Oд голов некое видео?
Тасевски ефектно погоди во 23-та секунда за Левски!
19.11.2011 17:37
Македонскиот интернационалец Дарко Тасевски го постигна најбрзиот гол во својата кариера, но и во конкуренција на било кој наш фудбалер на интернационалната сцена, откако денеска погоди во 23-та секунда за Левски на натпреварот од бугарското првенство против Видима.
Левски на крајот триумфираше со 2-1, а Тасевски постигна гол „уште од соблекувалната“. Само што почна натпреварот Христо Јовов продре по десната страна, нафрли пред шеснаесетникот на гостите каде Дарко на мајсторски начин ефектно со волеј удар донесе водство за „сините“.
Нашиот фудбалер, кој поради спорот со новиот селектор Џон Тошак е надвор од репрезентативните редови, на најдобар можен начин со овој гол го одбележа и 100-от свој натпревар за Левски во бугарското првенство.
Откако гостите израмнија во 20. минута, потоа Левски до победата стигна во 51. минута со погодокот на Арс. Дарко Тасевски одигра 85 минути на натпреварот.