Вчера еден мој другар го осудија. Поднесокот го дал на почетокот на самото судење дирекно на рака на судиката. Судиката, му го дала поднесокот на адвокатот и го прашала адвокатот дали веднаш да почне расправата, а тој рекол да. И почнала расправата. Мојот другар велел дека е сиромашен дека топлификација ништо нему дала, дека кај него не поминуваат цевки и тн но го осудија
Не правете ваква грешка
Поднесокот дајте го, пред почетокот на судењето, во архива на шалтер 1 и 2. На самото судење, кажете сте поднеле поднесок кој има нови докази и барања и барате судењето да се одложи се додека судот и тужителот не се изјаснат за новите докази и барања.
Ако запнат веднаш да Ве судат речете дека ќе си одите ако судот и тужителот ги игнорираат Вашите докази. И ако и понатаму инсистираат да се одржи рочиштето станете и напуштете го судењето ( одете си ): Обавезно земете со Вас некој пријател или роднина и тој нека остане да слуша што ќе зборуваат
Немојте да се надевате ако кажете ова или она ќе Ве ослободат. Тие имаат наредба од властодршците сите да не осудат. Немојте да се надевате на милост. Власта застана на страната на криминалците а криминалците немаат милост.
Наша шанса е да одолговлекуваме и да дочекаме подобри времиња
Ако немате поднесок, пишете ми на ПП и ќе ви пратам
Еве уште два поднесоци. Тоа се броевите 8 и 9. Едниот е за спојување на предметите, а вториот е за одлагање поради болест
Уште еднаш - не дозволувајте да Ве осудат на секој начин барајте одлагање
.......................................................................
Број на предметот ( бројот на Вашиот предмет )
ДО ОСНОВНИОТ СУД СКОПЈЕ 2 – СКОПЈЕ
ТУЖИТЕЛ: Снабдување центар ДООЕЛ , Скопје
ТУЖЕН: ( Ваше име и презиме и адреса ), Скопје
ВРЕДНОСТ: ( вредност од Вашиот предмет ) денари
ПРЕДМЕТ: Долг
ПОДНЕСОК број 8 ОД ТУЖЕНИОТ
Со овој Поднесок,Тужениот, се повикува на член 299 од ЗПП и бара спојување на овој предмет со предметот ( Бројот на другиот предмет ) кој пред овој Суд истовремено се води
Член 299 од ЗПП гласи:
(1) Ако пред ист суд течат повеќе парници меѓу исти лица, или во кои исто лице е противник на разни тужители или разни тужени, сите овие парници можат со решение на советот да се спојат заради заедничко расправање, ако со тоа би се забрзало расправањето или би се намалиле трошоците. За сите споени парници судот може да донесе заедничка пресуда.
(2) Советот може да определи заради заедничко расправање пред него, да се спојат повеќе парници и тогаш кога за некои од нив е надлежен судија поединец на истиот суд.
(3) Советот може да определи одвоено да се расправа за одделни барања во иста тужба и по завршувањето на одвоеното расправање да донесе посебни одлуки за тие барања.
Овие два предмети се однесуваат на иста работа – Тужителот бара Тужениот да му плати бидејќи е наводно „ исклучен “. Двата предмети се во иста фаза – сеуште не е почната главната расправа. Во двата предмети ќе се предлагаат и изведуваат исти докази и ќе се сослушуваат исти сведоци. Во двата предмети ќе се врши увид на исто место и за исти работи. Тужениот во двата предмети е ист, а Тужителот е различен. Во едниот предмет Тужител е Снабдување со топлина Балкан Енерџи, ДООЕЛ , Скопје, а во другиот Снабдување Центар, ДООЕЛ , Скопје.
Ако се водат паралелно овие две парници раздвоено, сосема непотребно ќе се зголемуваат трошоците и ќе се успорува расправата и донесувањето на пресудата.
Затоа Тужениот предлага и бара овие два предмети да се спојат во еден, согласно член 299 од ЗПП.
Во Скопје,06. 11. 2014 Тужен, ( Ваше име и презиме )
...................................................................................................
Број на предметот ( бројот на Вашиот предмет )
ДО ОСНОВНИОТ СУД СКОПЈЕ 2 – СКОПЈЕ
ТУЖИТЕЛ: Снабдување центар ДООЕЛ , Скопје
ТУЖЕН: ( Ваше име и презиме и адреса ), Скопје
ВРЕДНОСТ: ( вредност од Вашиот предмет ) денари
ПРЕДМЕТ: Долг
ПОДНЕСОК број 9 ОД ТУЖЕНИОТ
Со овој Поднесок,Тужениот, се повикува на член 280 став 2 од ЗПП и дава оправдување дека, од здравствени причини не е во состојба да присуствува на рочиштето кое закажано ( датум и време кога е закажано рошиптето ) за овој предмет и бара негово одлагање.
Член 280 од ЗПП гласи:
(1) Ако на првото рочиште за главна расправа, како и на некое подоцнежно рочиште не дојде тужителот кој уредно е поканет, а изостанокот не го оправдал, тужбата се смета за повлечена согласно со членот 277 став (1) од овој закон.
(2) Ако на првото рочиште за главна расправа не дојде тужениот, а изостанокот не го оправдал и нема услови за донесување на пресуда поради изостанок, како и кога на некое подоцнежно рочиште ќе изостане тужениот, расправата може да се одржи.
Веќе неколку дена, Тужениот, болува од стомачен вирус и има пролив и температура ( ако имате лекарска белешка или сте болни од некоја сероизна болест напишете ја неа, а ако немате пишете имате пролив па нека дојдат да проверат и помирисаат )
Поради оваа болест, Тужениот не е во состојба да присуствува на рочиштето и бара тоа да се одложи. Истовремено го моли Судот да го извести за новиот термин за одржување на рочиштето.
Во Скопје,06. 11. 2014 Тужен, ( Ваше име и презиме )