Земја со толкав човечки потенцијал,со толакви пространства и плодна земја,со сите можни климатски услови на планетава,со огромни природни ресурси,огромен домашен пазар се збогатила со штампање на пари само.Мош си мислит.
Америка е богата уште пред Федералните резерви да се основаат.
Држи вода теоријата, но во такви околности Канада, која по територија е поголема од цела Европа и има свои извори на нафта и гас, Русија која е најголема држава во светот по големина на територија и со најголеми резерви во гас во целиот свет, Кина која е најголема држава во светот по број на жители и располага со најголеми количества на ретки минерали без кои денешните технолошки изуми не би постоеле, би требало да бидат побогати и поразвиени од САД, но не се.
Сите овие држави, исто како и САД, располагаат со огромен човечки потенцијал, со огромни територијални пространства и плодна земја, но сепак својата меѓународна размена ја вршат во странска валута, најчесто во американски долари.
Кина намерно одржува фиксен курс на кинескиот јен и намерно одржува ниска вредност на кинескиот јен за да останат нејзините производи евтини, бидејќи доколку ја зголеми вредноста на кинескиот јен или доколку премине од фиксен курс кон флуктуирачки курс, вредноста на кинескиот јен вртоглаво ќе порасне, а со тоа вртоглаво ќе пораснат и цените на кинеските производи, а тоа воопшто нема да биде од никаква корист за секојдневниот Кинез кој работи за мизерни 20 до 50 евра месечно.
Русија нема доволно развиена патничка, транспортна и енергетска инфраструктура за да може сериозно да конкурира на европскиот пазар и на светските пазари, но работат на случајот, Јужен Поток е дел од тој процес, ако од тој гасовод навистина се пушти крак кон Македонија, Газпром ќе ужива монопол на македонскиот енергетски пазар, а и на сите останати балкански пазари во кои нема да има алтернатива на Јужен Поток.
Канада го гради нафтоводот Keystone XL, кој би донел канаѓанска нафта во бројни сојузни американски држави во САД, но американската влада на чело со Барак Хусеин Обама ја блокира изградбата на тој нафтовод, поради еколошки причини, иако американците како нација можат вода да им носат на Канаѓаните кога станува збор за еколошки чиста и здрава околина. Но затоа Канаѓаните нема да дремат, веќе почнаа да испорачуваат од својата нафта кон Кина, додека американците увезуваат нафта од другата страна на Атлантскиот Океан, Канаѓаните им ја продаваат својата нафта на заинтересираните купувачи, како што се Кинезите.
Вистина е тоа дека САД биле богата држава и пред основањето на Администрацијата на Федералните Резерви на САД, но денес нивната економија и нивниот економски развој повеќе се зависни од позајмени пари, отколку од заработени пари, бидејќи парите кои ги печатат Федералните Резерви не се државни пари, тоа се позајмени пари кои американската влада ги позајмува од Администрацијата на Федералните Резерви која да повторам, е приватна национална банка, а не државна национална банка, позајмени пари кои американската влада потоа ги враќа со камата, камата која ја плаќаат граѓаните на САД и која само дополнително ги зголемува долговите на САД, а таквиот тренд на економски раст преку задолжување не е одржлив на долг рок, освен ако некој од надвор ги плати тие долгови, како што се државите кои му даваат вредност на безвредниот американски долар со тоа што го користат истиот тој безвреден американски долар во својата меѓусебна трговска размена, како и државите кои ги откупуваат американските долгови, како што е Кина, која поседува над 1 трилион американски долари од американските долгови кои изнесуваат над 16.5 трилиони американски долари.
Како резултат на кинеската финансиска помош, во 2012 година САД одобрија кинеска државна банка да стане сопственик на американска банка, со што сега таа кинеска државна банка може да им издава кредити, да им дава пари на заем, но и да ги откупува долговите и на приватните и правните лица во САД, а во одреден момент тоа може да резултира погубно за американските компании. Земи го Џенерал Моторс за пример, иако американската влада го купи одлучувачкиот пакет акции во Џенерал Моторс, сепак Џенерал Моторс и понатаму работи со загуби, замисли кинеска државна банка да му одобри кредити на Џенерал Моторс за да го одржи своето производство, па некоја кинеска автомобилска компанија да ги откупи долговите на Џенерал Моторс кон таа кинеска државна банка, со што кинеската автомобилска компанија ќе има свој сопственички удел во Џенерал Моторс.
Тешко дека се збогатиле на тој начин толку многу, затоа што не е толку едноставно земи штанцај пари и готово..... затоа што секоја акција има реакција... инфлација ова она, станува збор за многу економски фактори што треба многу нежно да се изгланцаат за да може да се направи таква превара!
Од моето познавање на поновава историја, УСА се има најплодно збогатено со вршење на "меѓународни банкарски услуги" у превод давање кредити на државите што војувале во II с.в. и ако не се лажам сеуште некои држави им должат пари, долгови, обврзници итн. на Америка од позајмувањата во војната!
А за ова не викам дека не е можно, ама не верувам дека успеале до толку да се збогатат од едно штанцање, а и да се збогатиле тоа било некое споредно второстепено богатство!
Ипак, таму се нафтата од Ирак и Либија, јагленот од Косово......... и уште многу три точки, кај што стигнаа опустошија, не верувам да им е допрено до неколку банкноти.
Не се збогатиле на таков начин толку многу, но своето богатство го одржуваат на таков начин. Не може една приватна компанија да работи со загуби и истовремено да отвора нови работни места, освен ако некој од надвор ги плати нејзините долгови кои компанијата ќе мора му ги врати со камата, или кои откупувачот на долговите може да ги претвори во свој сопственички удел во компанијата.
Па токму примерите кои ги спомна ја одржуваат вредноста на американскиот долар.
Нафтата од Ирак и Либија, јагленот од Косово и ред други енергенси, претежно не завршуваат на американските пазари, туку завршуваат на европските и азиските пазари, но целата таа трговија се врши во американски долари, а тоа ја одржува вредноста на американскиот долар.
Големиот победник во Ирак е држава која воопшто не учествуваше во ирачката војна, а таа држава е Кина, која ги доби договорите за експлоатација на добар дел од нафтените полиња во Ирак. Кина ја врши таквата експлоатација на тие нафтени полиња во Ирак со помош на американски и европски компании, но сепак најголемиот дел од профитот оди во Кина, а истиот тој профит е во американски долари, а не во ирачки динари или во кинески јени.
http://www.youtube.com/watch?feature=player_embedded&v=Bd47hyIcZ_c
aram da im se 
