Во прилог на моите тези колку добро би било Македонија да изгради сопствена нуклеарка ви го доставувам и ова:
Сите сакаат да градат нуклеарки во Албанија
Во време кога земјата се соочува со најтешката енергетска криза и бара разни можности за изнаоѓање алтернативни извори на енергија, до владата во Тирана пристиганале барања за изградба на нуклеарки на нејзина територија, јави тиранската телевизија Топ-ченел. Лично премиерот Сали Бериша, иако не го соопшти името, призна дека една од најпознатите компании за производство на апарати и машини за нуклеарни централи го избрала пристанишниот град Драч.
Од неговиот кабинет потврдуваат дека до владата има доставено повеќе барања за изградба на нуклеарни централи. Зана Гуџоли, советник по економски прашања на премиерот, за Топ-ченел потврди дека француската фирма „Суез“ има доставено барање за изградба на ваков објект, но дека барања има и од американски, како и компании од азиските земји. Според Гуџоли, иако француската понуда е комплетна, во споредба со другите, владата се' уште нема заземено став, бидејќи реализацијата на еден ваков проект бара голема ангажираност на човечки и финансиски потенцијал. Тука секако е и опасноста што доаѓа од ваквите објекти. Според експертот за животна средина, Сазан Хури, една хаварија во вакви објекти, како последица носи катастрофа. Според експертите, моментално Албанија не е подготвена за изградба на ваков објект, иако вели Гури, земјата за такво нешто се подготвувала во 1990 година, кога на специјализација за нуклеарни централи упатила и свои експерти. Тој додава дека, доколку би се изградила нуклеарката, за што нема потреба, би произведувала илјада мегават- часови електрична енергија, што е еднакво на десет термоцентрали, како што е онаа што треба да се гради во Валона.