Она што го зборев почна да се остварува. Со други зборови не ви се мешаме во внатрешните работи АМА..... Ова АМА подразбира закани од различен вид кои ги навести Ангела Меркел како главен ментор на Грција за сега да следат од разноразни функционери во европските институции како и премиери или претседатели на некој повлијатели земји членки во ЕУ. Исто така зборував за неможноста за ислегување од ЕУ и Еврозоната кога еднаш ќе се фатите на ОРОТО. Старите велат „на сила убавина не бива„ па така на сила нема да ја биде ни ЕУ. Им се закануваа на Хрватите, им се закануваа на Шкотите, еве сега им се закануват и на Грците. Прашање е само колку долго ќе можат да опстанат со закани?
ЕК до Грција: Членството во Еврозоната е неотповикливо
Европската комисија нема официјално да поддржи ниту една од политичките опции во Грција на предвремените парламентарни избори закажани за 25-ти овој месец, ниту ќе се обиде да се вмеша во политичката борба во оваа земја-членка на Европската унија, јавува МИА.
Ова го истакна портпаролот на Еврокомисијата, Маргаритис Схинас, кој, цитирајќи го Член 140, параграф три од Договорот на ЕУ, ниту една земја што ќе го усвои еврото како официјална валута, потоа не може да излезе или да биде исфрлена од Еврозоната.
- Членот 140, параграф три од Договорот на Унијата е јасен дека членството во Еврозоната е неотповикливо – истакна гласноговорникот на неформалната Влада на ЕУ.
Според Аника Бреидхарт, портпарол на Европската комисија задолжена за економски раст, вработување, инвестиции, Еворпската монетарна унија и Европски семестер, ЕК нема да коментира никакви гласини или шпекулации на извештаи поврзани со тоа дали Грција ќе излезе или не од еврозоната, зависно од тоа која опција ќе победи на парламентарните избори. Таа се повика на изјавата на еврокомесарот Пјер Московиси, дадена на 29-ти декември година, каде во име на Еврокомисијата, тој рече дека иднината на Грција е во рацете на грчките гласачи и како тие ќе одлучат на 25-ти јануари.
- Ние не шпекулираме и наспроти шпекулациите, на 1-ви јануари ја примивме Литванија како 19-та членка во Еврозоната и очекуваме еврото уште повеќе да се шири. Еврото е тука да опстане, ја докажа својата опстојност и нема понатаму што да се каже, чекаме како ќе гласаат грчките гласачи на 25-ти овој месец, истакна портпаролката Бреидхарт.
Гласноговорничката на еврокомесарот Московиси одби директно да одговори дали Комисијата е подготвена да преговара за нови услови со Грција во однос на мерките за штедење, посочувајќи дека за тоа ќе се разговара по гласањето во Грција. Причината е што партијата Сириза на Алексис Ципрас, која води на анкетите кај нашиот јужен сосед, инсистира на тоа дека доколку состгави Влада на Грција ќе инсистира на нов договор со финансиската Тројка, што, пак, може да доведе до Гркзит (излегување на Грција од Еврозоната).
И покрај ваквиот став на Европската комисија, јасно е дека постои сериозна загриженост во Брисел од исходот на грчките парламентарни избори и можното доаѓање на власт на опцијата на Ципрас која е за нов договор со меѓународните кредитори што досега и позајмија речиси 400 милијарди евра на Грција.
Сепак, и според првиот портпарол на Еврокомисијата, за разлика од претседателските избори на кои претседателот на ЕК, Жан-Клод Јункер, отворено застана зад кандидатурата на екс-еврокомесарот Ставрос Димас (кандидат на владејачката Неа Демократија на премиерот Андонис Самарас), сега неформалната Влада на Унијата не планира да фаворизира ниту една грчка партија, иако е јасно дека ЕУ посакува да опстане сегашната Влада предводена од Самарас, поради тоа што истата се придржува кон насоките на меѓународните кредитори.
http://netpress.com.mk/ek-do-grcija-chlenstvoto-vo-evrozonata-e-neotpoviklivo/