...и поради влакна од животни од кои е можно да се зарази човек со некоја бактерија искрено ми е нелогично да не се мие грозјето претходно
Не секирај ама баш ИЧ од биолшки аспект. Во ферментиран продукт не преживуваат патогени организми. Поедноставно кажано, квасецот (и бенигните бактерии) со ферментацијата прават средина која ги уништува патогените организми. Ако под некоја случајност се расипе виното тоа ќе биде заради мувли и слично, но тоа секако ќе биде и тоа како видливо (и мирисливо).
Пестицидите и хербицидите се друга работа, но секој што ставал вино знае каков потфат е да измиеш повеќе стотини килограми грозје.
По муабетов се сведува дека малку од луѓето во Македонија кои прават домашно вино го прават на вистински начин, ако збориме за клинички чисто и погодено вино, јасно е зошто винариите прават најдобро вино.
Неточно.
Виното на овој начин се правело од памтивек. Винариите вклучително, никој не го мие грозјето. (освен понекој еколошки загрижен љубител кој става доволно мала количина вино, да самото миење е можно). Винариите впрочем го прават најнездравото вино, со сите сулфиди и други хемии што ги бутаат за контрола на процесот на ферментација, и заради други, помалку племенити причини.
Башка самиот поим „клинички чисто вино„, како што кажа, е оксиморон затоа што виното како ферментиран продукт во основа е пробиотски напиток. Значи богат е со живи организми (полезни се разбира), кои навистина се намалуваат кон крајот на ферментацијата заради раснењето на нивото на алкохол и намалувањето на нивната храна: шеќерите. Но освен по третман со хемии, во виното секогаш имаш барем некоја количина жив квасец (макар и во дормантна форма).
Значи никако не можеш да кажеш дека виното е „клинички чисто„.
Ако ова ти е прво ставање вино, моја препорака е да не си играш со купечки квасци и со миење на грозјето. Количината на квасец треба да е точно израчуната, квасецот не смее да е стар а треба и додатни за нутриенти/минерали за квасецеот. Најсигурно е да се прави стартер за квасецот, процедура која е релативно сложена за почетник, посебно што треба да ја направиш пар денови пред да го земеш грозјето.
Да, можеш и само да го сипеш тој квасец во грозјето и да се надеваш на најдобро... но не излегува секогаш така.
Од друга страна неизмиено грозје скоро секогаш успешно ферментира во вино. За почетник (без навреда), ова ти е убедливо најдобро решение... таман ќе имаш време за следнота сезона да прочиташ литература и да научиш повеќе. Нормално под услов да те интересира подлабоко знаење.
