Во принцип мислам дека вториот натпревар се на се беше поквалитетен во однос на првиот (и од двете екипи). Играта беше на реалтивно високо ниво во текот на поголемиот натпревар. Одбраната на двете екипи беше далеку подобра, а и голманите имаа придонес. Неколку кратки коментари за нашите:
1. Се надевам дека ова е заради важноста на натпреварите и реално немањето време нешто посебно да уигра, бидејќи по малку ме загрижува недостатокот на ротација. За нијанса имаше повеќе отколку во Исланд, но не и задоволително. Сега можевме, ама на првенство вака не се игра. Во одбрана некаква ротација можеби и видовме, но во напад, освен тие 5-6 минути на Танкоски, и последните 15 на Пешевски практично немавме друга ротација. Се виде ова и во играта. Во прво полувреме, Кузмановски и Талески беа одлични, во второ, очигледно се заморија и се изгубија (и психички и физички). 60 минути 2 правци, ни Карабатиќ веќе не игра, тука ќе мора да поработиме на ширината.
2. Кире во прво полувреме, мислам дека имаше едно од најлошите полувремиња кои ги одиграл за репрезентација, но затоа во второ е најзаслужен зошто не бевме поразени. На свој грб ја влечеше екипата првите 15 минути кога не одеше ништо и одбранта на Исланд гризеше на многу високо ниво. Прешивеавме во тие минути и после тоа се искористи во вторите 15 кога бевме далеку подобра екипа од Исланд.
3. Два тактички потези го решија натпреварот (кој патем требаше да го добиеме, ама како што среќно добивме бод плус во Исланд, така несреќно го изгубивме во Скопје):
- Влезот на Пешевски во напад во последните 15 минути. Немаа никакви шанси со него одбранбените на Исланд, кои претходно не убија и не можевме акција да врземе првите 15 минути од второто полувреме. Проблемот со Пешевски е тоа што тој е практично втора замена во одбрана (после Кире) што остава голем ризик за враќање во транзиција, но мислам дека и исланѓаните се уморија и не можеа да го искористат тоа, како што претпоставувам би го искористиле во прво полувреме.
- Влезот на Н.Маркоски во одбрана, или поточно поставувањето на Н.Маркоски/В.Маркоски/Талески/Кузмановски од 2ка до 5ка на 6-0 одбрана во исиот тој дел од натпреварот. Одбраната доби на агресивност и исланѓаните имаа огромни проблеми да генерираат квалитетни шутеви.
4. 5-1 одбраната (која според мене е добро што ја воведуваме во поголема мера во последно време) во Исланд воошто не функционираше, вчера беше многу подобра, но има уште работа тука. Брестовац ја сака оваа одбрана, така што претпоставувам дека ќе гледаме доста од неа и во иднина, во различни играчки варијанти. Како и да е, добро е да имаме опции, да не играме секогаш предвидливо 6-0.
5. Со 2 победи сме први, сега не смее да го уништиме тоа што се сработи неделава. Турција и Грција мора да паднат во Јуни, се надевам само нема да ги потцениме.
