Еве ги одредбите од Законот за тутун:
Член 6 Со производство на тутун можат да се занимаваат физички и правни лица (производители) врз основа на договор за производство и откуп на тутун склучен со правен субјект регистриран за откуп и обработка на тутун (откупувач). Член 7 Производителот пред да склучи договор за производство и откуп е должен да го пријави производството на тутун од производната година најдоцна до 1 март во тековната година во подрачната единица на Министерството за земјоделство, шумарство и водостопанство според местото на производство. Подрачната единица на Министерството за земјоделство, шумарство и водостопанство на еден член од семејството - производител на тутун му издава заверен картон за сите катастарски парцели на кои ќе произведува тутун. Министерот за земјоделство, шумарство и водостопанство ги пропишува образецот, содржината и начинот на издавање на картонот од ставот 2 на овој член. 3
www.pravdiko.com Член 8 Производителите на тутун се должни да употребуваат сертифициран семенски материјал (семенски материјал) од откупувачите на тутун, а обезбеден од регистриран производител на тутунско семе, согласно со закон. Откупувачот е должен репроматеријалот (семенски материјал и заштитни средства), да ги обезбеди без надоместок на тутунопроизводителите. Член 9 Откупувачот на тутун е должен секоја производна година до 30 јуни до подрачната единица на Министерството за земјоделство, шумарство и водостопанство одговорна за подрачјето на производството, да го пријави договореното производство на тутун за тековната реколта. Министерот за земјоделство, шумарство и водостопанство го пропишува начинот на пријавувањето, формата и содржината на образецот на пријавата за договореното производство на тутун. Министерството за земјоделство, шумарство и водостопанство води евиденција за договореното производство на тутун, за тековната реколта. Член 10 Производителот на тутун е должен, целокупниот произведен тутун да го продаде на откупувачот со кој склучил писмен договор за производство и откуп на тутун, а откупувачот е должен да го откупи истиот, под условите предвидени со договорот. По исклучок од ставот 1 на овој член производителот може да го продаде тутунот на друг откупувач ако договорот е раскинат под условите предвидени со овој закон. III. ДОГОВОР ЗА ПРОИЗВОДСТВО И ОТКУП НА ТУТУН Член 11 За производство на тутун, производителот склучува договор за производство и откуп на тутун (договор) со откупувачот на тутун. За производство и откуп на тутун за една производна година и едно исто производство, производителот не може да склучи договор со повеќе откупувачи. Член 12 Договорот се склучува во писмена форма. За содржината на договорот, откупувачот е должен да побара мислење од највисоката асоцијација на тутунопроизводителите. Откупувачот не смее да склучува договор за количини на тутун за кои производителот има склучено договор со друг откупувач за една производна година и едно исто производство. Секој откупувач во заверениот картон на производителот го впишува и заверува со печат бројот на договорот и договорената количина. Со производителот кој ќе нема заверен картон од подрачната единица на Министерството за земјоделство, шумарство и водостопанство не може да се склучи договор. Договорот се склучува најдоцна до 31 мај во тековната година. 4
www.pravdiko.com Член 13 Договорот од членот 12 на овој закон особено содржи: - договорни страни, - предмет на договорот (површина, катастарски парцели, тип, сорта), - откупна цена на тутунот по класи, - времетраење на договорот, - права и обврски на договорните страни, - начин и рок на исплата на откупениот тутун, - одредби за еднострано раскинување на договорот, - одредби за пренос на договорот, - одредби за евидентирање на договорот, - место и време на склучување на договорот, - авансот и начинот на авансирање и - заштита на тутунскиот расад и тутунот на нива од болести и штетници. Член 14 Авансот од членот 13 на овој закон не може да биде понизок од 15% од просечната откупна цена за договорениот тип постигната во претходната година. Авансот од ставот 1 на овој член се засметува при исплатата на откупениот тутун. Начинот на авансирање на производството се регулира со договорот. Член 15 Договорот се склучува за годишната реколта, а може да биде склучен и за повеќе производни години. Доколку договорот е склучен за повеќе производни години за секоја производна година, правата, обврските и другите прашања се уредуваат со анекс на договорот за производната година. Член 16 Преносот на договорот направен од едната или другата страна е полноважен, ако со тоа се сложи страната која останува во договорот. Согласноста за преносот на договорот е полноважна, ако е дадена во писмена форма. Преносот на договорот од ставот 1 на овој член се пријавува во подрачната единица на Министерството за земјоделство, шумарство и водостопанство одговорна за подрачјето на производството. Член 17 Договорот престанува: - со исполнување, - со истекот на времето на кое е склучен, - со заемна согласност на договорните страни, - со еднострано раскинување и - по сила на законот. 5
www.pravdiko.com Член 18 Производителот и откупувачот може еднострано да го раскинат договорот под услови и на начин определени во договорот. Производителот има право да го раскине договорот, ако за откупувачот има отворено стечајна постапка или е под стечај или е во ликвидација. Раскинувањето на договорот од членот 17 алинеја 3 и ставовите 1 и 2 на овој член, про- изводителот и откупувачот го пријавуваат во подрачната единица на Министерството за земјоделство, шумарство и водостопанство одговорна за подрачјето на производството. Подрачната единица на Министерството за земјоделство, шумарство и водостопанство одговорна за подрачјето на производството, во картонот го впишува и заверува со печат раскинувањето на договорот. Член 19 За штетата и нејзиниот надомест кој настанува поради едностраното раскинување на договорот се одговара според општите правила за одговорност на штета.
http://www.pravdiko.mk/wp-content/uploads/2013/11/Zakonot-za-tutun-i-tutunski-proizvodi-21-02-2006.pdf