- Член од
- 5 април 2012
- Мислења
- 8.122
- Поени од реакции
- 8.910
Со последните измени на уставот се овозможува отварање на посебна зона каде што ќе важат посебни закони за работењето на финансиските компании. Замислата на проектот ми е јасна, реализацијата не баш. Како и да е провладините медиуми веќе ја споредуваат Македонија со Луксембург
ФИНАНСИСКИОТ ДАНОЧЕН РАЈ ЌЕ СОЗДАДЕ НОВИ ВРАБОТУВАЊА И ПОГОЛЕМ РАСТ
На територијата на Македонија со закон се основа меѓународна финансиска зона, стои во текстот на нацртот на еден од амандманите за измена на Уставот на државата, кој веќе ја помина комисиската расправа во Собранието. Познавачите што ги консултиравме велат дека Македонија може да има само полза од формирањето ваква зона.
- Зоната ќе работи по меѓународни стандарди и таму ќе се применуваат посебни правни прописи, освен законите од областа на кривичното право. Мислам дека е предвидено зоната да донесе акти со кои ќе се регулира контрола на перењето пари, па оттука сметам дека ако биде вака поставена, таа ќе биде безбедна и сигурна за идните инвеститори. Ползата за државата ќе биде тоа што ако се привлечат големи меѓународни финансиски институции да основаат свои компании тука, тие ќе донесат и знаење на нашата територија. А нивните инвестиции веднаш значат и нов капитал, и тоа во недвижнини, резиденцијални комплекси, ИТ-компании, адвокатски компании, големи ревизорски друштва, а тоа е добро за домашната економија - вели Борче Треновски, професор на Економски факултет.
Неговиот колега од Американ колеџ, Драгољуб Арсовски, се согласува дека Македонија може да добие многу ако на своја територија формира ваква зона. Вели дека на почетокот е важно зоната да се промовира добро и да биде добро поставена за да им докаже на инвеститорите дека инвестираат на сигурно место.
- Зоната треба да понуди на почетокот сигурност за да може на долг рок да се развива, со што значајно ќе придонесе за вкупниот економски развој во земјата. Затоа сега важни се законските норми кои ќе се донесат во самата зона, по што треба да се промовира за да може во неа да инвестираат можни финансиски институции каков што е и замислениот концепт. Важно е да се разбере дека не станува збор за офшор-зона, туку место каде што ќе има само даночни олеснувања за инвеститорите, а јасно ќе се испитува потеклото на парите и ќе се следат законите за спречување перење пари - вели Арсовски.
Ни блиску до офшор
Тој нема дилема дека во зоната мора да има високи стандарди на работа за какви веќе зборуваа владините претставници. Замислата е во зоната да се привлечат банки, инвестициски фондови и корпорации, кои овде ќе имаат даночни олеснувања, но нема да смеат да се отвораат компании без да работат и да вработуваат, а влегувањето во т.н. сива зона ќе се избегне со доследно почитување на законите. Според вицепремиерот и министер за финансии Зоран Ставрески, финансиската зона е замислена како концепт во насока на искористување на трендот во меѓународните финансии според кој сега најголемите корпорации бараат дестинации каде што ќе ги минимизираат трошокот и ризикот. Ставрески е категоричен дека не станува збор за зона по примерот на офшор-дестинациите во светот каде што се овозможува за даночни потреби да се регистрираат компании и банки, а кои, освен регистрацијата, немаат никаква поврзаност со дестинацијата.
- Македонија има географска локација што е извонредно поволна во Европа, даночни поволности што во моментов ги нуди за фирми што работат во слободни зони и на сличен начин би биле дефинирани во оваа финансиска зона и има квалитетна работна сила што може да одговори на потребите на една финансиска зона. На тој начин би имале корист во две насоки: прво, во насока на етаблирање на земјата во меѓународната финансиска мапа како дестинација во која би работеле меѓународни банки, инвестициски фондови и корпорации и, второ, креирање работни места, што во случајов би биле работни места со повисока дополнителна вредност, односно работни места што ќе креираат и поголем ефект врз БДП - изјави Ставрески.
Тој вели дека зоната се формира по примерот на Луксембург во Европа, но дека во последно време финансиските услуги таму стануваат скапи исто како и тие во Швајцарија, па со тоа се остава простор за Македонија.
НАЈПОЗНАТА Е ФИНАНСИСКАТА ЗОНА ВО ДУБАИ
Kако најпозната слободна финансиска зона, која функционира од 2004 година, е онаа лоцирана во Дубаи во Обединетите Арапски Емирати. Има вкупна површина од 44 хектари и свој легален систем, судови одвоени од тие во самата земја со јурисдикција на корпоративните, комерцијалните и граѓанските работи во зоната. Зоната обезбедува платформа за бизнис и за финансиските институции кои сакаат да имаат пристап на брзорастечките пазари. Во зоната тие имаат нула данок за профитот, немаат рестрикции за странска размена на капитал или префрлување на профитот, добиваат оперативна поддршка и други бизнис-олеснувања од земјата. Во зоната функционираат и неколку хотели, кафетерии, културни галерии...
превземено од Дневник
ФИНАНСИСКИОТ ДАНОЧЕН РАЈ ЌЕ СОЗДАДЕ НОВИ ВРАБОТУВАЊА И ПОГОЛЕМ РАСТ
На територијата на Македонија со закон се основа меѓународна финансиска зона, стои во текстот на нацртот на еден од амандманите за измена на Уставот на државата, кој веќе ја помина комисиската расправа во Собранието. Познавачите што ги консултиравме велат дека Македонија може да има само полза од формирањето ваква зона.
- Зоната ќе работи по меѓународни стандарди и таму ќе се применуваат посебни правни прописи, освен законите од областа на кривичното право. Мислам дека е предвидено зоната да донесе акти со кои ќе се регулира контрола на перењето пари, па оттука сметам дека ако биде вака поставена, таа ќе биде безбедна и сигурна за идните инвеститори. Ползата за државата ќе биде тоа што ако се привлечат големи меѓународни финансиски институции да основаат свои компании тука, тие ќе донесат и знаење на нашата територија. А нивните инвестиции веднаш значат и нов капитал, и тоа во недвижнини, резиденцијални комплекси, ИТ-компании, адвокатски компании, големи ревизорски друштва, а тоа е добро за домашната економија - вели Борче Треновски, професор на Економски факултет.
Неговиот колега од Американ колеџ, Драгољуб Арсовски, се согласува дека Македонија може да добие многу ако на своја територија формира ваква зона. Вели дека на почетокот е важно зоната да се промовира добро и да биде добро поставена за да им докаже на инвеститорите дека инвестираат на сигурно место.
- Зоната треба да понуди на почетокот сигурност за да може на долг рок да се развива, со што значајно ќе придонесе за вкупниот економски развој во земјата. Затоа сега важни се законските норми кои ќе се донесат во самата зона, по што треба да се промовира за да може во неа да инвестираат можни финансиски институции каков што е и замислениот концепт. Важно е да се разбере дека не станува збор за офшор-зона, туку место каде што ќе има само даночни олеснувања за инвеститорите, а јасно ќе се испитува потеклото на парите и ќе се следат законите за спречување перење пари - вели Арсовски.
Ни блиску до офшор
Тој нема дилема дека во зоната мора да има високи стандарди на работа за какви веќе зборуваа владините претставници. Замислата е во зоната да се привлечат банки, инвестициски фондови и корпорации, кои овде ќе имаат даночни олеснувања, но нема да смеат да се отвораат компании без да работат и да вработуваат, а влегувањето во т.н. сива зона ќе се избегне со доследно почитување на законите. Според вицепремиерот и министер за финансии Зоран Ставрески, финансиската зона е замислена како концепт во насока на искористување на трендот во меѓународните финансии според кој сега најголемите корпорации бараат дестинации каде што ќе ги минимизираат трошокот и ризикот. Ставрески е категоричен дека не станува збор за зона по примерот на офшор-дестинациите во светот каде што се овозможува за даночни потреби да се регистрираат компании и банки, а кои, освен регистрацијата, немаат никаква поврзаност со дестинацијата.
- Македонија има географска локација што е извонредно поволна во Европа, даночни поволности што во моментов ги нуди за фирми што работат во слободни зони и на сличен начин би биле дефинирани во оваа финансиска зона и има квалитетна работна сила што може да одговори на потребите на една финансиска зона. На тој начин би имале корист во две насоки: прво, во насока на етаблирање на земјата во меѓународната финансиска мапа како дестинација во која би работеле меѓународни банки, инвестициски фондови и корпорации и, второ, креирање работни места, што во случајов би биле работни места со повисока дополнителна вредност, односно работни места што ќе креираат и поголем ефект врз БДП - изјави Ставрески.
Тој вели дека зоната се формира по примерот на Луксембург во Европа, но дека во последно време финансиските услуги таму стануваат скапи исто како и тие во Швајцарија, па со тоа се остава простор за Македонија.
НАЈПОЗНАТА Е ФИНАНСИСКАТА ЗОНА ВО ДУБАИ
Kако најпозната слободна финансиска зона, која функционира од 2004 година, е онаа лоцирана во Дубаи во Обединетите Арапски Емирати. Има вкупна површина од 44 хектари и свој легален систем, судови одвоени од тие во самата земја со јурисдикција на корпоративните, комерцијалните и граѓанските работи во зоната. Зоната обезбедува платформа за бизнис и за финансиските институции кои сакаат да имаат пристап на брзорастечките пазари. Во зоната тие имаат нула данок за профитот, немаат рестрикции за странска размена на капитал или префрлување на профитот, добиваат оперативна поддршка и други бизнис-олеснувања од земјата. Во зоната функционираат и неколку хотели, кафетерии, културни галерии...
превземено од Дневник
