Forrest Gump
низа1
- Член од
- 12 ноември 2009
- Мислења
- 7.038
- Поени од реакции
- 29.618
Nouvelle Vague e француски музички состав чии основачи се музичарите Marc Collin и Olivier Libaux. Нивното име е игра на зборови, што значи “ нов бран ” на француски и "bossa nova" (нов тренд) во Португалија. Тоа се однесува истовремено и на новиот бран од 60-тите години на култниот француски филм, чии насловни и носечки теми ги реинтерпретирале во стилот на bossa nova манир.
На својот прв албум издаден 2004 година едноставно наречен Nouvelle Vague, составот носи класични нумери New Wave, но ги изведуваат во нов аранжман (bossa nova style). На реализација на проектот учествува цела плејада на пејачи од Франција, Бразил и Њујорк, како би биле на висина на задачата и како кавлитетно би одговориле на барањата кои пред нив ги поставуваат XTC, Modern English, The Clash, Joy Division, Tuxedomoon…
Песните се продуцирани и изведени на (како велат критичарите) шармантен и лукав поп начин, а сето тоа зачинето со францускиот секси стих.
Едноставната и уникатна изведба и квалитет кои го понудиле, на големо го изнеле моќните женски вокали кои ги изведувале песните на себе својствен и автентичен начин. Концептот бил одма прифатен од бројната публика ширум светот, кои добиле поново шанса да уживаат во хитовите од осумдесетите, но сега во нов (подобар уај ноат) манир.
Значи у шо е финтата? Тие разработиле една идеја до совршенство, а тоа подразбира основната мелодија од секоја песна во интерпретација на тотален анонимус пејачка, но пејачки кои дотогаш никогаш не ги слушнале punk, rock или new wave оригиналите. На тој начин се создава нов сосема оригинален cover кој наидува на големоо воодушевување кај вистинските аудиофили, но и те како добро минува и кај вистинските џезери и старата гарда на панкери. Комплетниот проект (покрај двоецот Collin – Libaux) е остварен со осум жени (шест Французинки, Бразилка и Американка).
Во 2006 година го издаваат новиот, втор по ред албум Bande A Part (Bande à dio), кој ги вклучува верзиите на "Ever Fallen in Love (With Someone You Shouldn't've)" by Buzzcocks, "Blue Monday" by New Order, "The Killing Moon" by Echo & the Bunnymen, "Don't Go" by Yazoo and "Heart of Glass" by Blondie. Албумот наидува на големо воодушевување кај музичките гурмани и набргу достига милион продадени носачи на звук.
За овој албум Marc Collin ќе каже: “ Идејата ми беше да добиеме нова димензија на песните, а под тоа подразбирам Карибите измеѓу 1940 и 1970. Баш како што за претходниот албум имав визија во глава за млади Бразилки кои на бреговите на Рио ја пеат “ Love Will Tear Us Apart ”, така и за овој проект во главата имав младич кој на гитара ја свири “ Heart of Glass ”на брегот во јамајканскиот Кингстон . “
Овој албум е мешавина од поп, реге, боса нова со призвуци на салса и сето тоа направено на француски начин.
Многу имиња од светот на музиката со голема симпатија гледале на нивната фантазија и изразиле желба да и самите бидат дел од приказната, што ги потикнало водачите на проектот (Marc Collin и Oliviera Libaux) на логичен чекор - прифаќање на соработката.Така се роди едноставно наречениот "3 Nouvelle Vague" албум на кој гостуваат легендарните Ian McCulloch (Echo&the Bunnymen), Terry Hall (Specials/Fun Boy Three), Barry Adamson (Magazine) и други.
Во третиот албум, еволуирале и го надоградиле својот препознатлив пристап: bossa nova ja запознава америка(на)
У декември 2010, го објавуваат Best of 2010, компилација у две верзии. Првото CD ни носи 15 нумери, додека второто содржи ретки до тогаш необјавени песни.
Се потрудив од ваму и таму да ја склопам нивната биографија и тоа се накратко Nouvelle Vague, составот чија музика се топи со нив на сцена. Кога ги слушам имам чувство како да добивам некоја слоумошн варијанта на времето или подобро речено копче за враќање и ресет на минатото. Варено вино и музика која пука од емоции – мислам класика нели? У нивната музика се чувствува влијанието на Collin од The Cure и Joy Divison, али таа ретро амбалажа едноставно те опива. Како што велат и самите зарем можеш после ужасен ден да ја чуеш “ Love will tear us aparat” и да останеш тажен?
- НЕ!
Друго шо ме бендисува кај нивните настапи е шо има таква вибрирачка атмосфера од размена на интензивни чувства, шо сум ги гледал неколку пати како нивните вокалистки пукаат на сцена, завршувајќи ги песните во солзи и покрај тоа што ги имаат милион пати изведувано.
Јас си ги сакам!
Еднаш, Marc Collin изјави дека е време да почнат да создаваат своја музика. Едвај чекам!
Ова дека морам иначе сите песни би им ги постирал.
Препорака: Си ги пушташ и спремен си да им се препуштиш на брановите и нивната магија.
Attachments
-
134,6 KB Прегледи: 1