Фан Клуб на C.F. Real Madrid
24 mins ·
Во пресрет на Класико - Реал најефикасен, Барселона без примен гол во Ла Лига
Реал е моментално со гол разлика 30-9, или +21, а Барселона има перфектни 22-0 во Ла Лига. Не треба да потсетуваме дека разликата на врвот на табелата е 4 бодови, односно 22 наспрема 18. Она што го посакувавме, тоа и се оствари - Барселона без примен гол во Ла Лига доаѓа на Бернабеу. Што се однесува до мене, ПРЕКРАСНО !! Сега, во сабота, се помалку од минимум 3 дадени голови на Барселона, ќе го сметам за огромен неуспех за Реал Мадрид. Минимум 3, а сметајќи ја формата на Реал на последните натпревари, дури и 4 реално.
Тешко е да се очекува Реал да остане без примен гол против Барселона, но затоа треба да им даде едно 3-4 во Класико. И нормално да се оствари победа и 3 бодови. Тоа е единствена опција. Ако се случи било што друго, ќе го сметам тоа за огромен, огромен неуспех и голема катастрофа, како за Реал, така и за Анчелоти. Едноставно мора веќе да се победува, после таа серија ужасни резултати со Барселона и Атлетико, во Ла Лига пред се.
Формата од последните натпревари е прекрасна, се е топ, но сега на натпреварите со Ливерпул и Барселона треба да се продолжи во исто темпо, а не да има нови регресии, како во минатото. И претходно Реал мелеше се пред себе во Ла Лига, па ќе дојдеше некое дерби и тука ќе запреше. Сега веќе апсолутно нема простор за такво нешто. Гледаме каква среќа имаат каталонците, како си се провлекуваат постојано и си собираат бодови и кога не играат добро. Реми на Класико во сабота ќе значи огромен чекор назад во Ла Лига, а нов евентуален пораз ќе значи речиси крај на сите шанси за титулата. Едноставно така одат работите во Ла Лига....негатива од 5-6 бодови е достижна, но 7-8 бодови, тоа е веќе симптоматично. Над 8 бодови не е достижна предност за никоја екипа, ниту пак ќе биде некогаш.
Треба да се земе за пример дуелот ПСЖ - Барселона, каде што францускиот шампион ја уништи Барселона, која рака на срце за мене има многу нестабилна одбрана. Лесно можеа да им дадат и 4-5 голови. Одбраната е полна со пропусти и дупки, а тие 0 примени голови во Ла Лига се голема илузија. Заради тоа, очекувам повеќе голови во нивната мрежа следната сабота на Класико. Тука треба да се искористат сите слабости на Барселона и да се освојат 3-те бода на Класико. Затоа што доста ни е веќе од голеади против помали екипи, потребни ни се резултати против директните ривали за освојување на Ла Лига. Затоа што ова е Реал Мадрид, најдобриот клуб на светот !! А Реал Мадрид не смее да си дозволи себеси да има 1 титула во Ла Лига во последните 7 години. 33-тата Ла Лига мора да биде освоена во мај !! HALA MADRID Y NADA MAS !!
Се си е на место, од збор до збор. Се освен победа е рамно на огромен неуспех. Мора да бидат подисциплинирани и поагресивни во дефанзива па дури и ако губат. Оваа утакмица ќе биде клучна и ќе го трасира патот по кој Реал ќе оди до крајот на сезоната во сите такмичења.