Месото што се пушта во малопродажба во Македонија, дури и кога го има поминато легалниот пат на процесот на производство, не е секогаш од сосема здрави животни, пишува дневниот весник „Вест“.
Во денешниот број весникот наведува дека некои од животните имаат рак на црниот дроб, други на цревата и други внатрешни органи, или пак се заболени од леукозни и и туберкулозни болести. Бидејќи не станува збор за заразни заболувања, при колењето на овие животни им се отстрануваат заболените органи и се уништуваат, а останатите делови од трупот кои не се метастазираат или не се зафатени од друга болест, се пуштаат во промет.
Според извештајот на Агенцијата за храна и ветеринарство, за заклани животни и добиено месо лани ветеринарните инспектори во легалните кланици во државата конфискувале над 481 тон заболени дропчиња и цели трупови. Најмногу неупотребливо месо и органи имало кај свињите и прасињата, над 48 тони. Закланите телиња биле речиси здрави, со само 151 килограм неупотребливо месо и органи, а од говедското нездраво било над три тона од месото и внатрешните органи.
Онколози за весникот велат дека не постои медицински доказ за тоа дека може да се добие рак ако се јаде месо заболено со карцином, но истовремено велат дека не постои ниту студија што го негира тоа. Апелираат да не се купува месо заклано по дворови, бидејќи тоа не го видел инспектор, ниту пак пред колењето некој ветеринарен доктор го прегледал животното.
Директорот на Клиниката на онкологија, д-р Милан Ристески предупредува дека опасност од пренесување на канцерогени клетки постои само кога месото што се јаде не е добро термички обработено.
Според онколозите, пишува весникот, можностите за заболување од карцином на дебелото црево се поголеми кај оние луѓе кои почесто и во поголеми количини јадат месо бидејќи секундарните жолчни соли кои се создаваат при разградувањето на храната подолго од вообичаеното се задржуваат во дебелото месо. Поради тоа и Светската здравствена организација препорачува црвеното месо да се јаде еднаш неделно.
+
Ги имате ли овие отровни производи дома?
Многу од производите кои ги користите во домот се опасни по вашето здравје, посебно доколку ги користите често и долг период. Кои од нив ги користиме најчесто, а не би требало? Време е да направите сериозни промени.
Пуканки за микробранова
Иако се вкусни, овие пуканки содржат штетни хемиски супстанци кои се поврзуваат со низа болести, вклучувајќи ги и најопасните - карциномите. Пуканките сами по себе не се штетни, посебно доколку ги подготвувате оние кои се органски одгледани и тоа на масло кое поднесува високи температури. Но, овие за микробранова треба да ги избегнувате.
Антибактериски сапуни
Триклосанот, хемискиот пестицид кој е составен дел од антибактериските сапуни, се поврзува со оштетувањата на штитната жлезда и хормоните, како и со разни инфекции. Наместо антибактериски сапуни, одберете ги обичните кои со редовна и правилна употреба ќе ги исчистат вашите раце одлично.
Хемиски отрови
Можеби си мислите дека не ги користите во вашето домаќинство, но размислете уште еднаш. Хемиските отрови се спрејовите против инсекти, средствата за чистење на печка, како и разните прашоци против мравки или лебарки. Сето ова е исклучително штетно и отровно, па подобро одберете природни производи кои ќе ја завршат задачата. Можеби ќе им треба повеќе време и се поскапи, но нема да ве разболат.
Облека која не се гужва
Идејата за облека која не мора да ја пеглате бидејќи не се гужва звучи одлично, но таквата облека е отровна. Содржи формалдехид кој лошо делува на здравјето и предизвикува разни болести, па дури и карцином. Подобро да ја земете пеглата во раце и да ја избегнувате ваквата облека.
Освежувачи на воздухот
Без разлика дали станува збор за оние во спреј или оние кои се приклучуваат на струја, освежувачите за воздух не се пријателски. Содржат низа хемикалии кои, замислете иронија - всушност го загадуваат воздухот. Овие хемикалии се поврзуваат со појава на карцином, астма, алергии и хормонални пореметувања. Наместо освежувачи за воздух, отворете ги прозорите и пуштете да влезе свеж воздух.
Садови за кои не се лепи храната
Садовите со дно на кое не се лепи храната се хит бидејќи лесно се чистат, но опасни се за здравјето. Содржат хемикалии кои се исклучително канцерогени и доколку ги користите подолго време можат сериозно да ви наштетат.