Да ја освежиме малку темава...
Школка од авион што била дел од Првата или од Втората светска војна поставена на осветлена импровизирана писта долга стотина метри, го краси кејот во Аеродром, во правец од мостот „Близнак“ кон Ново Лисиче. Импровизираното аеродромско катче е осветлено со канделабри, а го разубавува и урбана опрема.
Изградбата на ова несекојдневно катче градоначалникот Ивица Коневски ја правда со симболиката на општината некогаш и сега.
„Речиси сите знаат дека некогаш во овој реон постоел аеродром, а и општината денеска го носи токму тоа име, па оттука и идејата за изградба на ваков симболичен парк, кој ќе се вика Централ парк“, вели Коневски.
Пистата, која странично е осветлена, а поплочена со бехатон-плочи е долга стотина метри и служи како шеталиште. Во околината е засадено зеленило, кое се наводнува со современ електричен систем за наводнување. Според Коневски, со изградбата на ова катче не само што општината добива уште едно рекреативно собиралиште туку и локацијата, која беше дива депонија стана минато.
Превземено/изменето од build.mk