The Beach Boys

[Dani]

​

Потекло: Калифорнија, САД
Жанр: Рок, поп
Активен период: 1961 - денес
Продуцентски куќи: Capitol Records, Brother Records, Reprise Records, Caribou Records, CBS
Членови: Брајан Вилсон, Мајк Лав, Ал Џардин, Брус Џонстон, Дејвид Маркс, Денис Вилсон, Карл Вилсон, Рики Фатар, Блонди Чаплин

The Beach Boys е поп-рок група основана во 1961 година во Калифорнија, САД.
Групата ја сочинувале браќата Брајан, Карл и Денис Вилсон, нивниот роднина Мајк Лав и школскиот пријател Ал Џардин.
Првите инспирации ги добивале од таткото на браќата Вилсон, Мари, и од вокалните групи како The Four Freshmen.
На почетокот групата се претставувала како The Pendletones.
Иако сурферските мотиви биле доста застапени во нивните песни, единствен сурфер меѓу членовите бил Денис Вилсон.

На почетокот Мари Вилсон бил нивниот менаџер и кариерата ја водел со Capitol Records. Во 1964 година, Брајан Вилсон го отпуштил неговиот татко после несогласувањата кои ги имале во студиото. После смртта на Мари Вилсон, Брајан не бил на погребот.

Нивните први песни се темелеле на животот на младите во Калифорнија (пр. "All Summer Long", "Fun, Fun, Fun"), на автомобилите ("Little Deuce Coupe") и секако на сурфањето ("Surfin' USA", "Surfin' Safari"). Тие постанале најпозната американска поп група, но и светска се до 1964 кога се појавиле Битлси кои им станале најголеми ривали.

Во текот на 1964 година, Брајан почнал да добива напади и се откажал од турнејата со групата, како би се посветил на пишување песни и продукција. Тогаш Брус Џонстон станал новиот член на групата.

Брајановата стручност во студиото и неговите софистицирани музички дела дале плод во 1966 година. Тоа бил албумот "Pet Sounds". Сингловите како "Wouldn't it be nice" и "God only knows" го покажуваат талентот на Брајан како продуцент.
Се говори дека "God only knows" е првата американска песна која го содржела зборот "God".

Тој албум станал светски познат, а Пол МекКартни рекол дека тој му е најдраг албум на сите времиња и имал влијание врз нивниот бенд, Битлси.
Брајан се обидел да ја искористи предноста на "Pet Sounds" па продолжил да работи на уште поамбициозен проект. Неговиот плод бил "Good Vibrations", песна која останала најголем нивни хит се до денес, а во 1966 година постанала број 1 на Топ листите во САД и Велика Британија. Многу критичари ја сметале за еден од најдобрите рок синглови на сите времиња. Во 2000 година VH1 ја ставиле на високото 8 место на "100 Greatest Rock Songs" листата, а подоцна во 2004 година Rolling Stone магазинот ја ставиле на место број 6 на листата "500 Best Songs Of All Time".

Иако приватниот живот на Брајан се распаѓал, неговата музика во тие години била извонредна. Неговите проблеми се почесто станувале тема на разговор. Користел дрога, ја зголемил телесната тежина, паѓал во длабоки депресии, а постанал и параноичен. Неговата состојба на крај се дијагностицирала како шизофренија.
Во доцните 70ти и Денис исто така почнал да користи дрога и алкохол. Некои од нивните концерти биле одбележани со пијанството кај членовите на бендот. Групата била приморана да се изјасни и извини на јавноста, после катастрофалниот концерт во Сиднеј во 1979 година каде што повеќето членови биле пијани.
Проблемите на Денис почнале да се развиваат во раните 80ти, а во 1983 година починал.

После трагичната смрт на Денис Вилсон, The Beach Boys продолжиле понатаму и повторно успеале да направат #1 хит во 1988 година под името "Kokomo", кој постанал и најдобар бест-селер.

Трагедиите за семејството Вилсон продолжиле, кога во 1998 година од рак починал и Карл Вилсон.
Иако Џонстон и Лав продолжиле да настапуваат под името "The Beach Boys", никој веќе од стариот бенд не е со нив.

The Beach Boys во 1988 се примени во "Rock and Roll Hall of Fame", а во 1998 година и во "Vocal Group Hall of Fame"

​

Спојлер: Дискографија

Surfin' Safari (1962)
Surfin' U.S.A. (1963)
Surfer Girl (1963)
Little Deuce Coupe (1963)
Shut Down Volume 2 (1964)
All Summer Long (1964)
The Beach Boys' Christmas Album (1964)
The Beach Boys Today! (1965)
Summer Days (And Summer Nights!!) (1965)
Beach Boys' Party! (1965)
Pet Sounds (1966)
Smiley Smile (1967)
Wild Honey (1967)
Friends (1968)
20/20 (1969)
Sunflower (1970)
Surf's Up (1971)
Carl and the Passions – "So Tough" (1972)
Holland (1973)
15 Big Ones (1976)
Love You (1977)
M.I.U. Album (1978)
L.A. (Light Album) (1979)
Keepin' the Summer Alive (1980)
The Beach Boys (1985)
Still Cruisin' (1989)
Summer in Paradise (1992)
Stars and Stripes Vol. 1 (1996)
That's Why God Made the Radio (2012)

Спојлер: Филмографија

The Beach Boys: Good Vibrations Tour (1976)
The Beach Boys: An American Band (1985)
The Beach Boys: Nashville Sounds (1996)
The Beach Boys: Endless Harmony (1998)
The Beach Boys: Live in Knebworth (2002)
The Beach Boys: The Lost Concert (2003)
The Beach Boys: In London 1966 (2006)
The Beach Boys: Chronicles (2012)
The Beach Boys: Doin' It Again (2012)

 

[whatto]

 

[Saladin]

Ги слушав додека бев во средно, онака за одмарање на мозок. Кога денес пробувам да ги упоредам со Битлси, тешко ми оди. Првите се зашеќерена вода во споредба со вторите. Како и да е, ако се пријатни за увце, why not?
Californian girls, I get around, Good vibrations, Surfing USA... има доста хитчиња што вака понекад си ги пуштам. Но такви се... површни.

 

[Смрт за зони и пајак воз.]

Eве и нешто од мене за потсетување
http://www.youtube.com/watch?v=aWPi8PLo33o

 

[Смрт за зони и пајак воз.]

Дали се сеќавате на големиот хит Barbara Ann
Toa не е нивна оргинална мелодија но со неа тие имаа голем успех 1965 година
http://www.youtube.com/watch?v=2wbMqRO6lnc