вели Виктор Грозданов, долгогодишен медиумски работник и познавач на состојбите.
Тој објаснува дека постои огромна разлика од ХД-сигналот што беше пуштен за време на Светското фудбалско првенство пред неколку месеци, бидејќи тоа е готов ХД-сигнал што го емитува некој друг, а МТВ преку ХД-енкодерот на „Ти-хоум“ го емитува само за одредени корисници (во случајов на пакетот „Макс“ на „Ти-хоум“).
Во однос на проширувањето на програмата, односно овозможување продукција неограничена од просторот и од времето, Грозданов објаснува дека за тоа се потребни дополнителни комплементарни програмски сервиси, за кои најпрво е потребна измена на законот за радиодифузија. Ваквите сервиси би функционирале слично на принципот на видеотеките што ги нудат операторите што и сега нудат дигитална телевизија.
- Ако МТВ побара дополнителни програмски сервиси, ќе се јават и А1 и Сител и сите други приватни телевизии. А тука веќе се поставува прашањето дали пазарот има такви потреби - смета Грозданов.
ПЛАНОТ ЗА ИНВЕСТИЦИИ Е ПРИФАТЕН
Петар Каранаков, еден од извршните директори на МРТ, објаснува дека дигитализацијата на МРТ се спроведува со поддршка на Европската Унија и на Владата. Процесот на набавките веќе се подготвува и ќе се одвива преку тендер.
- Планот за инвестиции е прифатен и по 30 години Македонската радио-телевизија конечно ќе има можност да ја обнови старата опрема. Сé уште не знам колку ќе чини сето тоа, бидејќи не знам какви ќе бидат понудите што ќе ги добиеме на тендерот - објаснува тој.
Каранаков додава дека МРТ треба да го набави само својот дел од опремата, додека предавателите се обврска на Советот за радиодифузија.
- Преку истите предаватели својот сигнал ќе го емитуваат и приватните телевизии, кои исто така ќе треба да се дигитализираат. Проблемот, пак, со корисниците што поседуваат аналогни приемници ќе се реши со бокс-сетови, апарати што се приклучуваат на телевизорот за да примат ХД-сигнал - додава Каранаков.
Дополнителна придобивка што ќе произлезе од целиот проект за дигитализација на МРТ е пренесувањето во нов формат и на архивата на националниот радиодифузен сервис. На 19-от кат во зградата на МРТ ќе се отвори дигитална библиотека, која ќе биде отворена за пребарување за новинарите од сите медиуми.