Forrest Gump
низа1
- Член од
- 12 ноември 2009
- Мислења
- 7.038
- Поени од реакции
- 29.618
Како да го дефинираш човекот кој е мултиталентиран музичар, филмски композитор (слободно впишете оскаровец), готски хеви метал рокер, фронтмен, компјутерски nerd, интелектуалец, друштвено ангажиран поединец, чиј глас надалеку се слуша?
Michael Trent Reznor е роден на 17 мај 1965 г. во малото место Mercer, ( уствари пиши некаде у Пенсилванија). Уште како клинец Trent покажувал интереси кон музичките инструменти. Прв инструмент до кој се докопал бил клавирот, а веќе со 5 години почнал да ги прави своите први музички чекори. Reznor секогш нагласувал дека животот во мало гратче го изолира од остатокот на светот:
“ Не знам зошто сакам да ги работам овие нешта, освен да ја задоволам својата желба да побегнам од малото гратче во Америка, да побегнам од граница, да истражувам. Таму каде што израснав не е лошо место за живеење, но таму нема ништо освен полиња со пченка. Моето животно искуство произлезе од гледањето филмови, телевизија, читањето на книги и магазини. А кога вашата ебена култура произлегува од секојдневното гледање на телевизија, вие сте несвесно бомбардирани со слики од местата кои ве оставиле без здив, од поинакви луѓе кои имаат кариера и животни шанси. Ништо од тоа не постои во вашата мала средина и многу лесно можат да ве убедат, дека тие соништа не се наменети за вас. Ако ги погледнете некои од најтлентираните и најкреативните режисери на денешницата David Cronenberg и David Lynch,тие имале нормално детство и растење, шо ќе каже дека не се потребни егзотични бизарни животни стилови за да станете занимлив и креативен.”
Во средно школо Reznor научил да свири тенор сакс и туба, дури бил дел и од џез екипата за дешавки, прослави, журки... Исто така покажал наклонетост кон актерската професија, па дури и се стекнал со признание за најдобра улога во драма, за улогата на Јуда во Jesus Christ Superstar. По средното училиште, Trent заминува во Alegeni колеџ, каде што се среќава со уште една негова страст – компјутерите.
Деби албумот Pretty Hate Machine излегол во 1989г. За да го избегне мешањето на студијата во неговиот креативен процес, Reznor користи псевдоним за да го издаде Broken во 1992 г. Песната Wish освојува Grammy за најдобра heavy metal изведба.
Вториот албум на NIN, The Downward Spiral, директно влета на второто место на Билбордовата топ листа и стана нивниот најпродаван албум. Инспирација за албумот, Reznor пронашол во изнајмувањето на вили во кои се случиле убиствата на Charlie Manson.
Пет години по објавувањето на The Downward Spiral, Reznor погоден од смртта на својата баба со која израснал, паѓа во депресија, анксиозност од појавување во јавност и почнува забавата со алкохолот и кокаинот. Пет години требаше да поминат за да NIN го објават следниот албум The Fragile, двојно CD кое се појавило во семптември 1999, директно на 1 место на Билбордовата топ листа.
Reznor признава дека повеќе не го познава човекот, чиј одраз го гледа во огледалото. Лудоста и хаосот, кои го зачинувале секој негов концерт, го направија ѕвезда, заземајќи си го заслуженото место. За да побегне од се, знаел да се затвори со недели во студио, опсесивно гледајќи го Taxi Driver и Martin Skorseze на repeat.
Trent Reznor е еден неверојатен воркохолик кој има изјавено дека секој момент кој не го посветил на музиката го смета за залудно потрошен миг од својот живот. Ааа не, у никој случај не е без везе курчење, спази ги само фактите : магазинот "Time" го има сместено во листата на највлијателни Американци, "Los Angeles Times" го смета за еден од најкреативните личности од неговата генерација, додека "Spin" го опишува како еден од најактивните уметници во музиката. Да де, патка, мош ќе речете, али заеби све то ајде , не мора ништо да значи, но неговата музика и он самиот како генијалец, доволно зборуваат сами по себе. А уствари па и ми се чини излишно е oва убедување од моја страна за неговата ментално музичка величина. Батево е ѕверка и тоа крупна, мастермајнд , култен лик, а и до сега не сум видел човек кој онака сочно ќе пЉука по него.
Неговиот "one man - band" Nine Inch Nails е бенд за кој дури и некои од критичарите велат дека е мошне тешко да се критикува од дистанца, затоа што практично невозможно е објективно преслушување , каде ќе го зауздаш срцето и ќе се обидеш да го уклучиш ладното расудување на тројка. Неговото творештво ги надминува границите на неверојатната музика и он самиот навлегува во оној дел на изведувачи кои дури можат да го креираат животот на поединецот.
Trent Reznor , успеа од својот тинејџерски бес и чачкање со мрачната срана на човечката душа да направи индустријал чудовиште, кое ги освои срцата на милиони луѓе кои се поистоветувале со него.
Од друга страна, не дека е светец и не дека очекуваме да е на сокче од морковче, али ептен шокантно делуваа неговите итервјуа за време на промоцијата на 'With Teeth'. Медиското отварање од тоа време, пропратено со мелодраматичност се памети по информациите за неговото минато и средувањето со хероин, па будењето во лондонската болница, поврзан на апарати со цевчиња во носето.
Денес, кога го согледува своето ВEOMA, ВEOMA порочно минато Reznor ќе изјави: „ Беше потребно да си поставам приоритети и да расчистам со нештата во својата глава. Сакав да побегнам од секојдневната работа т.е си зедов неколку години да откријам кој сум навистина јас, напоредно размислувајќи дали треба да продолжам со својата кариера. Станав ужасен наркоман и ми требаше да се соберам и да сфатам што ми се случило.”
Во 2001, Reznor успешно поминува низ процесот на одвикнување од пороци и се сели од New Orleans во Los Angeles, успевајќи да го остави зад себе минатото и на гореспоменатиов албум имаме еден нов – трезен, осамен и привидно фокусиран Trent Reznor. Со прочистениот глас од дрога, можеби не направи ПАК револуција во музиката, но сепак остана на врвот. Впрочем,не можеш бе, а да не го издвоиш неговото творештво како посебно во музиката, греота е да го споредуваш со други.
Не ве убедив?
Овој мајстор на продукција и еден од најдобрите студиски професори во последни децении, е една од најбараните фаци за соработка во музичката индустрија, тргнувајќи од Боуви, преку Менсон до рок фолирантите U2. Во продукцијата е секогаш бил, а и ден денес е милион светлосни години пред неговата реална досегашна конкуренција, создавајќи снимки кои секогаш биле испеглани до крај. Она што одсекогаш било “trademark ” за Nine Inch Nails е сложената слоевитост на песните. Под неговата искусна продуцентска палка, тешко би нешто поминало, а да нема барем неколку слоеви врева или мелодии, дисторзирани или обработени на илјада начини.
Имаше и еден друг битен момент во неговата кариера:
”Цели 18 години работев по договор и за тоа време гледав како бизнисот мутира од една во друга крајност. Особено ми е драго што конечно ќе воспоставиме директна врска со нашата публика”, напиша Резнор на сајтот на NIN.
После ова, на еден од концертите, Трент Резнор на публиката и порача слободно да ја крадат нивната музика од интернет, во знак на протест против високите цени поставени од Интерскоп.
Мора да се потенцира и страста со која свират секогаш он и неговата банда (у било кој состав) и звучната слика која ја создаваат, шо ќе рече копи пејст на студиската изведба (посебно неговиот глас) со додаток на оној шмек од бран лајв енергија.
Reznor секогаш јавно признавал дека најголемо влијание врз него има извршено David Bowie, посебно албумот Low од 1977 г. Овој албум послужил како инспирација за The Downward Spiral. Да, да тој е не се мислите, а за оние шо не се сетија да кажам дека Reznor се дури и појавува во еден спот на David Bowiе како пореметен негов фан кој опседнато го следи (I’m Afraid of Americans). Во документарецот пак за групата Rush, Reznor истакнува дека бендот Rush, значајно имаат влијаено на неговиот правец, нарекувајќи ги Rush едни од најдобрите бендови на сите времиња. Ако вагаме чувства, тогаш би споменал дека многу повеќе го погодила смртта на Freddie Mercury отколку заминувањето на John Lennon.
Како можна инспирација ги споменува уште The Cars, The Jesus and Mary Chain, Soft Cell, Prince, Gary Numan иThe Cure.
За музиката уште ќе каже: “Фундаментално гледано, музиката е нешто што луѓето го сакаат и се поврзуваат со неа. Повеќето од современата музика подсеќа на McDonalds. Само краткотрајно задоволство, а подцна осеќате мачнина во стомакот.”
За религијата пак: „ Постојат некои нешта кои едноставно не се чесни во светот, како што е организираната религија. Едноставно не ги разбирам луѓето кои слепо веруваат во мноштво лаги кои им се сервираат само како да не би размислувале за други нешта. Биди добар и ќе одлеташ во рај.Мош да за вас е супер, но за мене е невидена глупост”
А во врска со политиката : „ Политичките идеи се неверојатно досадни и никогаш не сум обраќал внимание на истите. Не верувам дека нештата можат да се променат, без разлика кој е претседател. Ништо не се решава. Едноставно нема смисла.”
Дискографија
Machine ера (1989–1990)
Halo 1: "Down in It" (1989)
Halo 2: Pretty Hate Machine (1989)
Halo 3: "Head Like a Hole" (1990)
Halo 4: "Sin" (1990)
Broken ера(1992–1993)
Halo 5: Broken (1992)
Halo 6: Fixed (1992)
The Downward Spiral era (1994–1997)
Halo 7: "March of the Pigs" (1994)
Halo 8: The Downward Spiral (1994)
Halo 8 DE: The Downward Spiral: Deluxe Edition, reissue
Halo 8 DVD-A: The Downward Spiral: DualDisc, reissue
Halo 9: "Closer" (1994)
Halo 10: Further Down the Spiral (1995)
Halo 10 v2: Further Down the Spiral, European/Australian/Japanese release
Halo 11: "The Perfect Drug" (1997)
Halo 12: Closure (1997)
The Fragile era (1999–2002)
Halo 13: "The Day the World Went Away" (1999)
Halo 14: The Fragile (1999)
Halo 15: "We're in This Together" (1999)
Halo 16: Things Falling Apart (2000)
Halo 17: And All That Could Have Been (2002), Limited Edition
Halo 17a: And All That Could Have Been, Live CD
Halo 17b: Still, Limited Edition Bonus CD
With Teeth era (2005–2007)
Halo 18: "The Hand That Feeds" (2005)
Halo 19: With Teeth (2005)
Halo 19 DVD-A: With Teeth, DualDisc release
Halo 20: "Only" (2005)
Halo 21: "Every Day Is Exactly the Same" (2006)
Halo 22: Beside You in Time (2007)
Halo 22 HD: Beside You in Time, Live Blu-ray
Year Zero era (2007)
Halo 23: "Survivalism"
Halo 24: Year Zero
Halo 25: Year Zero Remixed
Ghosts era (2008)
Halo 26: Ghosts I–IV, digital download
Halo 26 CD: Ghosts I–IV, 2× CD
Halo 26 V: Ghosts I–IV, 4× vinyl
Halo 26 DE: Ghosts I–IV, Deluxe Edition
Halo 26 LE: Ghosts I–IV, Ultra-Deluxe Limited Edition
The Slip era (2008)
Halo 27: The Slip
Halo 27 CD-LE: The Slip, Limited Edition CD + bonus DVD
@Anne. мајке ми се потрудив!
