Не сум некој експерт по економија, но 50% извоз во зона каде нема царина и одеднаш се појавува царина, не ќе да е на арно.
За земјите што увозуваат, скоро секогаш се наоѓа алтернатива, многу потешко е за тие што извозуваат да најдат алтернатива. Многу позаебано ако тоа е 50% од целиот извоз.
Тоа што контролирале 50% (мислам дека е многу повеќе) од светот е минато. Заврши пред 50-100 години. Одамна Британија не е фактор што одлучува.
Другите делови од постот не можам да ги коментирам затоа што немам познавања во таа област, не знам како тие долгови и каматни стапки влијаат врз евентуален распад на ЕУ, немам ништо опипливо да ги споредам со други земји и економии итн.
Во видеото можеби го пропушти делот кај што вика дека влегле во ЕУ за да ја распаднат ЕУ одвнатре.
Инаку се согласувам дека раздели па владеј е стратегијата која Британија со векови па се до пред 50 години, а потоа САД оттогаш па наваму ја употребуваат за превласт во светот.
Но токму тоа е проблемот, Британија внатре во ЕУ има каде поголемо влијание врз Европа отколку надвор од ЕУ. Излегувањето од ЕУ е комплетно нелогичен потег од нивна страна.
Ако Британија излезе од ЕУ ќе им направат огромна услуга на Русите, имајќи предвид дека Британците беа главната кочница во ЕУ-Русија односите. Тоа не им одговара ни на Британците, ни на Американците. Оттука, настрана економии, долгови и имигранти, загубата за Британија и САД ќе биде огромна, неспоредливо поголема од тоа што економијата ќе го претрпи. Од стратешки аспект тоа е недозволиво, најмногу за САД и мое мислење е дека ќе има обиди да се спречи излезот на Британија од ЕУ.