THE_CHOSEN_ONE
1903-2012
- Член од
- 13 август 2007
- Мислења
- 3.724
- Поени од реакции
- 1.333
Владата очекува јужната трибина на стадионот „Филип Втори“ да биде готова со реновирање до месец август, а градбата на источна и западна трибина да заврши околу Нова година.
Ова го констатираше премиерот Никола Груевски, кој денeска беше во посета на стадионот за да виде како тече неговата изградба.
„Значи во оваа фаза се градат источната и западната трибина, се реновира јужната трибина во целост, се менува кровот, се поправаат соблекувалните тоалети и се друго што е поврзано со едно комплетно и целосно реновирање на јужната трибина. Работите се одвиваат добро, градежната форма го држи она темпо кое беше предвидено, надзорот исто така внимателно ја следи работата, така што очекуваме јужната трибина да биде реновирана до месец август, ,а источната и западната трибина да бидат завршени некаде околу нова година, кога и ќе се пуштат во употреба“ изјави Груевски.
Со изградбата на овој капацитет, националната арена ќе има некаде околу 34.000 седишта и ќе биде место каде, според Груевски, ќе се одржуваат крупни спортски настани, како фудбалски, така и музички.
Изградбата на стадионот ја финансира владата преку Јавното претпријатие за станбен и деловен простор.