Прво ако има ваква тема споете ја со оваа и се извинувам. Значи не сакам да зборуваме за тоа како забранетото овошје е најслатко и слично туку ме интересира како можеш да спречиш ако е воопшто можно да не се заљубиш во некоја личност за која имаш силни причини поради кои не смееш и не би требало да се заљубиш. Некои работи кои се неприфатливи за да личноста ти стане дел од твојот живот. Работи кои многу ти сметаат и си зацртал дека таа личност не е за тебе и не може никогаш да биде. Можно ли е кога така си одлучил и се водиш по тоа, не го менуваш мислењето, несвесно да се заљубиш ? И дали навистина љубовта е толку силна што без разлика на се ќе бидеш со таа личност иако знаеш дека не е за тебе? Дали љубовта е единствената сила која може да те натера да правиш работи кои никогаш не си ги направил дотогаш. Да се спротиставиш на родителите, да ги смениш своите принципи и критериуми на пример. И конечно ако можеш да се контролираш да не се заљубиш како може да се направи тоа? Освен да не ја гледаш веќе таа личност, да се оддалечиш од неа, да ја тргнеш настрана и да ја заборавиш, други начини има ли? Како да се спречи заљубувањето...
Љубовта во никој случај не може да биде забрането овошје, иако ти сега можеш да ми наведеш милиони причини за да ми појасниш зошто ти не би можел да бидеш со девојката која ја сакаш. Дечко, љубовта е слепа, љубовта не гледа и не наоѓа и не признава причини за да би можел ти сам на себе да си забраниш и да не се заљубиш, ти не ја бираш љубовта, туку љубовта те бира тебе. Не можеш да се осудуваш самиот себе доколку си заљубен, за емоциите, посебно за љубовта - суд не постои.
Магичен начин да отсакаш некого не постои, можеш само да одлучиш дека повеќе нема да се гледаш со личноста и така да ја убиеш љубовта, но тоа се прави додека е време и додека не пламне и те изгори љубовното лудило. Родителите можеш слободно да ги одјебеш, зашто ти си креатор на својата среќа и само ти имаш право да носиш одлуки во свое име. После тоа ќе го платиш цехот кој може да биде љубов и среќа или тага и заебување. Сеедно, мораш сам да си одлучиш, анализирајќи го твојот пост јас можам само да заклучам дека ти премногу сакаш да бидеш со девојката, ја сакаш но си заложник на твоите родители, нивното ќењање кое води кон сјебување на своето дете, дури и твоите критериуми не се навистина твои, туку ти се наметнати од родителите.
Дури и да е мажена, дури и да е со дете, ако ти чувствуваш дека тоа е тоа, дека таа е правата и дека неа ќе ја сакаш до крајот на животот, биди маж и живеј - избери сам, донеси сам одлука, немој да им праиш кејфови на старите и на другите околу тебе. Ти си најважен, тоа имај го на ум секогаш. И размисли повеќепати пред секоја постапка.
