Ова што ти го наметнуваш како прашање беше кажано од страна на Фросина Ременски, привремениот технички министер. И беше одговорено и од тогаш не слушнав да искоментира нешто.
Kлучот е во начинот на кој се мерат, и влезните параметри кои се земаат в предвид, па така бројот на вработени и невработени на различен начин ги бројат Агенцијата за вработување и заводот, но и Пензискиот фонд. Тоа е стара тема која во моментов низ политички поенти ја наметнува актуелната техничка министерка за труд и социјална политика од редовите на СДСМ. Прашање е дали нејзините изјави се навистина дел од политичката игра за да се замајува јавноста или, пак, го покажуваат нејзиното незнаење.
Kако и да е, работите се кристално јасни. Имено во Македонија, Државниот завод за статистика е најголемата статистичка институција и собира и објавува податоци за сите области од животот по стандарди кои моментно важат во Европската Унија. Невработеноста и вработеноста се мерат со анкета на работна сила, на секои три месеци на репрезентативен примерок. Во резултатот се објавува активното и пасивното население и стапката на невработеност – ама вработен е и тој што месецот работел и само еден час. Агенцијата за вработување, пак, како невработени ги смета сите кои месечно им тропаат на врата и се регистрираат како невработени. Нив им течат законски рокови за пререгистрација – ако прескокнат ќе бидат избришани (за потсетување - најголем дел од бришењето беше направено кога СДСМ беше на власт). Тоа што некој задоцнил и не се пријавил, а некој се иселил па не може да се пријавува, секако влијае на бројот на регистрирани невработени, број кој со годините се намалува бавно. Но ова во никој случај не е податок кој е основа за споредба и база за тврдење дека измерената (сега од Државниот завод за статистика), стапка на невработеност од 25,5 проценти во третиот квартал е можеби последица на нереален процес, како што некој функционер сега се обидува да го наметне.
руг јасен факт е разликата што се јавува кога се споредуваат бројките за бројот на вработени кој го објавува ПИОМ и тие на Државниот завод за статистика. Пензиски придонеси не се плаќаат за хонорарците, за ангажираните со договор на дело, за земјоделците кои земаат паушал. Затоа за нив никако не може да се најдат податоци во пензискиот фонд, а статистиката на Државниот завод ги мери и нив, па излегува дека оваа институција избројала повеќе вработени.