Dani
1 + 1 = 10
- Член од
- 22 јуни 2010
- Мислења
- 24.034
- Поени од реакции
- 57.162
Ова натпреварување за прв пат се играло сезоната 1971/72 (тогаш како Куп на УЕФА) и прв освојувач на истото е англиски Тотенхем.
Во текот на својата историја претрпе повеќе промени, а сезоната 2009/10 беше ребрендирано во Лига Европа.
Лига Европа е второто најголемо фудбалско натпреварување во Европа после Лигата на Шампиони.
Сезонава ќе го следиме нејзиното 5то издание, кое ќе започне на 19ти септември.
Натпреварувањето се состои од 48 екипи поделени во 12 групи.
Во наредната фаза од Лига Европа продолжуваат најдобрите две екипи од секоја група, а на нив им се приклучуваат и 8те трето пласирани екипи од групната фаза во Лигата на Шампиони.
Најтрофејни екипи во ова натпреварување се Јувентус, Ливерпул и Интер со по 3 титули, а после ребрендирањето како најуспешна екипа се покажа Атлетико Мадрид која успеа 2 пати да го подигне трофејот (2010 и 2012та година).
Актуелен освојувач на ЛЕ е Челзи, кој во финалето 2012/13 успеа да ја совлада Бенфика со резултат 2:1.
Бидејќи Челзи годинава игра во ЛШ, титулата може да ја одбрани само доколку заврши како трето пласирана екипа во својата група.
Овогодинешното финале ќе се одигра на 14 мај на "Јувентус Стадион" во Торино
Овој стадион е изграден септември 2011 година на местото на Деле Алпи, а неговата изградба чинеше 120 милиони евра
Има капацитет од 40 823 гледачи, а димензиите му се 105х68 метри
За жал нема да имаме македонски претставник на ова натпреварување.
Екипите на Тетекс и Металург беа елиминирани уште во првото квалификационо коло, а Хоризонт Турново загуби во второто коло од Хајдук Сплит со вкупен резултат 3-2 во полза на Хрватите.
За разлика од минатата сезона, оваа сме послаби и со македонски фудбалери кои ќе настапуваат во ова натпреварување.
Бојан Марковски (Аполон), Агим Ибраими (Марибор), Мухамед Демири (Сент Гален) и Гејтан Зута (Тун) се единствените наши фудбалери кои ќе ги гледаме во ЛЕ.
Денес беа извлечени групите и тие ќе изгледаат вака:
Некои тешки групи нема годинава. Очекувам да нема некои големи потешкотии за фаворитите, и фазата по групи да помине без изненадувања.
Како и во ПЛ така и тука фаворити ми се Свонси, но групата која ја добија не ми се допаѓа баш
Кубан и Сент Гален се солидни екипи, но мислам дека нема да биде проблем за Бони и Мичу да им ги наполнат мрежите
Друго што да ви кажам ? Останува уште да го чекаме почетокот на ЛЕ, а до тогаш слободно можете да го критикувате воведот
.
Иначе во право си за тоа дека од 1/4 финале се гледа, ја дури од 1/2 финале ја гледам хахах.... 
