RocknRolaa
Rafa Para Siempre
- Член од
- 21 февруари 2010
- Мислења
- 6.869
- Поени од реакции
- 9.740
Изненадувачки досега немало отворено тема за еден од најдобрите бендови кој и ден денес создава квалитетна музика.
Pearl Jam е создаден во почетокот на 90 тите години во Сиетл. Двајца од членовите на бендот се главните виновници за создавањето на овој бенд. Се работи за Jeff Ament и Stone Gossard кои при крајот на 80 тите заедно со уште неколку членови, меѓу кои се истакнува главниот вокал Andrew Wood создале бенд под името Mother Love Bone. Овој бенд според многумина имал огромен потенцијал да се пробие на сцената, меѓутоа плановите за пробив ги расипала смртта на Енди кој починал многу кратко време пред да го издадат првиот албум од преголема доза на хероин. Некое време потоа Џеф и Стоун комплетно се разочарале од смртта на Енди и мислеле да се откажат од музицирање. Среќа тоа не се случило.
Наместо распад Џеф и Стоун ќе учествуваат во создавањето на еден од најдобрите бендови на сите времиња. Стоун за време на паузата од смртта на Енди до создавањето на Pearl Jam почнал да музицира со Mice McCready. Откако тие тројца се собрале им недостигал тапанар и вокал. Со тапанарите немале некоја среќа зашто низ годините ќе ги менуваат од разни причини се до 1998 година кога ќе им се придружи Мет Камерон кој до ден денес е член на бендот. Кога станува збор пак за вокалот, имале среќа да наидат на Еди Ведер кој покажал интерес да членува во бендот откако неговиот пријател ( тапанорот на Ред Хот) му го дал демото да го чуе за да види дали би можел да им биде главен вокал на момците. Еди кој тогаш работел на бензиска прифатил и веднаш создал текстови за некои до песните кои ги чул на демото, меѓу кои и Alive. Останатото е веќе историја.
Pearl Jam ќе го создаде според многумина еден од најдобрите албуми на сите времиња под наслов "Ten". Од моментот на создавање на тој албум популарноста на бендот неминовно расте, а харизмата на Ведер кој обожава да се фрла од рефлектори, камери и што се не врз публиката, не останува незабележана. Она што е интересно е што бендот е создаден речиси во исто време со Нирвана која исто така е создадена во Сиетл. Неодминливо било да има споредувања и судири меѓу членовите на бендовите, меѓутоа ништо од тоа не било толку драматично колку што медиумите успеале да ја потпалат тензијата меѓу Курт и Еди. Додуша, Курт сосем непотребно ги искритикувал момците девалвирајќи им ја музиката, за подоцна да си ги повлече зборовите и да создаде какво такво пријателство со Еди.
Момците се познати по тоа што не снимаат спотови ( имаат дури два три спота за сите овие 20 години), не го сакаат маректингот, се бореа да се снижат цените за нивните концерти во име на фановите, и пет пари не даваат за слава и популарност.
Ако некогаш имаме среќа ќе успееме да ги видиме овде кај нас во живо.
Дотогаш вака ќе си ги слушаме.
Еве листа на дискографија за оние кои сакаат да си ја спуштат. И задолжително да се види нивниот документарец направен од Камероун Кроу под наслов Pearl Jam Twenty.
Pearl Jam е создаден во почетокот на 90 тите години во Сиетл. Двајца од членовите на бендот се главните виновници за создавањето на овој бенд. Се работи за Jeff Ament и Stone Gossard кои при крајот на 80 тите заедно со уште неколку членови, меѓу кои се истакнува главниот вокал Andrew Wood создале бенд под името Mother Love Bone. Овој бенд според многумина имал огромен потенцијал да се пробие на сцената, меѓутоа плановите за пробив ги расипала смртта на Енди кој починал многу кратко време пред да го издадат првиот албум од преголема доза на хероин. Некое време потоа Џеф и Стоун комплетно се разочарале од смртта на Енди и мислеле да се откажат од музицирање. Среќа тоа не се случило.
Наместо распад Џеф и Стоун ќе учествуваат во создавањето на еден од најдобрите бендови на сите времиња. Стоун за време на паузата од смртта на Енди до создавањето на Pearl Jam почнал да музицира со Mice McCready. Откако тие тројца се собрале им недостигал тапанар и вокал. Со тапанарите немале некоја среќа зашто низ годините ќе ги менуваат од разни причини се до 1998 година кога ќе им се придружи Мет Камерон кој до ден денес е член на бендот. Кога станува збор пак за вокалот, имале среќа да наидат на Еди Ведер кој покажал интерес да членува во бендот откако неговиот пријател ( тапанорот на Ред Хот) му го дал демото да го чуе за да види дали би можел да им биде главен вокал на момците. Еди кој тогаш работел на бензиска прифатил и веднаш создал текстови за некои до песните кои ги чул на демото, меѓу кои и Alive. Останатото е веќе историја.
Pearl Jam ќе го создаде според многумина еден од најдобрите албуми на сите времиња под наслов "Ten". Од моментот на создавање на тој албум популарноста на бендот неминовно расте, а харизмата на Ведер кој обожава да се фрла од рефлектори, камери и што се не врз публиката, не останува незабележана. Она што е интересно е што бендот е создаден речиси во исто време со Нирвана која исто така е создадена во Сиетл. Неодминливо било да има споредувања и судири меѓу членовите на бендовите, меѓутоа ништо од тоа не било толку драматично колку што медиумите успеале да ја потпалат тензијата меѓу Курт и Еди. Додуша, Курт сосем непотребно ги искритикувал момците девалвирајќи им ја музиката, за подоцна да си ги повлече зборовите и да создаде какво такво пријателство со Еди.
Момците се познати по тоа што не снимаат спотови ( имаат дури два три спота за сите овие 20 години), не го сакаат маректингот, се бореа да се снижат цените за нивните концерти во име на фановите, и пет пари не даваат за слава и популарност.
Ако некогаш имаме среќа ќе успееме да ги видиме овде кај нас во живо.
Дотогаш вака ќе си ги слушаме.
Еве листа на дискографија за оние кои сакаат да си ја спуштат. И задолжително да се види нивниот документарец направен од Камероун Кроу под наслов Pearl Jam Twenty.