Dani
1 + 1 = 10
- Член од
- 22 јуни 2010
- Мислења
- 24.047
- Поени од реакции
- 57.271
Потекло: Велика Британија
Музички жанрови: Диско, Рок, Поп, Соул, R&B
Активен период: 1958–2003, 2009–2012
Издавачки куќи: Leedon, Festival, Polydor, Atco, RSO, Warner Bros.
Членови: Бери Гиб, Робин Гиб и Морис Гиб
Би Џиз (Bee Gees) е музичка група која била основана далечната 1958 година. Составот на групата го сочинувале браќата Бери, Робин и Морис Гиб.
Нивното име не е изведено од "Brothers Gibb" како што многумина претпоставуваат, туку според двајцата пријатели кои им помагале, "Bill Goode" и "Bill Gates" ('B. G.'s).
Триото било успешно со децении. Нивната кариера може да се подели на два различни периоди и тоа: како поп група во доцните 60ти и раните 70ти години, и како диско група во доцните 70ти години.
Браќата Гиб се родени на островот Ман во Велика Британија. Нивната фамилија подоцна се преселила во Австралија, во 1958 година и останала да живее таму наредните 8 години.
Нивниот прв австралиски хит од 1966 година "Spicks and Specks" им овозможил да се вратат назад во Англија.
Светската слава на групата им ја донела песната "New York Mining Disaster 1941". Композицијата е издадена во април 1967 година и тоа бил првиот нивни хит објавен во САД.
Таква несреќа во Њу Јорк никогаш се нема случено, но песната била направена во знак на сеќавање на трагедијата во јужен Велс 1966 година, кога во одрон на земја засекогаш исчезнале 144 луѓе, а меѓу нив 116 биле деца.
Целиот настан е "сместен" во Њу Јорк со цел да се избегнат било какви асоцијации со вистинската несреќа и да не ги повредат чувствата на оние кои во несреќата ги загубиле најблиските.
За вистинските љубители на Би Џиз, оваа композиција и композициите од тој период останаа како заштитен знак на групата за сите времиња.
Компонирале еден од најпопуларните албуми за филмска музика "Saturday Night Fever", со 40 милиони продадени копии.
На албумот се наоѓале 8 од вкупно 17 нивни композиции. Меѓу хитовите на тој албум се наоѓале и "Stayin' Alive", "More than a woman", "How deep is your love" и "Night fever".
Некои од овие композиции биле спремени за следниот албум на Би Џиз, но Роберт Стигвуд во 1977 година ги замолил да компонираат музика за неговиот "нискобуџетен" филм.
Повеќе поради лојалност према Роберт, отколку верба во успех на филмот, Би Џиз се согласиле.
Неочекувано, како и филмот така и албумот достигнале огромен успех.
Освен своите големи хитови, членовите на групата пишувале и композиции за други изведувачи како што се: Доли Партон, Селин Дион, Дајана Рос, Дестинис чајлд и многу други.
Морис неочекувано умира во јануари 2003 година, па тогаш браќата Бери и Робин ја "пензионирале" групата после 45 години работа.
Меѓутоа во 2009 година се согласиле повторно да ја оформат групата, но не за долго.
Робин Гиб умира на 20 мај 2012 година во Лондон, после подолга борба со ракот.
Членови на бендот:
Останати членови:
Дискографија:
Филмографија:
